Skip to main content
bannerra
Gorka Moreno: "Ostrukaren estrategia erabili du Europak azken 20-30 urteetan"

2015-04-30

Gurean Gaur elkarrizketa saioan, Gorka Moreno Ikuspegi Immigrazioaren Behatokiko zuzendaria izan dugu. Ehunka pertsona hil dira azken asteetan mediterraneo itsasoan. Lampedusako ezbeharrei begira jarri eta Europak egin dezakeenari buruz hitz egin dugu, besteak beste.

Skapa | Maiatzaren Lehenaren asteburu berezia

2015-04-30

Lehen atalean, ondokoak nabarmendu ditugu: Kalakan taldeak "Elementuak" izeneko lan berria du kalean. Ondoren, zinema estreinaldiei begira jarri gara. Asteburuko proposamenei dagokienez, hauxe da gure eskaintza: Maiatzaren Lehena dela eta mobilizazioak izango ditugu Euskal Herriko hainbat txokotan, Arrietan azoka izango da asteburuan eta Bilbon ere merkatuak topatuko ditugu, giroa berotzen joateko PreFant jaialdia izango dugu egun hauetan, eta Willy Toledo aktore ezagunak Lekeitio bisitatuko du, antzerki proposamenek eta mendi martxek osatuko dute gaurko gure agenda.

Udal eta Foru Hauteskundeen jarraipena elkarlanean

2015-04-30

Maiatzaren 1etik aurrera, ostiralero Udal eta Foru Hauteskundeei begirako saio berezia eskainiko dizuegu. Berria, Hitza eta Euskalerria Irratiarekin elkarlanean egindako programan, Bizkaia, Gipuzkoa, Araba eta Nafarroako hautagaitza ezberdinetako politikariak izango ditugu.

Euskararen normalizaziorako plana

2015-04-30

Donostiako Udalak Euskararen Plan Orokorra onartu du 2015-2019 urte bitarterako. Euskararen bilakaeraren indarguneak baliatuz eta ahuleziak zuzenduz, euskara normalizazioan aurrera egiten jarraitzeko Udalaren hizkuntza politikaren neurri proposamenak jasotzen ditu. Planak Donostiako eragileen parte hartze zuzena izan du. Nerea Txapartegi euskara zuzendariak eman dizkigu xehetasunak.

Aiert Larrarte: "Testigu bezala deklaratzera behartuta zaude, betiere epaileak deitzen bazaitu"

2015-04-29

Aiert Larrarte abokatuarekin izan gara aste honetan. Guardia Zibilak euskal presoen senideak deklaratzera deitu izanaz aritu gara berarekin hizketan, baita euskal presoek bizi duten egoeraz ere.

Askapenako auzipetuekin izan gara

2015-04-29

Askapenaren auzian atxilotutako bost kidek epaiketa izango dute. Horietako hirurekin izan gara Askapenak eginiko lanari begira jarri gara eurekin, baita auziari begira ere.

 
bannerra

bannerra