Skip to main content
bannerra
Askapenako auzipetuekin izan gara

2015-04-29

Askapenaren auzian atxilotutako bost kidek epaiketa izango dute. Horietako hirurekin izan gara Askapenak eginiko lanari begira jarri gara eurekin, baita auziari begira ere.

Euskaldunon hizkuntza eskubide urraketez aritu gara, Garitano afera oinarri

2015-04-29

Euskaldunen hizkuntza eskubideen urraketei begira jarri gara aste honetan. Horretarako, Gaizka Garitano Eibarreko entrenatzailearekin gertatutakoa hartu dugu oinarri gisa. Hori guztia aztertzeko gurekin izan ditugu Iñaki Petxarroman (Berriako zuzendariordea), Gotzon Elizburu (Iratzar fundazioko komunikazio arduraduna) eta Eider Olazar (Info7 irratiko kazetaria).

Esatea Libre | Askapena, Aiert Larrarte eta Garitano

2015-04-29

Askapenako kideekin izan gara Askapenak eginiko lanari eta euren auziari begira. Horrez gain, Guardia Zibilak euskal presoen senideak deklaratzera deitu izana aztertu dugu Aiert Larrarte abokatuarekin. Eta solasaldian Gaizka Garitanorekin gertatutakoa izan dugu aztergai, baita EH Bilduren Bakerako Euskal Bidea proposamena eta Gure Esku Dagok asteburuan eginiko ekimenak ere.

Pello Igeregi: "Arazoa konpondu ezean grebara berriz deitzeko aukera handiak daude"

2015-04-29

Gurean Gaur elkarrizketa saioan, Pello Igeregi ELA sindikatuko osasun arloko arduraduna izan dugu. Osakidetzako grebaren eta egoeraren inguruan aritu gara. Datorren astean, bilera berri bat egingo dute sindikatuek eta Osakidetzako arduradunek.

Gitarra eskuan hartu gaitu Unax Noga musikariak Zarautzen

2015-04-27

Gehienbat kantu ezagunen bertsioak abesten ikusi dugu sare sozialetan eta bere kontzertuetan, baina horrez gain, Unax Noga zarauztarra bere lehen diska prestatzen ari da. Honen inguruan aritu gara eta bere musikarako grina nondik datorkion azaldu digu. Gainera, proiektu berriko kanta bat ere eskaini digu.

Gazteei kezka pizten al die euren etorkizunak?

2015-04-27

Gaur egungo egoera ekonomikoaz aritu gara Aizank! saioko atal berri honetan Axular Lizeoko gazteekin. Batxillergoa amaitzear dauden honetan, zein asmo dituzte datorren urteetarako? Kezkatzen al die egoerak? Esaterako, prest egongo al lirateke atzerrira joateko lanera? Besteak beste, galdera hauei erantzun diete gazteek.

 
bannerra

bannerra