Skip to main content
bannerra
Anaitasuna arnasgune bihurtuko da apirilaren 25ean

2015-04-23

Iruñeko Anaitasuna pabiloian egin du hitzordua Kontseiluak. Euskaraz bizi nahi duten herritarrei eskainitako ekitaldi berezia antolatu dute apirilaren 25erako. Ezberdina izango da, artistikoa. Hori horrela izateko Eneko Olasagasti zinegile eta ekoizlearen laguntza izan dute. Ekitaldiaren xehetasunak, ordea, Maite Indak eskaini dizkigu.

Donostiako merkatari eta ostalariak ere euskaraz

2015-04-23

615 establezimenduk bat egin dute “Donostian ere euskaraz” kanpainarekin. Hain zuzen ere, Merkataritzan eta ostalaritzan ere euskaraz egitasmoaren bigarren fasean Antigua, Ibaeta, Erdialdea eta Amara auzoetako establezimenduak bisitatu ditu udalak, eta horietatik ia 300 denda zein tabernek bat egin dute. Aurrerantzean baldintzak betetzen dituen edozein establezimenduk aukera du egitasmoan parte hartzeko.

Ertzaintzak terrorismo jihadistari aurre egiteko lan ildoak aurkeztu ditu

2015-04-23

Ertzaintzak terrorismo jihadistari aurre egiteko lan ildoak aurkeztu zituen atzo Erandion. Gervasio Gabirondo Ertzaintzako buruak aurreratu zuenez, prebentzioa izango da terrorismo ismalista radikalari aurre egiteko gakoa. Herritarrei mezu zuzena helarazi zien gai hau lasaitasunez hartzeko eta islamismoa praktikatzen duen pertsona oro ez kriminalizatzeko eskatuz. Era berean, Europa mailan islamismo gaiak aztertzen diren foroetan parte hartzeko eskaera zuzena egin zuen Ertzaintzak.

Txerra Bolinaga: "Libre dinamikak herritarrak aktibatzea lortu du"

2015-04-22

Txerra Bolinaga Eleak Mugimenduko kidearekin Konpromiso Eguna errepasatu dugu, baita orain arte egin diren epaiketak eta iristear daudenak ere. Halako epaiketen aurkako elkartasun gunea sortzen ari dela nabarmentzen du mugimenduak.

Immigrazioa izan dugu ardatz

2015-04-22

Libiatik Italiara bidean hildako etorkinen gaia jorratu dugu aste honetan, beraz, immigrazioari begira jarri gara. Horretarako gurekin izan ditugu Txente Rekondo (nazioarteko aditua), Jexux Mari Mujika (irakasle ohia) eta Gari Garaialde (Bostok Photoko argazkilaria).

Joan Mari Torrealdairen testigantza

2015-04-22

Joan Mari Torrealdaik duela 10 egun, torturari lotutako jardunaldi batean, jakinarazi zuen hezur-muineko minbizia duela. Euskaldunon Egunkariaren itxiera egunetik bizi behar izan duenaren eta egun duen gaixotasunaren arteko lotura egin du. Behin baino gehiagotan "infernu" hitza erabili du Guardia Zibilaren eskuetan bizi izandakoa deskribatzean.

 
bannerra

bannerra