Skip to main content
Europako hauteskunde kanpainan murgilduta jarraitzen dute alderdiek

2014-05-19

Europako hauteskundeen atarian, alderdiek buru-belarri dihardute kanpainako lanetan. EH Bilduk ekitaldia egin du Donostiako Carlos Santamaria liburutegi parean. Eredu sozial berri bat aldarrikatu, eta gazteen garrantzia azpimarratu dute. EAJk, berriz, Bilbon egin du ekitaldia, eta Izaskun Bilbao hautagaiak Bizkaiko hiriburuaren eredua azpimarratu du.

Amaiurreko ordezkariek bisita egingo diete gaixo larri dauden presoei

2014-05-16

Amaiurreko diputatu eta senatariek gaixotasun larriak dituzten presoei bisitak egingo dizkiete. 12 dira guztira egoera horretan dauden euskal presoak. Ekimen honekin presoen zuzeneko testigantzak jasoko dituzte. Ekainaren amaierarako bisita guztiak eginak izatea aurreikusten dute, eta, bisita errondaz gain, urtea amaitu aurretik, bestelako ekimenak ere antolatu asmo ditu Amaiurrek.

Gipuzkoako Aldundiak opor fiskalen ardura hartzeko eskatu die Confebask, EAJ eta PPri

2014-05-16

Martin Garitano Gipuzkoako ahaldun nagusiak eta Helena Franco Finantza diputatuak agerraldia egin dute opor fiskalak direla eta jasotako zigorraren balorazioa egiteko. EAJ, PP eta Confebask-ek herritarren aurrean erantzule direla aitortu behar dutela esan dute. Bestalde, urteetan zehar Europari kasorik ez egin eta itzulpenak atzeratzea lotsagarritzat jo dute eta horrek enpresak itzulpenak krisi garaian egitera behar dituela kritikatu dute. Amaitzeko, atzerapena dela eta eurei ardurak eskatzeko eskubiderik ez dagoela esan dute, haiek ez baitzuten gaizki jokatu.

Ekainaren 1ean Ibilaldia ospatuko dute Gernikan

2014-05-15

Aurtengo Ibilaldia Gernika-Lumo eskualdeko bizilagun guztiena izatea nahi dute antolatzaileek. Hala baieztatu dute gaur goizean Bilbon egindako agerraldian. Gernikan ospatuko dute ekainaren 1ean . Seber Altube ikastolari egokitu zaio jaialdia antolatzea, baina ikastola horrek eskualde osoko ikasleak hartzen dituenez jaialdia eskualdeko herritar guztiena dela adierazi du Siera Enbetitia, Ibilaldiko koordinatzaileak.

25 urte igaro dira Espainiak sakabanaketa politika ezarri zuenetik

2014-05-15

Orain dela 25 urte, gaurko egunez, hasi zen Espainiako Estatua dispertsio politika sistematikoki erabiltzen. 25 urte eta biktima ugari. Urteurren anker hori dela eta, Etxerat elkarteak elkarretaratzea egin du Donostian, dispertsio politika behingoz amaitu dadin aldarrikatuz.

Etxe barruan ematen diren indarkeria kasuak %17,6 igo dira Hego Euskal Herrian

2014-05-14

Etxe barruan ematen diren indarkeria kasuak %17,6 igo dira Hego Euskal Herrian. Genero indarkeriari lotutako kasuak, berriz, %13,8 jeitsi dira, Auzitegi Medikuntzako Euskal Erakundearen datuen arabera. Lan istripuen inguruko 106 auzitegiko peritu azterlan egin ziren 2013an, aurreko urtearekin alderatuta nabarmen gehiago. Dena den, joera beherakoa omen da. Auzitegi Medikuntzako Euskal Erakundearen 2013ko memoriatik atera daitezkeen datuak dira hauek.

 
bannerra

bannerra