Skip to main content

Gurean Gaur

EGUNEKOA: ekainaren 26ko albiste nagusiak

2018-06-26

Fernando Grande Marlaskari hainbat torturatuk eragindako mina aitortzeko egindako eskaera da gaurko albiste politikoetako bat. Horrez gain, arreta eskaini diegu E28 koordinadorak ostegunerako egindako deialdiari eta Euskal Herriko Eskubide Sozialen Kartaren pobreziaren aurkako Herri Ekimen Legegileari ere.

Sortuk Fernando Grande-Marlaskak "eragindako mina" aitortzea eskatu du

2018-06-26

Sortuk agerraldia egin du Torturaren Biktimen Nazioarteko egunean. Bertan, Fernando Grande-Marlaskaren aurretik torturak salatu dituzten 223 lagun daudela gogoratu du Amaia Izkok eta Espainak Barne Ministro berriari“eragindako mina aitortzea” eta “justizial trantsizionala” abiaraztea eskatu diote.

Peñen pankarten atzealdea morea izanen da sexu erasoen aurkako aldarrikapen gisa

2018-06-26

Altsasuko auzia, Alde Zaharreko amabilizazio plana edota ustelkeria dira aurtengo sanferminetarako Iruñeko peñek euren pankartetan umorez landu dituzten gaiak. Berritasunen artean, aurtengo pankarten atzealdea morea izanen da eraso sexisten aurkako aldarrikapen gisa eta jai parekideen alde. Era berean, 78ko sanferminen 40. Urteurrenaren harira, arreta berezia eskaini diote peñek.

 

Laranja mekanikoa: futbola aldatu zuen taldea

2018-06-26

Holandak futbola ulertzeko modu berri bat ekarri zuen mundura bere garaian. Gaur, krisi sakoneak dago laranja mekanikoa 2016ko Eurokoparako eta aurtengo Mundialerako sailkatu ez baitira. Selekzio historiko hau du izpide Beñat Zarrabeitiak gaurko pilulan

Pobreziaren aurkako Herri Ekimen Legegilea babestu dute ELAk eta LABek

2018-06-26

Garbiñe Aranburuk gogoratu du Herri Ekimen Legegilearen helburua herritar guztiei gutxieneko diru sarrerak eta bizi baldintza bermatzea dela, oinarrizko eskubideen izenean. Izan ere LABeko idazkari nagusiaren hitzetan, herritarren eskubideak bermatzen ez dituen herri batek ezin du duina izan.

Euskal Autonomia Erkidegoari dagokionez, EAJk eta PSEk aurkeztu berri duten lege proposamenari buruz hitz egin dute, ELAko idazkari nagusiak murrizketei eustea salatu du eta horri aurre egiteko partaidetza ezinbestekoa dela nabarmendu du. 

Hala, herritarrei deia egin diete  Herri Ekimen Legegilearen alde sinadura ematera, eta sinadurak biltzen aritu da Euskal Herriko Eskubide Sozialen Karta Hego Euskal Herriko hiriburuetan.

Nafarroako Gobernuaren jarrera ere salatu dute Iruñean, Herri Ekimen Legegilearen tramitazio bera ukatu baitu. Zehazki, Nafarroako Parlamentuko mahaiak Euskal Herriko Eskubide Sozialen Kartari jakinarazi dio erabaki duela ez dituela onartuko tramitera Bermaturiko Errenta hobetzeko aurkeztu den Herri Ekimen Legegilea, ez eta alokairu sozialeko etxebizitza eskuratzeko eskubidea. LABeko ordezkari Imanol Karrerak gogor egin du horren aurka.

40 urte betetzen dira Bilbon lehenengoz sexu askapenerako manifestazioa egin zenetik

2018-06-26

1978. urtean Bilboko lehenego sexu askapenaren manifestazioa burutu zen, 40 urte pasa dira eta horregatik aurten  atzera begira jarri da E28 koordinadora, emakume guztien papera ikusi haraziz  , urte hauetan egindako lana eskertzeko.

Emakume, trans, lesbiana eta bisexuales ari dira hitzegiten, aurrerapen garrantzitzu eta nabariak lortu harren,  ezin dute ahaztu  gaur egun eremu instituzionalean, familiartekoan, interpertsonaletan eta baita espazio feminista askoren barruan eta LGTB+ mugimenduan pairatzen duten Lesbofobia, bifoia eta trasmisognia  indarkeria bortitza

 
bannerra

bannerra