Skip to main content
bannerra

Gurean Gaur

Igor Anton txirrindulariak bere ibilbide profesionalari bukaera jarri dio 21 itzuli handi eta gero

2018-09-18
21 itzuli handitan parte hartu ondoren eta 35 urterekin, momentua heldu zaiola iritzita agur esan zion bere kirol ibilbideari Madrileko azken etapan. Bertan, zaleen babesa jaso zuen besteak beste Euskaltel-Euskadin ibilitako txirrindulariak, ziurrenik euskal txirrindularitzaren izen garrantzitsuenetakoa.
Behin-behineko irakasleen prekarietatea salatu dute sindikatuek

2018-09-18

Joan den astean N-121A errepidean istripuz hildako irakaslearen heriotza salatu dute sindikatuek, Nafarroako Hezkuntza Departamentuaren egoitzaren aurrean. Ostegunean gertatu zen ezbeharra, Ataungo 26 urteko emakume bat hil zen auto istripuz, Beran, lanera zihoala.

Itxuraz, zeraman autoaren kontrola galdu zuen eta kontrako norabidean zihoan furgoneta bat jo zuen. Gaztea aldi baterako irakasle ari zen Donezteben, eta haren heriotzaren harira, behin-behinekotasuna prekaritatea dela eta prekarietateak hil egiten duela salatu dute sindikatuetako ordezkariek Iruñeko elkarretaratzean.

Edonola ere, irakaskuntzako sektoretik harago, azken asteetan izandako lan heriotzak ere salatu dituzte. Egoera aldatzeko prebentzio neurriak hartzea ezinbestekoa dela nabarmendu dute. Baita lan istripuen atzean dagoena prekarietatea dela salatu ere. Hargatik, erakunde publikoek ezin dutela beste alde batera begiratu iruditzen zaie.

Urtea hasi zenetik, 40 langile baino gehiago hil dira, sindikatuen datuen arabera, horietako hamabost, abuztuan eta irailean.

Indarkeria matxistaren biktimei eskaintzen dien arreta hobetuko du Nafarroako Gobernuak

2018-09-18
Indarkeria matxistaren biktimei eskaintzen dien arreta hobetzeko Nafarroako Gobernuak laguntzak eta baliabideak handitu eta giza salerosketaren biktimei aterpea emateko zerbitzua ezarriko dutela jakinarazi du Ana Ollo kontseilariak. Izan ere, azken urteetan aurrera urratsak egin dituztela onartuta ere, laguntza "eraginkorragoak" eta "genero perspektiba handiagoa" beharko direla adierazi du.
Soul erritmoak Iruñea hartuko du Beltza Weekend jaialdiaren eskutik

2018-09-18
Bigarren urtez Beltza Weekend jaialdiak soul eta rhythm&blues erritmoak ekarriko ditu Iruñera urriaren 4, 5 eta 6an. Jaialdiak kultura zabaldu eta gerturatzearekin batera, publiko berriak sortzen ditu eta Iruñea mapa musikalean gutxinaka kokatzen laguntzen du. Aurten, besteak beste, King Salami & The Cumberland Three, The Lucilles, Sister Cookie eta The beat from Palookaville taldeek eskainiko dituzte kontzertuak.
Bost azterketa soilik errepikatzea eta epaimahairik ez aldatzea erabaki du Osakidetzak

2018-09-17

Lan Eskaintza Publikoko oposaketetan izandako irregulartasunez egindako ikerketaren emaitzak aztertuta, hartutako erabakien berri eman du Osakidetzako zuzendaritzak. Besteak beste, Traumatologiako epaimahaiko zortzi kidetatik seiri espedientea irekitzea ere erabaki dute

EGUNEKOA: irailaren 17ko albiste bilduma

2018-09-17
De Miguel auzia hamabost egunerako eteteko hartutako erabakiari erreparatu diogu, hasteko. Pentsiodunen aldarrikapenak eta Iruñeko Udalak UPNren eskaeraz Maravillas gaztetxeaz onartutako adierazpenaren berri ere jaso dugu. Kultura gaietan, zine kontuak bildu ditugu, besteak beste.
 
bannerra

bannerra