Skip to main content

Gurean Gaur

UNICEF Euskal Herriko Batzordeak "Aliaods" aliantza sinatu du 15 komunikabiderekin

2018-07-17

UNICEF-eko Euskal Herriko Batzordeak komunikabide autonomiko eta lokalen aliantza aurkeztu du Gernikan. “Aliaods” izenpean, Euskadin aritzen diren 15 komunikabide eta komunikazio taldek sinatu dute UNICEF-ekin hitzarmena. Helburua, Garapen Iraunkorrerako 2030 Agendaren alde aritzea eta Garapen Iraunkorrerako Helburuen inguruan sentsibilizatzea. Isidro Elezgarai Batzordeko presidenteak, arreta berezia jarri nahi izan du ume eta gazteetan eta elkarlanaren garrantziaz aritu da ere.

Crida Nacional, independentziarako Puigdemonten tresna berria

2018-07-17

Bartzelonako Ateneun aurkeztu zuten astelehenean Crida Nacional egitasmoa, proiektu subiranista berria. Gemma Geis JxCateko diputatuak eta Ferran Mascarell Generalitateko ordezkariak irakurri zuten manifestua. Quim Torra Generalitateko presidentea ez zen egon, Alemaniatik hartzekoa zuen hegazkina atzeratu egin baitzen eguraldi txarragatik. Telefono bidez hartu zuen parte. 

Puigdemont bideokonferentzia bidez izan zen aurkezpenean, eta Jordi Sanchez JxC Junts per Catalunya alderdiko liderrak, berriz, gutun bidez eman zuen azalpena. Puigdemonten, Torraren eta Sanchezen ekimenez sortu dute Crida Nacional «mugimendu politiko tranbertsala». Zenbait plataformari zuzenean lotutako mugimendua da: 1-O mugimenduarekin eta Junts per la Republicarekin, esaterako. Puigdemonten hitzetan, plurala eta anitza izan nahi duen errepublikarako bidea egitera doaz. 

Mugimenduak hartuko duen noranzkoa zehazteke dago oraindik, baina baliteke hilabete batzuk barru alderdi politiko bilakatzea. Webgune bat irekiko dutela egitura juridikoa erabakitzeko, eta udazkenean egingo duten bileran hartuko dutela azken erabakia. Forma juridikoa zehaztuta, martxan jarriko dute proiektua. Mugimenduaren helburu nagusia «lanabes politikoa eta transbersala» izatea da. Hau da, egungo alderdiez harago joan eta horiek bildu nahi ditu proiektuak.

Utopia edo sistemak irentsi ezin duen bidea egitea

2018-07-16

Alba Garmendiak eta Eduardo Apodakak ikergai dituzte utopia eta distopiak, eta horiexek izan dituzte hizpide UEU eta Jakinek antolatutako jardunaldietan, baita gurean ere.

Sexu jazarpena salatutako langilea kaleratu izana egotzi dio LABek Berrizturi

2018-07-16
Aste batzuetara lanera itzultzean, kaleratu egin zuten. Berriztuk aldundiarentzat lan egiten duenez, auzi horretan instituzioak duen erantzukizuna agerian utzi nahi izan dute aldundiaren atarian egindako elkarretaratzearekin.
EGUNEKOA: uztailaren 16ko albiste nagusiak

2018-07-16

Pentsiodunek Bilbon egindako asteleheneroko elkarretaratzeari eta abuztuaren 20ko manifestazioaren iragarpenari erreparatu diegu. Horrez gain, Espainiako Gobernuak EH Bilduko diptuatu Marian Beitialarrangoitiari emandako erantzunari ere eskaini diogu arreta: Madrilek zehaztu du ez duela Euskal Herrira gerturatzeko presoen zerrendarik egin.

Euskal Herria Txapelaren bigarren edizioko finala aurkeztu dute

2018-07-16

Norgehiagokaren aurkezpenean, bi taldetako ordezkariak, Euskal Herria Kirola elkarteko Kike Zurutuza eta Mikel Etxarri, Euskal selekzioko entrenatzaileak parte hartu dute, besteak beste. Partiduaren xehetasunak azaltzeaz gain, Euskal Herriaren eta kirolaren arteko lotura indartzeko sinbolo gisa 1976.urteko derbian Inaxio Kortabarria eta Jose Angel Iribar ikurriñarekin atera zireneko irudia erabili dutela azaldu du Zurutuzak. Talde bizkaitarraren helburua txapelketa irabaztea dela adierazi du Iribarrek. GAL bezalako zelai historiko batean jokatzea polita dela eta denboraldia prestatzeko oso partidu interesgarria dela kontatu du zarauztarrak. Aurreko udan, Athletic eta Alavesek jokatu zuten finala, baina ez zen txapeldunik izan, partidua bukatzeko bi minuturen faltan jokalarien artean izandako istiluengatik eta epailearenganako errespetu faltengatik bertan behera geratu zelako norgehiagoka. Emandako irudia oso tristea izan zela eta aurtengoan kiroltasuna nagusituko dela baieztatu dute antolatzaileek. Joseba Ibarburu, Realeko ordezkariak, denboraldi eskasa egin arren euskal derbietan puntu gehien lortu dituen taldea direla gogorarazi du eta talde txuri urdina txapela lortzeko asmoz zelairatuko dela adierazi du. Mikel Etxarrik txapelketaren garrantzia azpimarratu du, euskal taldeen artean motibazioa eta lehia sustatzen duelako. Finala Abuztuaren 4an jokatuko da GAL futbol zelaian, arratsaldeko 18:15etan. Gaur bertan jarriko dituzte sarrerak salgai ehkirola.eus webgunean eta uztailaren 23tik aurrera salgai izango dira Errealaren dendetan, Ibaiganeko bazkideen arretako bulegoan eta Gal Stadiumean. Partidua Tribunatik ikusteko 20 euro ordaindu beharko dira, Hegaletatik ikusteko 10 eta 16 urtetik beherakoek 5 eurotan izango dituzte sarrerak.

 
bannerra

bannerra