Skip to main content
bannerra

Gurean Gaur

Naval-eko zuzendaritzak enpresa itxi eta kaleratuko dituela jakinarazi die langileei

2018-10-10
Van Oorde armadorearekin negoziazioek ez dituzte fruiturik eman eta beste inbertitzaile baten faltan, lan erregulazio espedientea aurkeztuko duela adierazi die zuzendaritzak Naval-eko lngileei, ateak ixteko. Konpnbiderik ez bada ematen sektore publiko edo pribatutik, datozen asteotan kalean geratuko dira enpresaren 177 langileak.
Barakaldok badauka bere hamaikakoa Euskaraldirako

2018-10-09
Hamaikakoa hauek osatzen dute: Arrate -Sasiburu Elkartea-, Endika Lahaine -Musikaria-, Gemma Etzaniz -Barakaldo Udal musika banda-, Txeru Garcia -Barakaldarra-, Gotzon Hermosilla -Kazetaria-, Sora Ryu -Sukaldaritza irakaslea-, Iker Aginaga -Musikaria eta kazetaria-, Maribel Salas -Aktorea-, Idoia Anzoraindia -Barakaldoko Bertso Eskola-, Arantza Sancho -Barakaldarra-, Begoña Aranguren -Irakasle ohia-.
‘Baxenabarre, lurralde berezia’ erakusketa, Iruñean ikusgai

2018-10-10
‘Baxenabarre, lurralde berezia’ izeneko erakusketa inauguratu dute Nafarroako Artxibo Nagusian. Behe-Nafarroaren ibilbidearen berri ematen duten dokumentuak jasotzen ditu erakusketak bai eta Nafarroa Garaiarekin historian zehar izandako lotura estua ere. Urtarrilaren 13ra bitartean izanen da ikusgai.
"Engainatuta", argazkiak biluzik atera zizkielako, epaitegietan salatu dute hamar emakumek Haritz Varela

2018-10-10

Hamar emakumek auzitara jotzeko erabakia hartu dute, salatu dutenez, Haritz Varelak «engainuz» argazkiak biluzik atera zizkielako. Iazko uztailean atera zen kasuaren berria. Sortuk jakinarazi zuen Donostiako «militante ezagun bat» bota egin zuela, bere postua baliatuta neska gazteei argazkiak biluzik egin zizkiela eta. Donostiako Piraten mugimenduko partaide ere bazen Varela eta handik ere bota zuten. Argazkiak egin zizkien emakume horietako batzuek salaketa ipini dute orain, eta martxan da prozedura: jakinarazi dute deklaratzera deitu dutela akusatua. Hamar emakumek jo dute epaitegira, baina azaldu dute askoz gehiago direla eraso horiek jasan zituztenak: 40 neska inguru.

Varela kanporatu zuela jakinarazi zuenean, Sortuk salatu zuen ezker abertzalean zeukan «erreferentzialtasuna» erabili zuela neskengana hurbiltzeko eta «engainua» egiteko. Hori berretsi dute salatzaileek ere, erasotzaileak baliatu egin zuela emakume horiek harekiko zuten konfiantza. Argi dute, ordea, egoera salatu eta horri aurre egiteagatik ez dutela ezer txarrik egin eta salaketarako pausoa eman nahi duten gainerako erasotuei ere beren babesa adierazi diete.

Salaketa jarri eta epaitegietara jotzeko bidea ez dela erraza izan ere salatu dute, bide batez, epaitegien izaera matxista eta eraso sexistei ematen dieten trataera desegokia ere jarri dituzte jopuntuan. Horrez gain, erasoa salatu ondoren, egoera deserosoei ere egin behar izan diete aurre: haien hitza zalantzan jarri dutela sentitu dute, asko bakarrik sentitu dira, berriz ere biktimizatu dituztela sentitu dute edota administrazio arloko oztopoekin topo egin dute.

Orain, ordea, aurrera begira jartzeko asmo irmoa erakutsi dute. Jakitun dira eraso matxistak jasateko arriskua izango dutela aurrerantzean ere, gertuko espazioetan eta gizartekoetan, oro har. Baina orain arteko bidea elkarrekin egin izanak indartu ditu eta horri eutsiko diete.

Euskararen lege berriak nafar guztien hizkuntza-eskubideak bermatu behar dituela defendatu du Behatokiak

2018-10-10
Nafarroako euskararen lege berriak nafar guztien hizkuntza eskubideak bermatu behar dituela nabarmendu dute batzorde berezian parte hartu duten eragile guztiek. Izan ere, Hizkuntz-Eskubideen Behatokiko zuzendari Garbiñe Petriatik salatu duen bezala, egungo legeak eskubidea aitortzen badu ere, ez du bermatzen beteko denik.
Estrasburgoko ebazpena espetxe politika aldatzeko baliatzeko eskatu dio Sarek Espainiako Gobernuari

2018-10-10
Urriaren 23rako espero da Giza Eskubideen Europako Auzitegiak espetxe zigorren kontaketari buruzko ebazpena jakinaraztea. Estatu batean preso egondako urte kopurua aintzat hartzearen aldeko ebazpena balitz, Frantzian preso egon direnei kontuan hartu beharko litzaizkiek urte horiek Espainiako espetxe zigorretarako. Santiago Arrospide euskal preso ohiaren helegite baten harira ebatziko du Estrasburgok, eta jurisprudentzia ezarriz gero, 50 bat euskal presori eragingo lieke. Sare Herritarraren arabera, gainera, horietako hamalau "automatikoki" geratuko lirateke libre. Sententziaren atarian, Espainiako Gobernuari eskaera egin dio Sarek: utz diezaiola salbuespenezko espetxe politikarekin presoen eta haien gertukoen sufrimendua luzatzeari eta balia dezala Estrasburgoko epaia espetxe politika aldatzeko. Horrez gain, urriaren 20rako Donostian antolatu duten manifestaziorako deia egin diete herritarrei, Espainiari eta Europari erakusteko giza eskubideen aldeko aterkipean hainbat pentsamoldetako herritarrek bat egiten dutela.
 
bannerra

bannerra