Skip to main content

Gurean Gaur

Gure oroitzapenak, Joseba Sarrionandia idazlearen obran oinarritutako film kolektiboa

2018-04-11

Gure oroitzapenak, Joseba Sarrionandia idazlearen obran oinarritutako film kolektiboa da. Une honetan “ari gara” edo “work in progress” fasean dago. Bilboko Adabaki ekoiztetxeak produzitu du eta Elkar argitaletxeak, Gastibeltza filmak eta Zenbat Gara elkarteak ere parte hartzen dute. Hamabi zinemagileek pieza bana sortzen ari dira, Joseba Sarrionandiaren corpus literarioan murgil egin eta itsaso sakon bezain zabal horren puzle bat osatu nahian dabiltza. Hartara, Sarrionandiaren iruditeria poetiko eta literarioa zinema lan luze batera bilduta agertuko zaigu lehendabizikoz. Pieza guztiak hari fin batek lotuko ditu eta abiapuntuak ezezik trataera estetikoak ere batasuna emango dio lanari.

CDRak terrorismoarekin lotzea kritikatu dute independentista katalanek

2018-04-10

Kataluniako CDR errepublikaren aldeko batzordeetako kide bat atxilotu du Guardia Zibilak, terrorismoa eta matxinada egotzita. Espainiako Auzitegi Nazionalak agindu du operazioa. Errepide mozketak eta ordainlekuetan ez ordaintzeko ekintzak bultzatzea leporatu diote eta Espainiako Auzitegi Nazionalera eraman dute.

Kataluniako alderdi independentistak kritiko agertu dira polizia operazioarekin. Espainiari demokraziarekin arazoa izatea leporatu dio, esaterako, Junts per Cateko Francesc Dalmasesek. ERCko Ruben Wagensbergen hitzetan, Madrilek ardurarik gabe darabiltza terrorismoa eta indarkeria kontzeptuak. Hain justu, indarkeria faltsuaren kontaketa eraikitzen aritzea leporatu dio Madrili CUPeko Natalia Sanchezek.

Catalunya en Comú-Podemeko Marta Ribasek, berriz, esan du protesta egitea zilegi dela eta salagarria iruditzen zaiola horregatik matxinada delitua leporatzea. Beste muturrean kokatu da Ciutadanseko Fernando de Paramo eta CDRen ekintzak gaitzesten ez dituzten alderdien aurka egin du. PSCko Eva Granadosek, azkenik, esan du CDRen ekintzez justiziak erabaki beharko duela, baina terrorismoaren aurkako legea ezartzea neurriz kanpokoa iruditzen zaiela.

Horrez gain, Mossoek sei lagun atxilotu dituzte, joan den urtarrilaren 30ean, Kataluniako Parlamentuaren inguruetan izan ziren protestekin lotuta. Poliziaren segurtasun lerroa hautsi eta parlamentuaren atariraino joateagatik, autoritatearen kontrako atentatua eta desordena publikoa egozten diete. Arratsaldean geratu dira libre seiak.

Nafarroako Parlamentuak eta gehiengo sindikalak bat egin du Altsasuko gazteen aldeko manifestazioarekin

2018-04-10

Nafarroako Parlamentuak bere babesa adierazi die Altsasuko gazteei atzokoan argitara emandako adierazpen instituzionalaren bitartez. Auzian gizarte demokratikoa eta zuzenbide estatuaren oinarriak urratu egin direla salatu dute eta larunbatean Iruñeko manifestazioan parte hartzeko deia luzatu diete Nafarroako jendarteari. Gaurkoan, gehiengo sindikalak ere bat egin du deialdiarekin, Iruñeko auzitegian izandako elkarretaratzean. 

Urtzi Errazkin: "Orain arte, eztabaidak ados ez geunden kontuetan zentratu ditugu"

2018-04-10

Etxerat elkarteak Ipar Euskal Herriko ordezkaritzaren eta Frantziako Justizia Ministerioaren arteko lan esparruak presoen gai desblokeatu egin duela adierazi du gaur goizean, prentsaurrean, eta bi eragile horiek EPPKrekin duten elkarlana ere balioan jarri du. Balorazio positiboa egin dute lan epazio horrek emandako emaitzen inguruan, eta gogorarazi, bederatzi presori kendu dietela DPS estatusa. Hala ere, adierazi dute denbora euren "kontra" doala, eta horren erakusle direla, batetik, gora doala gaixo dauden presoen kopurua, eta, bestetik, Ibon Goieaskoetxearen senideek bisitara bidean Tolosan (Okzitania) izandako auto istripua.

Espainiaren jarreraren inguruan, ezkorrago dira Etxerat-eko ordezkariak. Eta Hego Euskal Herriko eragileez, berriz, elkarrenganako gerturatze bat antzeman dute.

13 urtetik gorako zigorra osorik beteta, aske geratu da Sara Majarenas

2018-04-09

Oihartzun handiko espetxealdia izan da Sara Majarenasena, berak eta alabak jasan duten indarkeria matxista dela eta. Izar haurraren aita 2 urteko alaba hiltzen saiatu baitzen iazko urtarrilean.

Erasoa gertatu eta hilbete eta erdira, haurrak 3 urte bete zituen, eta, beraz, ezin zen amarekin espetxean geratu. Harengandik banantzeko arriskuaren aurrean, mobilizazio jendetsuak izan ziren Euskal Herrian, amak eta alabak elkarrekin egoteko aukera izan zezatela eskatzeko. Espainiako Auzitegi Nazionaleko Jose Luis Castro epaileak bigarren gradua onartu zion Majarenasi, eta Valentziako Picassent espetxetik Madrilgo harrera pisu batera lekualdatu zuten alabarekin batera.

Presoak hirugarren gradua eskatu zion Espainiako Justiziari, zigorra Donostian bete eta alabarekin batera bere hirira itzuli ahal izateko; baina epaileek ukatu egin zioten aukera hori. Beraz, gaur geratu da aske, zigorra oso-osorik beteta.

Altsasuko Gurasoek salatu dute defentsak aurkeztutako frogak atzera bota izana

2018-04-09

Altsasuko gazteen epaiketarako astebete baino ez da geratzen eta urte t’erdi honetan ugariak izan dira justizia eskatzeko antolatu dituzten mobilizazioak Euskal Herri osoan. Larunbatean, hain justu, izanen da epaiketa aurretik egonen den azkeneko manifestazio handia Iruñean. Isabel Pozueta espetxean jarraitzen duen Adur Ramirez de Aldaren amak salatu du defentsak aurkeztutako froga eta lekuko gehienak atzera bota izana eta babesik gabe aurkitzen direla adierazi du. 

 
bannerra

bannerra