Skip to main content
bannerra

Gurean Gaur

Independentzia zaleek Kataluniako Parlamentuko gehiengoa galdu dute

2018-10-09

Independentistek gehiengoa galdu dute Kataluniako Parlamentuan. Hain justu, Parlamentuko Mahaiak goizean erabaki du ez onartzea JxCko lau diputatu auzipetuen boto delegatuak, eta, beraz, ezingo dutela bozketetan parte hartu.

Neurri horrek Carles Puigdemont presidente kargugabetuari, eta Jordi Turull, Josep Rull eta Jordi Sanchez kontseilari auzipetuei eragiten die. Eta orain, independentistek ez dute gehiengo osorik JxCko lau diputatu auzipetuen botorik gabe. Arratsaldean bertan ikusi da lehen ondorioa: osoko bilkuran egindako hainbat bozketatan, gehiengoa galdu dutelako independentistek, adibidez, "Kataluniaren autodeterminazio eskubidea berresteko" aurketutako testua ez dute onartu.

Hain justu, jarreraz aldatzeko eskatu dio ERCk JxCri, eta auzipetutako bere lau diputatuen ordezkoak izendatu ditzala, aurretik ERCko Oriol Junquerasek eta Raul Romevak egin bezala. JxC, baina, ez da prest agertu diputatu auzipetuak ordezkatzeko, eta bere "marra gorria" dela adierazi du.

Hain justu, JxCko lau diputatuek ohar bat kaleratu dute adieraziz parlamentuko mahaiaren erabakia onartzen dutela, eta beren gain hartzen dutela haien botoek baliorik ez izatea. ERCren eta JxCren 61 diputatuak nahikoa izatea espero dute, legealdiarekin aurrera jarraitzeko eta Generalitateari eusteko.

Ba Elsa Artadi Generalitateko bozeramaileak ziurtatu du ERC eta JxC talde parlamentarioek generalitateko legealdiarekin aurrera jarraitzeko konpromisoari eusten diotela, eta nork bere portaera duen arren, aniztasun independentistaren barnean kokatzen direla denak. Horrez gain, esan du errepresioari aurre egiteko modu guztiak diela zilegi eta Generalitatearen gobernagarritasuna bermatuta dagoela.

Eusko Jaurlaritzak ezkerrera biratzea, EH Bildu zein Elkarrekin Podemosen baldintza aurrekontuak babesteko

2018-10-09
Eusko Legebiltzarreko oposizioko indarrek beren kartak mahai gainean jarri dituzte. Josu Erkorekak zehaztasun falta egotzi dio EH BIlduri, eta errealismo falta Elkarrekin Podemosi.
Patxi Zamorak berretsi du bere kaleratzea mendeku politikoa izan zela

2018-10-09
Patxi Zamoraren kaleratzea mendeku politikoa izan dela berretsi du Kontuz elkarteak. Gaurkoan jakitera eman dutenez, Guardia Zibilaren aginduz kendu zioten Zamorari hegan egiteko baimena. Zehazki, "aire segurtasunerako arriskutsuak izan daitezkeen inguruneen gertukoa" izatea leporatzen ziotela jakin elkarteak, epaitegietan lortutako txostenean agertzen denez. Hain kalifikazio larriak justifikatzeko frogarik ez dagoela salatu du Zamorak.
EGUNEKOA: politika, gizarte eta kultura albisteen bilduma

2018-10-09
Kataluniako Parlamentean diputatuen boto delegatuez JxC eta ERCren artean sortu den eztabaidari, Harremanetarako Nazioarteko Taldearen amaierari eta EAEko 2019ko aurrekontuen negoziazioari erreparatu diegu arlo politikoan. Gizarte gaietan, kristau eskoletako eta itunpeko ikastetxeetako grebaz aritu gara. Kultura sailean, berriz, Gotzon Barandiaranen 'Hitzen ahairea' liburuaren berri jaso dugu.
Zeri kantatzen diogu euskaldunok?

2018-10-09
Hitzen ahairea izenburu du Gotzon Barandiaranen azken lana eta galdera bat dakar: Zeri kantatzen diogu euskaldunak? Hortik abiatuta, euskal kantagintzaren inguruko hausnarketa plazaratu du idazleak. Hain zuzen ere, idazleen testuetatik abiatutako kantak izan ditu aztergai obran.
Emakundek antolatutako Berdintasunerako Guneak 15. urte betetzen ditu

2018-10-09
Emakundek antolatutako Berdintasunerako Guneak 15. urte betetzen ditu aurten. Gune honek, 86 entitate ezberdinek antolatutako 146 jarduera eskeiniko ditu, Urriaren 2tik abenduaren 15era arte. Aurten ere, aurreko urteetako esperientzia ikusita, gune ibiltari bat erabiliko da mezuak hainbat lekutara helarazteko. Gune ibiltariak ekintza desberdinak jasoko ditu ere, eta ekintzarik programatuta ez dauden orduetan eskoletako taldeekin eta bestelako taldeekin sentsibilizazio ikasgelak egingo dira; une oro berdintasunean adituak diren bi teknikari egongo dira gune ibiltarian.
 
bannerra

bannerra