Skip to main content

Gurean Gaur

Kuttunena duen generoa baliatu du Iban Zalduak bizitzaz aritzeko

2018-09-11

Literaturaren bidez bizitza errealean esaten ez diren gauzak esaten saiatu da Iban Zaldua, 'Sekula kontatu behar ez nizkizun gauzak' ipuin bildumarekin. 32 ipuin eta kontrazalekoa bildu ditu aurkeztu berri duen liburuan. Egunerokoaren barrunbeak bilatzen ahalegindu da fantasiari zirrikitu bat irekita.

Ipuin horien bidez, Zalduak bikoteen arrakaletan arakatu du, euskal gatazkari geruza berriak bilatzen dizkio, elkarrizketa-bidezko ipuinak sortu ditu, txosten gisakoak, jostalariak, dramatikoak zein ironikoak. Xabier Mendiguren Elizegi Elkar argitaletxeko editorearen esanetan, "fikzioaren festa bat" da Zalduaren azken liburua eta trebezia aitortu dio idazleari. Zalduak berak azaldu du errealitateari buelta ematen ahalegindu dela.

Zalduak Ana Malagon idazlearen eta Aitor Arregi zinemagilearen laguntza izan du aurkezpenean. Malagonen ustetan, familietako disfuntzioak oso ondo islatu ditu Zalduak. Arregik, berriz, gatiasun berezia aitortu dio idazleari egoera arruntetan elementu ez hain arruntak sartu eta deserosotasuna eragiteko.

BilbaoDendak-ek harrotasun zurigorria zabalduko du "El mejor equipo del mundo" erakusketa ibiltariarekin

2018-09-11
Bilbaodendak elkarteak “El mejor equipo del mundo” erakusketa ibiltaria aurkeztu du. Hiriko establezimenduen erakusleihoetara harrotasun zurigorria eramatea du helburu ekimenak, Tomás Ondarretak “El mejor equipo del mundo” libururako egindako ilustrazioen bitartez. 50 irudiz osatutako erakusketak Bilboko auzo guztiak bisitatuko ditu, lekuko denda eta tabernetan banatuta irailaren 11tik urtarrilaren bukaerara arte.
Iruñeko Batasun Pribilegioaren 595. urteurrena

2018-09-08
Iruñeak Batasun Pribilegioaren 595. urteurrena ospatu du asteburuan. San Nikolas, San Zernin eta Nabarreriako burgoak batu eta egungo Iruñearen sorrera izan zena, alegia. Asteburu batez hiriak Erdi Arora salto egin du orduko artisau azoka eta Alde Zaharreko kaleetan barna zebiltzan bufoi eta juglareei esker. Horiekin batera, kaleak musikaz bete dira, Iruñeko Orfeoia eta La Pamplonesa musika bandaren eskutik.
Iruzur bat da Volkswagenen aldi baterako lan erregulazio espedientea CGT-LKN sindikatuaren arabera

2018-09-10
Nafarroako Volkswagenen zuzendaritzak abian jarritako aldi baterako lan erregulazioaren espedientea iruzur bat dela deritzo CGT Lanaren Federakunde Nagusia sindikatuak. Salatu dutenez, enpresak ez ditu baliabide tekniko eta ekonomikoak jarri erregulazio espedientea ekiditeko. Hortaz, Volkswagenen fabrikak bizi duen egoeraren erantzukizun osoa zuzendaritzak daukala salatu du sindikatuak eta gaineratu du horri aurre egiteko baliabideak badituela.
Gure Esku Dago-k La Vuelta-ko bide bazterrak aldarriz betetzeko deia egin du

2018-09-08
Erabakitzeko eskubidearen aldeko erakundeak txirrindularitza lasterketa baliatuz euren aldarriak plazaratzeko deia egin du igandean antolatutako ekitaldian. Espainiako Vuelta Euskal Herritik pasako da asteazkenean, hilak 12, eta horren aurretik etapak hartuko dituen lekuetatik ibilbidea antolatu zuen GED-k, Oiz mendian bukatuta.
Astelehenero bezala kaleak hartu dituzte pentsiodunak Barakaldon ere

2018-09-10
bederatzi hilabeteren ostean, astelehenero bezala, kaleak hartu dituzte pentsiodunak. Barakaldoko Herriko Plazan euren aldarriak bota ditu hango pentsiodunen koordinadorak. Asteazkenean Toledoko hitzarmenaren ebaluazio batzordeak egingo duen bileraren harira, gogorarazi dute ez dutela onartuko KPI-arekin bat egiten ez duen balio-handitzerik. Bestalde, Kongresuko diputatu guztiei gutun bat bidaltzeko kanpaina baten berri eman dute. Horretan, herritarrekin eta bere kargua hartzean emandako hitzarekin betetzeko eskaera egiten diete ordezkari politiko guztiei.
 
bannerra

bannerra