Skip to main content

Artekale

Artekale 39.saioa: Kultur albisteak, agenda eta zinema estreinaldiak

2017-10-25

"Sexu, klase eta indarkeriaren arteko harremanak" erakusketa inauguratu da Bilboko Azkuna Zentroan. Margaret Harrison artista britainiarraren ibilbidean murgiltzeko aukera ematen du atzera begirako honek. Azken 50 urteetan emakumeen lan eta sexu ustiapenari buruz egindako obra nabarmenak eta egungo piezak jasotzen ditu erakusketak.

Horrez gain, Bertso Txapelketa Nagusia, Durangoko Azoka, Pedro Manterola eta beste hainbat gairen inguruan ere aritu gara ArteKale saioko atal berrian. Amaitzeko, asteburuko agenda kulturala eta zinema, estreinaldiak bildu ditugu gozatu!

Artekale: Bertso Txapelketa Nagusiko final laurdenak eta Nafarroa Oinezen atarikoa

2017-10-13

Asteko errepaso kulturala Artekale saioan. Besteak beste, Bertso Txapelketa Nagusiko final laurdenak edo urriaren 15ean Lesakan egitekoa den Nafarroa Oinez jaiaren ingurukoak aztertu ditugu. Horrekin batera, agenda eta zine estreinaldiak ere aintzat hartu ditugu.

ArteKale 37.saioa | Kultur albisteak, agenda eta zinema estreinaldiak

2017-10-06

“Hamabi oren bakearen alde” dinamika antolatu zuten irailaren 30ean Luhuson. Dantzariak, bertsolariak, musika eta bestelako ekimenak ikusi ahal izan genituen bertan. Horren gain, aurrera darrai Euskal Herriko Bertsolari Txapelketa Nagusiak, eta Zallan eta Zumaian izango dira final laurdenak aste honetan.

Fashion Kultur Bilbao moda ekimena, Patxuko Niceren lan berria eta veste hainbat albisteren inguruan ere aritu gara ArteKale saioko atal berrian. Amaitzeko, asteburuko agenda kulturala eta zinema, estreinaldiak bildu ditugu gozatu! 

ArteKale 36.saioa | Kultur albisteak, agenda eta zinema estreinaldiak

2017-09-29

"Sitio distinto" izeneko dokumentaleko hainbat parte hartzailerekin izan gara ArteKale saioko atal berrian. Irailaren 17an aurkeztu dute Bilboko Kafe Antzokian, eta Galiziarren emigrazioak Euskal Herrian izandako eragina aztertzen du, gizartean dauden aurreiritziak apurtzea helburu. 

Horrez gain, Oñatiko Kilometroak jaian izan gara, Elkarrekin-Together dokumentala aztertzen, Bertha Gaztelumendi zinema zuzendariarekin eta Jon Garaño zinemagilearekin, besteak beste. 

Amaitzeko, asteburuko agenda kulturala eta zinema estreinaldiak bildu ditugu, gozatu!

ArteKale 35.saioa | Kultur albisteak, agenda eta zinema estreinaldiak

2017-09-22

Martxan da Artekale saioaren denboraldi berria. Lehenengo atalean "Zinemakumeak Gara!" zinema erakustaldiko antolatzaileekin izan gara. Adierazi dutenez, beldurra eta fantasia izango dira 22.edizioaren gai nagusiak, orain arte ia landu ez dituzten generoak jorratzeko asmoz. 

Horrez gain, euskal komikigintzari buruzko erakustaldian izan gara, baita Atlantikaldia kultur topagune eta musika jaialdian eta Zinema txikien Nazioarteko 8.kongresuan, besteak beste. 

Amaitzeko, asteburuko agenda kulturala eta zinema estreinaldiak bildu ditugu, gozatu!

ArteKale | Mursegoren '%100 Oion' eta Tanger Dream argazki liburua

2017-06-27

Egunak joan eta egunak etorri, ikasturte amaieran gaude jada, eta ArteKaleren denboraldiari agur esateko momentua heldu da. Saio honetan ere, kultur proiektu interesgarrien bozgorailu izan nahi dugu. Arabatik etorrita, Oiongo herritarrek eta Mursego musikariak "%100 Oion" lana sortu dute, etorkinen inguruko estereotipoen aurka. Gainera, Txelu Angoitia argazkilariarekin iere izan gara, Tanger Dream liburuari buruz solasean. Beste hainbat gai eta asteburuko agenda gaurko ArteKale saioan. On egin!

 
bannerra

bannerra