Skip to main content
bannerra

Artekale

ARTEKALE: Durangoko Azoka ate joka, 200 nobedade eta 400 kultur jarduera

2017-11-27

Abenduaren 6tik 10era bitartean, euskal kulturak ezinbesteko hitzordua izango du Durangoko Landakon. 200 berrikuntza eta 400 kultur jarduera izango ditugu aurten "Sormenaren lurraldea" lemapean. Jonebati Zabala lankideak zehaztasun guztiak ekarri dizkigu, asteko zine eta musika agendarekin batera.

Artekale: Iñaki Mendizabal, hamabi soka eta argazki kamera bat

2017-11-16

Boxeoa izango dugu hizpide. Izan ere, Iñaki Mendizabalen "BOX" liburuaz arituko gara. Boxeoan hasi eta batera esnatu zen bere kontzientzia fotografikoa, eta azken urteotan ateratako hainbat argazki bildu ditu bertan. Gainera, Artxipielagoa ikuskizuna ere ezagutuko dugu. Herri kantak eta abesteko tradizioa berreskuratzeko sortutako proiektua. Saioa borobiltzeko, astebururako zenbait proposamen ere badakartzagu, kultura agenda eta zinema estreinaldiekin.

ARTEKALE: Martin Zalakain klasikoa dantzara ekarria

2017-11-14

Euskal literaturako ikurretako bat den Martin Zalakain abenturazalearen istorioa dantza bidez moldatu du Artedrama konpainiak. Jose Antonio Urbeltzen zuzendaritzapean, Harkaitz Canoren hitzak eta Ander Lipusen antzerkia batuz.

Artekale: Getxoko Komiki Azoka, erreferentzia sektoriala

2017-11-08

Azaroaren 3a eta 5a bitartean, Getxon Komiki eta Manga Azoka burutu da. Bertan, Guneak erakusketa eremua, tailerrak, ekitaldi-aretoa eta argitaletxe, saltoki, erakunde, fanzine eta komikiaren munduarekin lotutako edozein sektorerentzako merkataritza-esparrua bildu dira.

ARTEKALE: Kultur Aire eta "Nora Goaz?" dokumentala

2017-11-03

Aste honetako Artekale saioan, Jonebati Zabalaren eskutik Kultur Aire jaialdia izango dugu hizpide. Azaroaren 8 eta 9an, Galiza, Portugal, Korsika eta Euskal Herriko artista eta taldeak izango ditugu oholtzan. Horrekin batera, Marian Gerrikabeitiak zahartzaroari buruz egindako "Nora goaz?" dokumentala ezagutzeko beta izan dugu.

ArteKale 40.saioa: Kultur albisteak, agenda eta zinema estreinaldiak

2017-10-26

"Euskal musikaren benetako istorioa" ezagutuko dugu gaur. Izan ere, Patxo Telleria eta Mikel Martinez aktoreekin izan gara eta euren azken lanaren xehetasun guztiak eman dizkigute. Asteon ere hainbat kultur eduki landuko ditugu, eta borobiltzeko zinema estreinaldiak eta asteburuko agenda. 

 
bannerra

bannerra