Skip to main content
bannerra

Artekale

ArteKale | Ibilaldia, Araba Euskaraz eta 'Erredakzioa' egitasmoa

2017-05-26
Ikastolen aldeko jaiak ospatuko dira maiatzean eta ekainean, Bizkaian zein Araban. Horiek izan ditugu hizpide Ibilaldia eta Araba Euskarazeko ordezkariekin egindako solasaldian. Gainera, 'Erredakzioa' egitasmoa ere ezagutu dugu, kazetaritza, artea eta inprenta uztartzen dituen proiektua. Eta zelan ez, ezin dira falta asteburuko kultur proposamenak. On egin!
 
'Erredakzioa', kazetaritza, artea eta inprenta

2017-05-26

La Taller Bilboko arte galeria eta tailerraren hedapena da "Erredakzioa" egitasmoa. Kazetaritza, artea eta inprenta uztartuz, XIX. mende amaierako eta XX. mende hasierako aldizkari ilustratuen antzeko lana sortu nahi dute. Tania Arriaga, egitasmoaren zuzendariak kontatu digunez, ekainaren amaieran argitaratuko dute lehen alea, Mirentxu Purroy kazetariaren eta Higi Vandis ilustratzailearen lanekin.

Xihiko du izena Elirale dantza konpainiaren azken ikuskizunak

2017-05-26

Jauzien sistema koreografikotik dago sortua 'Xihiko', Elirale dantza konpainiaren azken ikuskizunak. Nahiz eta obra garaikide gisa sailkatua izan, euskal dantzaren historian oinarritzen da lana. Maiatzaren 26an, Errenterian egongo da ikusgai, Dantzarte zikloan.

Pi.L.T. inoiz baino biziago

2017-05-19

Urtarrilean iragarri zuen Pi.L.T taldeak itzulera bira egingo zuela. Oihartzun itzela izan zuen albisteak eta kontzertu horietako lau pasata etorri zaigu ArteKalera Rafa Rueda musikaria. Orain arteko emanaldiez, iraganeko oroitzapenez eta beste hainbat kontuz aritu gara berarekin.

Hozkailuan mantentzen den adiskidetasuna

2017-05-19

'Hozkailua' du izena Artedrama eta Huts Teatroaren proposamen berriak. Ander Lipus eta Patricia Urrutia protagonistek umore beltzezko antzezlan honen inguruko gakoak eman dizkigute. Adiskidetasuna ardatz duen road movie honek Euskal Herri osoa zeharkatuko du oholtzaz oholtza.

Asteburuko kultur proposamenak (2017-05-18)

2017-05-19

Astero legez, kultur agenda arakatu dugu zuentzako proposamen bila, eta baita hainbat topatu ere. Aukeratzea ez zaizue erraza egingo: zinema estreinaldia, Ruper Ordorikaren kontzertua, 'Erradikalak gara' ikuskizuna, LemoaKUSTIKfest, Ez dok hiru. Euskal musikaren benetako istorioa...

 
bannerra

bannerra