Skip to main content

Musika Zuzenean

Musikazuzenean Tb #37: 2Zio, The Clash eta The Northagirres

2018-05-17
Lapurditik abiatuko dugu gaurko saioa 2Zio rap taldearekin Baiona Ttipiko harresietan egin baitgu hitzordua. Orain eta Hemen diskoa kaleratu berri dute, hirukoaren musika bidean errima eta erritmoz blai datorren hirugarren emaitza dotorea.
 
Efemerideak sailean, berriz The Clash talde mitikoa Euskal Herrian izan zeneko kontzertua ekarri dugu gogora, 1981 urteko maiatzean ospatu zen emanaldi historikoa
 
Bigarren erreportajean The Nortagirres taldea ezagutuko dugu Iparragirre olerkari, abeslari eta musikagilea jaio zen herri berean sortu zen 2012 urtean The Nortagirres taldea, Urretxun. Berari zor diote izena baina ez izana. Musikalki erabat aldentzen dira Iparragirrek jotzen zuen gitarra akustikotik, gitarra zorrotzeko Rock&Roll giroak
 
MusikaZuzenean TB #36: Revolta Permanent eta Mikel Uraken

2018-05-10

Revolta Permanent taldea izango da gure saioko lehen protagonista. Mungiako Gaua estudioetan bildu gara taldeako lau kideekin, eta beraiekin batera eta Ultravioleta diskoaren inguruak ezagutu ditugu.

Erritmoz erabat aldatu eta Mikel uraken musikariarekin egin dugu zita Bilboko Kafe Antzokian. Bertan Aurkeztu zuen zuzenean "izaki bizidun berriak" diskoa, talde formatuan osaturiko bere lehen lana

MusikaZuzenean TB #35: Inun eta Skasti

2018-05-03
Kresal usaia izango du aste honetako Musikazuzenean TB saioak!
Lehenik Inun musikariarekin egin dugu hitzordua Bilboko Itsas Museoan. "Aingurak" diskoa kaleratu berri du musikari zornotzarrak eta kate, sare eta bapore artean solasatu gara berarekin.
Haizea lagun itsasontzia hartu eta Zarautz herrira egin dugu bidai. Malekoiean Skasti taldeko lau kideekin egin dugu zita, "Ye" disko berriaren ingurukoak jakiteko.
MusikaZuzenean TB #34: EZIN ETA taldea eta Unai Bergara

2018-04-26

EZIN ETA musika talde Lapurtarra izango da Musikazuzenean TB saioko aste honetako lehen talde protagonista. Donibane Ziburuko gaztetxean egin dugu hitzordua "Itzaletik" diskoa ezagutzeko!

Unai Bergara disenadore eta musikaria gertutik ezagutzeko aukera izango dugu gure bigarren erreportajean. Besteak beste musika afitxak, disko azalak edoeta kamixetak diseinatu izan ditu.

MusikaZuzenean TB #33: Paxkal Irigoyen

2018-04-19

Aste honetarako saio berezia prestatu dugu. Paxkal Irigoyen musikaria izango da protagonista bakarra. Bera, eta bere musika tresnak.
Elkarrizketa eta zuzeneko musika uztartuko ditugu 32. saio honetan, ordu erdi iraungo duen monografikoan. Sara (Lapurdi) herriko Kapera ederrean egin du hitzordua Koldo Otamendi lankideak eta luze ta zabal jardun dira musika eta sorkuntzaz.Eseri lasai, jeitsi argiaren intentsitatea, itzali aparatu guztiak eta goza hitz eta musikaz.

MusikaZuzenean TB #32: Zazkel eta Deus Ez

2018-04-12

Bi izanen dira aste honetako Musika zuzenean telebistako edukiak nagusiak

Erritmo dantzagarriekin hasiko dugu saioa eta horretarako Zazkel taldearekin bildu gara Arrasateko gaztetxean.Bilboko taldeak "ez Entzun" izeneko diskoa kaleratu du, gustura eta gogoz entzun dugun disko ederra.

Errepidea hartu eta Deus Ez taldearen entsegu lokalera abiatu gara argitaratu duten lehen disko luzea ezagutzeko. Eibar herriko hirukoaren rockaz gozatuko dugu bigarren erreportajean.
 

 
bannerra

bannerra