Skip to main content
bannerra

Bideoteka

Bideotekan bilatu
bideoaren irudia
Suzirien jeitsierak hasiera eman die Muskizeko jaiei

2018-06-25

Muskiztarrek jaiei eman diete joan den asteburuan ohiko suzirien jeitsierarekin. 3.500 suziritik gora bildu dira aurtengoan tradizio hau betetzeko eta herri osoa argitu dute udari sarrera emanez.

bideoaren irudia
Estatu eredua berritzea eta presoak hurbiltzea proposatu dio Urkulluk Sanchezi

2018-06-25

Bilkuraren ondoren egindako hitzartzean, Urkulluk esan du bilera adeitsua eta positiboa izan dela eta lan dinamika egonkor eta eraikitzailerako erakunde arteko harremanari atea ireki diotela.

Zehaztu duenez, bi gobernuetako ordezkariak elkarrekin bilduko dira Espainiako Konstituzio Auzitegiak errekurritutako legeez aritzeko.

Horrez gain, Urkulluk azalpenak eman dizkio Sanchezi Eusko Legebiltzarreko autogobernu lantaldean egiten ari diren lanaz eta esan dio beharrezkoa dela egungo estatu ereduaren inguruko hausnarketa egitea, nazio aniztasuna kontuan izanda.

Euskal presoen auziari dagokionez, berriz, Eusko Jaurlaritzako lehendakariak esan dio beharrezkoa dela espetxe politikari beste ikuspegi batetik begiratzea, behin ETA deseginda. Urkulluk zehaztu duenez, legediaren barruan, beharrezkoa da presoak gerturatzea eta salbuespen neurriak bertan behera uztea, haien bergizarteratzea errazteko.

bideoaren irudia
Uztailaren 1ean, 21:00etan Hodei Magoa

2018-06-25

Uztailaren 1ean, 21:00etan, Hodei Magoarekin sukaldatuko dugu baina sukaldatzeaz gain magia eta ilusioaren munduan murgiltzeko parada izango dugu.

bideoaren irudia
Isabel elizalde: ez dakit bertze era batera lan egiten

2018-06-25

Ajoarrieroa saioko atal honetan Isabel Elizalde kontseilariarekin egin du hitzordua Anabel Arraiza lankideak. Baina bere lagun handia den Koteto Ezkurra izango dugu sukaldean nagusi. Bertako produktuak, bertako errezetak...aspaldiko eta oraingo kontuak entzuten ditugun bitartean.

bideoaren irudia
Altsasuko auzian justizia egitea eskatu dute Madrilen

2018-06-25

Deialdia Madrilgo Altsasurekiko babes plataformak egin zuen, eta partaideek, besteak beste, Altsasukoen auziko eta 2016ko sanferminetan izandako talde bortxaketako sententzien artean dagoen aldea ekarri dute gogora, eta justizia eta askatasuna eskatu dituzte.

Auzi horretan muntaia poliziala egon dela salatu dute, eta, hain justu, martxa horren harira argitaratutako ohar batean, Amnesty International erakundeak salatu du auzia ez zela «inoiz» epaitu behar terrorismo delitu gisa, kalifikazio horrek «eragin nabarmena» izan duelakoan ikerketan eta epaian.

Manifestazioan parte hartu dute, besteak beste, gazte auzipetuen gurasoek ere, eta pairatzen ari diren kalbarioaren aurrean jasotako elkartasun keinuak eskertu dituzte.

bideoaren irudia
Iruñeko Udala eta Foru Gobernuak helegitea jarriko diote erasotzaileak baldintzapean aske uzteko erabakiari

2018-06-22

Sanferminetako talde sexu erasoagatik zigortutako bost gizonezkoak baldintzapean aske uzteko erabakia gaitzetsi zuten atzokoan kalera ateratako ehunka pertsonek Iruñean. Erabakiaren aurka agertu da Iruñeko Udala eta helegitea jarriko duela adierazi du Asiron alkateak. Era berean, Foru Gobernuak era helegitea jarriko duela adierazi du; izan ere, horretako praktika judizialak salatu behar direla esan du Solana bozeramaileak.