Skip to main content
bannerra

Hurbilean | Kontxita Beitia andereñoa

Hurbilean | Kontxita Beitia andereñoa

Kontxita Beitia ikastolen sortzaile eta andereñoarekin garai horiek ekarri ditugu gogora. Euskara galdu ostean, Elbira Zipitriarekin hizkuntza berreskuratu eta ikasketa metodologia berriak barneratu zituen. Hogei urterekin jarri zuen martxan Pasai Antxon, isilpean ikastolan. Bere etxean bost ikasle bildu zituen. Ondoren, Donostian ere, Zurriola Ikastola sortu zuen. Euskararen aldeko borrokak gidatu du bere bizitza eta oraindik ere, 76 urterekin, horretan jarraitzen du.


Politika

Lagunartean egotea du gustuko, eta berak eginiko platerek solasaldiak goxotzen dituzte. Sukaldean soilik erlaxatzen da. Telebistako platoetan eroso sentitzen da. Elkarrizketatzaile izatetik, elkarrizketatu izatera pasa da. Bera da BBBko lehen emakume presidentea. Hurbilean, Itxaso Atutxa.


Kultura

Aste honetako protagonista gabonetan oroitzen dugu gehien. Bizarduna da eta  astoarekin eta Mari Domingirekin ikusten dugu maiz. Urteko sasoi honetan jaisten da baserritik. Gure etxeak opariz eta maitasunez betetzen ditu. Hurbilean, Olentzero.


Kultura

Antzerkian hasi zenean energia txorro izugarria zuela gogoratzen du. Geroztik idealetik errealitaterako bidea egin du. Gaur egun igel bat ere bada. Operazio baten aurretik izan zuen sentsazioa oholtzara igo aurreko sentsazioarekin alderatzen du. Heriotzarekin adiskidetzen ari da, eta generoari dagokionez, korsea kentzen. Hurbilean, Miren Gaztañaga.


Hurbilean

3 urterekin danborradako martxa guztiak buruz zekizkien. 5 urterekin oparitu zioten bateria ganbaran gordeta du. Edozein instrumentu jotzeko gogortasuna albo batera utzi behar duela uste du. Oso lizun edo erotiko jartzean edota norbait iraintzean gaztelerara jotzen dugula pentsatuta umorezko bakarrizketa bat sortu zuen. Kerman izenez ezagutu bagenuen ere, bere izen abizenak erabilita bete ditu Euskal Herriko plaza guztiak. Hurbilean, Oihan Vega.