Skip to main content
bannerra

Ertzak | Euskal Herriko langabezia aztergai

Ertzak | Euskal Herriko langabezia aztergai

Duela urtebete baino 3.200 langabe gutxiago daude Hego Euskal Herrian. Ordea, duela hiru hilabete baino 19.300 gehiago. 2007az geroztik 168.000 enplegu galdu dira gurean. Langabezia datuen azterketa egin dugu. Eusko Jaurlaritzaren iritziz, ona da lan merkatuaren joera, baina errealitateak ez du hori islatzen. Egoera ekonomikoak hobera egitearekin batera lana sortzen ari da? Lan erreformak nolako egoera ekarri du? Lanaldi osoko enplegua partzialekoa eta prekarioa bihurtu da? Galdera horiek erantzuteko hiru aditu izan ditugu saioan: Aitor Bengoetxea EHUko zuzenbide Irakaslea, Gorka Garaio Berri Otxoak elkarteko kidea eta Iñaki Zabaleta ELA sindikatuko kidea.


Gizartea

Langile borroka desegin al da? Saio honetan, langile kontzientzia eta nortasuna nondik datozen eta orduko elkartasuna berreskuratzea posible ote den erantzuten saiatu gara. Nerea Perez historialaria eta Eli Zugaza Euskalduna ontziolako borrokan parte hartu zuen emakumea izan ditugu gonbidatuak.


Ertzak

Genero indarkeriaz mintzo garenean, gehienetan sexu erasoak etortzen zaizkigu burura; gorputzak, gazte gorputzak. Baina genero indarkeriak ez dauka adinik. Zahartzaroan emakumeak jasaten dituzten erasoez jardun dugu Ertzak saioan Lurdes Rodrigez (GITE-IPES), Amaia Herrero (Berdintasun teknikaria) eta Txus Andresekin (pentsionistak martxan).


Ertzak

Geroz eta bullying kasu gehiago daude. Arreta berezia jarri nahi izan diogu "cyberbullying" deitzen zaionari. Nola detektatu eta saihestu daiteke? Hiru aditurengana jo dugu gaian sakontzeko: Julen Linazasoro, Ageda Laraudogoitia (Kiva programa) eta Aritz Anasagasti (Emotional Network).


Ertzak

Egia, justizia, erreparazioa, etengabe entzuten ditugun hitzak; baina oraindik lehen fasean gaude? Genero ikuspuntutik nolako memoria egin dugu? Eta bake bidean zein ispilu eduki ditu Euskal Herriak? Horri buruz aritu gara, Amaia Alvarez (kazetaria), Iñaki Egaña (historialaria) eta Julia Mongerekin (Intxorta 1937).