Skip to main content
bannerra

ArteKale | Punka eta literatura, Sound of Roots eta Beste Hitzak literatur egitasmoa

ArteKale | Punka eta literatura, Sound of Roots eta Beste Hitzak literatur egitasmoa

"Idoloak akatu genituenekoa" ipuin bilduma argitaratu dute Gotzon Hermosilla, Igor Mercado eta Iñigo Basaguren-Duartek: punk musika eta literatura parez pare, estilo horretako talde entzutetsuen abestiak oinarri hartuta. Ska eta reggae musikaren sustraietara ere jo dugu "Sound of Roots, ska eta reggae musika Euskal Herrian" dokumentalarekin. Gainera, "Beste Hitzak" literatur egitasmoaren berri eman digute Yoseba Peña eta Ekaitz Goienetxea idazleek. Amaitzeko, datozen egunetako agenda kulturala ere dakargu. On egin!


Artekale

Kora musika tresna afrikarraren doinuen bidez Afrikako sustraietatik Euskal Herrirako bidaia bat planteatu nahi diete entzuleei. “Maitatzea nahiago” du izena taldearen bigarren diskoak, eta proiekzioz eta dantzaz beteriko ikuskizuna prestatu dute lana jendaurrean aurkezteko.


Artekale

Jonebati Zabala lankideak gidatuta, kultur gaiei heldu diogu beste behin ere. Oraingoan, Beira musika taldeari elkarrizketa egiteaz gain; ZuTuberrak emankizuneko Jon Zubiaga eta Olatz Pagalday aktoreekin hitz egin dugu; Bilboko Berlagun ekimenean egon gara eta HatortxuRock jaialdiaren edizio berriari gainbegirada bota diogu. Horrekin batera, agenda eta zinea.


Artekale

Durangoko artisau azoka den Euskal denda eta Lyceum Club-en inguruan aritu gara. Atal honetan, Jonebati Zabalaren eskutik.

Sarri, kultura eta kirola ez dira elkar ulertu. Ustez, bizkarra emanda bizi izan diren bi diziplina dira. Baina, uste baino gehiagotan, elementu inspiratzaileak izan dira, banaezinak. Herri kulturaren ezinbesteko zutabe bat osatuz. Athletic Fundazioak antolatutako Letrak eta Futbola ziklora hurbildu eta Bilbao Mendi Film Festival ezagutuko ditugu.


Artekale

Abenduaren 6tik 10era bitartean, euskal kulturak ezinbesteko hitzordua izango du Durangoko Landakon. 200 berrikuntza eta 400 kultur jarduera izango ditugu aurten "sormenaren lurraldea" lemapean. Jonebati Zabala lankideak zehaztasun guztiak ekarri dizkigu, asteko zine eta musika agendarekin batera.