Skip to main content
bannerra

Harrobia: Athletic-ek eta Realak bolada txarrari amaiera eman diote

Harrobia: Athletic-ek eta Realak bolada txarrari amaiera eman diote

Aurreko asteetako emaitza txarrak alboratuta, zuri-gorriek zein txuri-urdinek hiru puntuak lortu dituzte. Lehoiek Sevilla mendean hartu zuten eta gipuzkoarrek Alavesen aurkako garaipena lortu zuten. Ostegunean Europa Leagueko partidak jokatuko dituzte. Hauek eta beste hainbat, Eñaut Barandiaran eta Ibon Cabo gure solaskideekin.


Harrobia

Urte berriarekin batera, Liga itzuli da euskal taldeentzat. San Mamesen, lehoiak babazorroak baino gehiago izan ziren. Kanariar Uharteetan, Eibarrek bolada onari eutsi zion eta azken 21 puntutatik 19 eskuratu ditu. Realean, aldiz, krisi zantzuak Leganesen galdu ostean. Iberdrola Ligan, bestalde, Athleticek eraman zuen Lezamako derbia. Guzti honen inguruan aritzeko, Beñat Zarrabeitiarekin batera, Asier Laraudogoitia entrenatzailea eta Kerman Garralda kazetaria izan ditugu.


Harrobia

Athletic-ek eta Realak hutsean amaitu zuten euren arteko norgehiagoka. Partidak bi taldeen gabeziak azaleratu zituen. Beñat Zarrabeitiaren eskutik, Gontzal Astorki eta Rayco Sanchez-ekin batera, futbol jardunaldiak euskal taldeentzat eman zuena aztertu genuen.


Harrobia

Aste honetako saioan, Athletic Fundazioak antolatutako Letrak eta Futbola zikloa izan dugu hizpide. Jon Maia bertsolariak gidatutako mahai inguruan, Iratxe Fresneda irakasle eta errealizatzailea, Juan Luis Zabala idazlea eta Gari abeslaria bildu zituen. Talde zuri-gorriarekin zein futbolarekin duten harremanaren inguruan aritu ziren. Sarri bizkarra emanda, beste askotan elkarlotuta.


Harrobia

Zuri-gorriek porrot gogorra jaso zuten Vigon eta honek taldearen inguruko zalantzak areagotu ditu. Beñat Zarrabeitiaren eskutik, bizkaitarren egoera aztertu dugu Ager Sardui, Asier Laraudogoitia eta Urtzi Jauregibeitiarekin. Realak eta Eibarrek jokatutako derbiaren inguruan, Unai Zubeldiarekin aritu gara eta Juanjo Arregi kargutik kendu ostean txuri-urdinen emakumezkoen taldearen hizpide izan dugu Ane Urkiri Ansolarekin. Bestalde, Alavesek denboraldiko bigarren garaipena lortu ostean Olatz Calvok talde gasteiztarraren ingurukoak ekarri dizkigu.