Skip to main content
bannerra

Egia "bakarra", baina interpretazio pluralak

Egia "bakarra", baina interpretazio pluralak

Erantzukizunak galdegin dituzte Santi Brouard eta Josu Muguruzaren hilketen urteurrenean. Egia "bakarra" den arren, horren interpretazioak "pluralak" direla esan du Egiari Zor fundazioko Ane Muguruzak, eta gertatutakoaren inguruan askotariko ekarpenak egitearen alde azaldu da. Madrilen, berriz, EH Bilduko Jon Iñarrituk Espainiako senatuan ekarri ditu gogora Brouard eta Muguruza, eta biktima gisa aitortu ez izana salatu du.

Memoria historikoaz gain, beste zenbait gairi ere erreparatu diegu gaurko lerroburuetan.


Gurean Gaur

Sasiburu Elkartea eta Barakaldoko Euskara sailaren eskutik, mahai inguru interesgarria burutu dute Ezkerraldeko herrian. Bertan, euskararen erabilerako palankak zeintzuk diren aztertu zituzten, Kike Amonarriz komunikatzaile eta telebista aurkezlea eta Topaguneako kide den Iker Martinez de Lagos-en eskutik.


Gurean Gaur

Gizonezekoak zein emakumezkoak elkarrekin aritu dira, euskal ziklismoa berriro ere lasterketarik onenetan kokatu nahi duen proiektuaren bitartez. Jon Odriozolaren mutilek Continental Profesional lizentzia izango dute eta incluso World Tourreko karrera batzuetan arituko dira. Besteak beste, Euskal Herriko Itzulian edo Donostiako Klasikoan. Espainiako Vueltan debuta egitea da euskal eskuadraren nahietako bat. Emakumezkoetan, Agurtzane Elorriagaren eskutik, Biran paper ona egiteaz gain, nazioarteko lehiaketetan maila altua eskaini dute.

 


Gurean Gaur

Hainbat mehatxu eta erasoren ostean, ekainaren 7an, meategi baten aurkako ekinaldi batetik zetorrela, gizon talde armatu bat Lolita Chavez hiltzen saiatu zen. Mendira ihes egin zuen, eta bere bizia arriskuan ez jartzeko, ezkutuan izan da orain arte, baina orain helburu du Europan ezagutaraztea bere eta kitxe herriaren borroka.


Gurean Gaur

Josu Izagirre Arabako fiskal nagusiak deklaratu du gaur De Miguel auziko epaiketan, eta azpimarratu du froga gisa aurkeztu diren grabazio eta mezu elektronikoek argi islatzen dutela De Miguelek gidatzen zuen ustezko sareak legez kanpoko komisioak eskatu zituela, Arabako Foru Aldundiaren kontu ofizialetatik, eta kontratu publikoen truke.