Skip to main content
bannerra

Apirilaren 17tik 27ra egingo dute Altsasuko auziko epaiketa

Apirilaren 17tik 27ra egingo dute Altsasuko auziko epaiketa

Joan den astean bete zen urtea Altsasuko ferietan izandako liskar bategatik zortzi gazte atxilotu zituztela, eta horietako hiruk espetxean jarraitzen duten honetan, ahozko epaiketaren data ezagutu dugu: auzipetuen gurasoek sare sozialetan jakinarazi dutenez, datorren urteko apirilaren 17tik 27ra bitartean izango da, Espainiako Auzitegi Nazionalean.

Zortzi gazte daude auzipetuta, eta fiskalak 50na urteko espetxe zigorra eskatzen die seiri, 62 urtekoa beste bati, eta 12 urtekoa beste bati. Urtebete igarota, espetxean jarraitzen dute Adur Ramirez de Alda, Jokin Unamuno eta Oihan Arnanz altsasuarrek. Gainera, joan den astean, defentsako abokatuek "kezka" adierazi zuten, auzian izaten ari diren "berme falta" dela eta.

Gai horri eta beste zenbaiti begira jarri gara gaurko lerroburuetan.


Gurean Gaur

Hainbat mehatxu eta erasoren ostean, ekainaren 7an, meategi baten aurkako ekinaldi batetik itzultzerakoan, gizon talde armatu bat Lolita Chavez hiltzen saiatu zen. Guatemalako Kitxe herri indigenaren kontseiluko burua da. Erasoaren aurrean, mendira ihes egin zuen, eta bere bizia arriskuan ez jartzeko, ezkutuan izan da orain arte. Orain, helburu du Europan ezagutaraztea bere eta kitxe herriaren borroka, eta Euskal Herrian dago asteotan.


Gurean Gaur

EAEko kontzertu ekonomikoaren eta Nafarroako itun ekonomikoarekin berritzea, abiadura handiko trenak bi esparru administratiboak lotzea ekarriko duen akordioa, eta euskal presoen espetxe politika aldatzeari buruz duten ikuspegia azpimarratu dituzte. Bilkura Iruñean egin dute eta positiboki baloratu dute bi ordezkariek. Kartzela politikaz Mendiak adierazi du, Espainiako administrazioak era inteligentean jokatu beharko duela egoera aprobetxatu eta presoak hurbiltzeko bidea hasteko


Gurean Gaur

Euskal Herriko ordezkaritza ere bertan izanen da. Besteren artean, Nafarroak Donejakue bidea indartzeko nahia agertu du  eta horrekin batera gaztelu eta gotorlekuen ibilbidea aurkeztu dute. Jaurlaritzak ere turismo jasangarri, berritzaile eta lehiakorraren aldeko apustua eginen duela adierazi du. Fitur azoka igandera bitarte izango da Madrilen.


Gurean Gaur

Nagore Vargasen istorioa kontatzen du “Jenisjoplin” nobelak. Uxue Alberdiren lan berriak Euskal Herriko azken hiru hamarkadetan barrena egiten du bidaia, hartara, garai bakoitzeko gatazka politiko eta egoera sozialak islatu ditu. Protagonistaren bitartez kolektiboa irudikatu nahi izan du Alberdik.