Skip to main content
bannerra

Ibon Iparragirre askatzearen alde, epailearen aginduz egindako mediku txostena

Ibon Iparragirre askatzearen alde, epailearen aginduz egindako mediku txostena

Hies gaitza dela eta, Ibon Iparragirre euskal preso politikoaren osasun egoera oso larria da, epailearen aginduz txostena egin duen mediku adituaren arabera. Horrez gain, txostenaren arabera, kartzela ez da leku egokia haren osasun egoera kontuan hartuta, hango bizi-baldintzetan arrisku are handiagoa baitu edozein infekzioren bat hartzeko.

Kataluniari dagokionez, bi kontu: batetik, Carles Puigdemontek Kataluniara itzultzeko asmoa duela, abenduaren 21ean presidente hautatzen badute. Bestetik, Artur Mas presidente ohiari etxea enbargatu dio Kontuen Auzitegiak 2014ko azaroaren 9ko hauteskundeengatik. Neurri bera hartu du Francesc Homs, Joana Ortega eta Irene Rigau kontseilari ohien ondasunei dagokienez ere.

Horiek nabarmentzekoak iruditu zaizkigun gaietako batzuk, beste zenbaiti ere erreparatu diegu titularretan.


Gurean Gaur

Sasiburu Elkartea eta Barakaldoko Euskara sailaren eskutik, mahai inguru interesgarria burutu dute Ezkerraldeko herrian. Bertan, euskararen erabilerako palankak zeintzuk diren aztertu zituzten, Kike Amonarriz komunikatzaile eta telebista aurkezlea eta Topaguneako kide den Iker Martinez de Lagos-en eskutik.


Gurean Gaur

Gizonezekoak zein emakumezkoak elkarrekin aritu dira, euskal ziklismoa berriro ere lasterketarik onenetan kokatu nahi duen proiektuaren bitartez. Jon Odriozolaren mutilek Continental Profesional lizentzia izango dute eta incluso World Tourreko karrera batzuetan arituko dira. Besteak beste, Euskal Herriko Itzulian edo Donostiako Klasikoan. Espainiako Vueltan debuta egitea da euskal eskuadraren nahietako bat. Emakumezkoetan, Agurtzane Elorriagaren eskutik, Biran paper ona egiteaz gain, nazioarteko lehiaketetan maila altua eskaini dute.

 


Gurean Gaur

Hainbat mehatxu eta erasoren ostean, ekainaren 7an, meategi baten aurkako ekinaldi batetik zetorrela, gizon talde armatu bat Lolita Chavez hiltzen saiatu zen. Mendira ihes egin zuen, eta bere bizia arriskuan ez jartzeko, ezkutuan izan da orain arte, baina orain helburu du Europan ezagutaraztea bere eta kitxe herriaren borroka.


Gurean Gaur

Josu Izagirre Arabako fiskal nagusiak deklaratu du gaur De Miguel auziko epaiketan, eta azpimarratu du froga gisa aurkeztu diren grabazio eta mezu elektronikoek argi islatzen dutela De Miguelek gidatzen zuen ustezko sareak legez kanpoko komisioak eskatu zituela, Arabako Foru Aldundiaren kontu ofizialetatik, eta kontratu publikoen truke.