Skip to main content
bannerra

ASTEKO KRONIKA: abenduaren 22ko albiste bilduma

ASTEKO KRONIKA: abenduaren 22ko albiste bilduma

Aste honetan bete dituzte 400 egun espetxean, iazko urrian guardia zibilekin liskarra izateagatik terrorismoa leporatuta preso dauden gazteek. Horrez gain, aste honetan zeresana eman du Eusko Jaurlaritzako Bizikidetza sailak eskatuta EHUk tortura salaketez egin duen txostenak ere. 1960-2014 epealdian, Araba, Bizkai eta Gipuzkoan salatutako 4113 tortura kasu bildu dituzte bertan, Paco Etxeberria auzitegi medikuak eta Olatz Pego Zuzenbidean Doktoreak, besteak beste. Asteko albiste bilduma honetan, erreparatu diegu Nafarroako aktualitateari eta aurtengo San Tomas egunari ere.


Gurean Gaur

Euskal Herriko ordezkaritza ere bertan izanen da. Besteren artean, Nafarroak Donejakue bidea indartzeko nahia agertu du  eta horrekin batera gaztelu eta gotorlekuen ibilbidea aurkeztu dute. Jaurlaritzak ere turismo jasangarri, berritzaile eta lehiakorraren aldeko apustua eginen duela adierazi du. Fitur azoka igandera bitarte izango da Madrilen.


Gurean Gaur

Nagore Vargasen istorioa kontatzen du “Jenisjoplin” nobelak. Uxue Alberdiren lan berriak Euskal Herriko azken hiru hamarkadetan barrena egiten du bidaia, hartara, garai bakoitzeko gatazka politiko eta egoera sozialak islatu ditu. Protagonistaren bitartez kolektiboa irudikatu nahi izan du Alberdik.


Gurean Gaur

Ekhiñe Atorrasagastiren eskutik, asteak emandakoari analisia egiteko beta hartu genuen. Beñat Zarrabeitia eta Egoitz Askasibar solaskide genituela. Horiek horrela, Kataluniako egoera, behin Roger Torrent parlamentuko presidente gisa hautatu dutela bertako etorkizuna zein izango den aztertu genuen. Horrekin batera, Euskal Herrian presoen afera eta Blai Gazte Telebistaren sorrera aztertu genituen.


Gurean Gaur

Politikari errepublikarraren izendapenarekin batera, independentistek parlamentuko mahaiaren kontrola izango dute. Parlamenteko presidente izendatu berritan, testuingurua oso berezia dela gogorarazi eta "gai guztiei buruz" hitz egiteko aukera defendatu du Torrentek.

Orain arreta parlamentuaren hurrengo saioan dago jarrita, Generalitateko presidentea izendatzeko lehen inbestidura saioan. JxCk eta ERCk Carles Puigdemont presidentegai aurkeztuko dutela iragarri dute, baina nola egingo duten ez dute argitu oraindik. PdeCATeko Marta Pascalen iritziz, akordio handietarako garaia da eta horrekiko logikan dator iragarpena.

Oposiziotik, berriz, kritika gogorrak: Ciutadanseko Inés Arrimadasek esan du ezin dela Bruselan adostu legedia haustea.