Skip to main content
bannerra

JxCat eta ERC, Parlamenteko mahaiaren osaketa eta inbestidura adostuta

JxCat eta ERC, Parlamenteko mahaiaren osaketa eta inbestidura adostuta

Bruselan bildu dira Carles Puigdemont eta Marta Rovira, eta mahaia gehiengo independentistarekin, alegia, Catalunya en Comú kanpo utzita, osatzea eta Puigdemont presidente izendatzea adostu dute.

Bestelako mugimendurik ere egon da: Artur Masek PDeCat-en presidentzia utzi du, bi arrazoi nagusi emanez: Junts Per Catalunyaren emaitzak onak ikusita, gizarte zibileko elkarte eta eragileak batu dituen formula hauspotu nahi du, aurpegi berrientzat tokia utzita; eta ez ditu alderdiaren presidentziaren aukerak mugatu nahi, haren kontrako prozesu eta erabaki judizialak tarteko.

Aintzat hartzekoa da datorren astelehenean bertan emango dutela jakitera Palau kasuaren ebazpena.


Gurean Gaur

Josu Izagirre Arabako fiskal nagusiak deklaratu du gaur De Miguel auziko epaiketan, eta azpimarratu du froga gisa aurkeztu diren grabazio eta mezu elektronikoek argi islatzen dutela De Miguelek gidatzen zuen ustezko sareak legez kanpoko komisioak eskatu zituela, Arabako Foru Aldundiaren kontu ofizialetatik, eta kontratu publikoen truke.


Gurean Gaur

Hainbat mehatxu eta erasoren ostean, ekainaren 7an, meategi baten aurkako ekinaldi batetik itzultzerakoan, gizon talde armatu bat Lolita Chavez hiltzen saiatu zen. Guatemalako Kitxe herri indigenaren kontseiluko burua da. Erasoaren aurrean, mendira ihes egin zuen, eta bere bizia arriskuan ez jartzeko, ezkutuan izan da orain arte. Orain, helburu du Europan ezagutaraztea bere eta kitxe herriaren borroka, eta Euskal Herrian dago asteotan.


Gurean Gaur

EAEko kontzertu ekonomikoaren eta Nafarroako itun ekonomikoarekin berritzea, abiadura handiko trenak bi esparru administratiboak lotzea ekarriko duen akordioa, eta euskal presoen espetxe politika aldatzeari buruz duten ikuspegia azpimarratu dituzte. Bilkura Iruñean egin dute eta positiboki baloratu dute bi ordezkariek. Kartzela politikaz Mendiak adierazi du, Espainiako administrazioak era inteligentean jokatu beharko duela egoera aprobetxatu eta presoak hurbiltzeko bidea hasteko


Gurean Gaur

Euskal Herriko ordezkaritza ere bertan izanen da. Besteren artean, Nafarroak Donejakue bidea indartzeko nahia agertu du  eta horrekin batera gaztelu eta gotorlekuen ibilbidea aurkeztu dute. Jaurlaritzak ere turismo jasangarri, berritzaile eta lehiakorraren aldeko apustua eginen duela adierazi du. Fitur azoka igandera bitarte izango da Madrilen.