Skip to main content

Azken bideoak: Politika

bideoa prestatzen
Kataluniari elkartasuna adierazteko ekitaldia egingo du Gure Esku Dagok Gernikan

2018-09-18
Irailaren 29an izango da, eta horrekin iazko urriaren 1eko erreferendumean "demokraziaren, bakearen eta askatasunaren alde egin zuten herritarren duintasuna" goretsi nahi dute.
bideoa prestatzen
Gazte borroken belaunaldi arteko 'bulkada berriak', Jarrairen 40. urtemugan

2018-09-17

Hainbat belaunalditako mila lagun inguru elkartu dira, igande eguerdiz,Leitzan, ‘Bulkada berrien garaia da!’ ekitaldian. Ezker abertzaleko gazte antolakundea sortu zeneko 40. urtemugaren harira antolatu dute agerraldia Aitzina eta Ernai gazte erakundeek eta urteurrena ospatzeko zein belaunaldien arteko transmisioa bermatzeko dituzten asmoen berri eman dute. Hori bai, lehen keinua, Leitzara hurbildu ezin duten Altsasuko gazteei egin diete.

2019an, lau hamarkada beteko dira Jarrai gazte erakundea sortu zenetik urtemuga hori baliatuko du ezker abertzaleko gazte mugimenduak iraganean gazte antolakundeetan aritutakoak, egun ari direnak eta etorkizunean arituko direnak batzeko. Ekitaldian aldarrikatu dutenez, urte luzez Euskal Herriari konpromiso militantez ekarpena egin diote eta mugaz gaindi antolatu, borrokatu eta bizitzeko gai izan dira. Orain, berriz, bulkada berrien garaia dela iruditzen zaie.

Hainbat belaunalditako gazteen borrokak utzi duen ondarea eurena egiten dutela adierazi dute Leitzan bildu diren gazteek eta ondare horri balioa emateko 40 urteetako ibilbidea liburu batean bildu eta argitaratuko dute aurtengo abenduan.

Datorren udaberrirako ere aurreikusi dute beste mugarri bat, apirilaren 19tik 22ra bitartean, Gazte Topagune “erraldoi bat” egitea aurreikusi baitute. Besteak beste, gazte belaunaldien arteko elkargunea izateko helburuarekin.

bideoa prestatzen
San Fermin Txikin Rozalejo jauregian jarduerarik ez egiteko eskatzen duen adierazpena onartu du Iruñeko Udalak

2018-09-17
San Fermin Txikin Maravillas gaztetxean jarduerarik ez egiteko eskatzen duen adierazpena onartu du gaurkoan Iruñeko Udaleko Presidentetza batzordeak. UPNk aurkeztutako adierazpena da eta horren bidez Rozalejo jauregian, datorren asteburuan, edozein motatako jarduerak ekiditeko neurriak abian jar ditzan eskatu dio Udalari.
bideoa prestatzen
Eten egin dute 'De Miguel auzia', defentsa eta Fiskaltza akordio bila ari direlako

2018-09-17

'De Miguel auzia' etenda geratu da bi asterako, fiskala eta Alfredo de Miguelen abokatua akordiora heltzekotan direlako. Josu Izagirre fiskalak egin du epaiketa eteteko eskaera, eta baieztatu du, Arabako EAJko kargudun ohiei eragiten dien auzian, 26 akusatuekin akordioa ixteko asmoa duela. Auzipetu guztiak, eta auzian parte hartzen ari diren Eusko Jaurlaritzako zein Bizkaiko Foru Aldundiko ordezkariak ados agertu dira erabakiarekin.

Dirudienez, auzipetuek egozten zaizkien delituak onartuko dituzte zigor eskaerak murriztearen trukean. Momentuz, De Miguelenetzat eskatzen du zigorrik handiena Fiskaltzak: 54 urte; eta 32 eta 4 urte bitarteko zigorrak gainerakoentzat. Orotara, 439 urteko kartzela zigorra, eroskeria, dirua zuritzea eta prebarikazioa leporatuta, besteak beste.

Arabako Probintzia Auzitegiko epailearen aurreran deklaratzen hastekoak ziren gaur De Miguel auziko akusatuak. Urtarrilean abiatu zen ustezko ustelkeria sarea ikertzeko ahozko epaiketa, eta 26 lagun daude akusatuen aulkian; tartean, Alfredo de Miguel Arabako EAJko buruzagi ohia. Hark izan behar zuen deklaratzen lehena, gaur, 09:30ean, baina ez du egin.

Ustezko iruzurragatik Euskal Autonomia Erkidegoan sekula egin den epaiketarik handiena da De Miguel auzikoa. Epaiketa hasi zenetik, ehunka lekuko eta dozena bat peritu pasatu dira auzitegitik. Besteak beste, jakin da De Miguelek 25 sozietate inguru sortu zituela propio iruzur egiteko.

bideoa prestatzen
Biktimen arteko bereizketarik eza eta kontaketen bizikidetza aldarrikatu ditu Harold Goodek Azpeitian

2018-09-14
Biktimen eskubideak izango dira urriaren 5ean eta 6an Iruñean eta Bilbon egingo duten V. Foro Sozialaren ardatza. Euskal Herriko eta nazioarteko ordezkariek parte hartuko dute topaketan. Egunotan, topaketa horri babesa adierazten izan da Harold Good apaiz protestantea, IRA Irlandako Armada Errepublikanoaren eta ETA erakundearen armagabetzean ikuskatzaile lanetan aritutakoa. Besteak beste, Azpeitiko San Agustin kulturgunean hitzaldia eskaini du. Eta IRAren armagabetzetik jasotako esperientziarekin, gatazketako biktimen artean bereizketarik ez egitearen garrantzia nabarmendu du. Horrez gain, gatazka gainditzeko, Goodi ezinbestekoa iruditzen zaio kontaketa guztiak kabitzeko moduko memoria inklusiboa sustatzea.
bideoa prestatzen
LAB sindikatuak lan arautegian eta babes sozial gaietan eskuduntza guztiak bereganatzea eskatzen dio Estatus berriari

2018-09-14
LAB sindikatuak lan arautegian eta babes sozial gaietan eskuduntza guztiak bereganatzea eskatzen dio Estatus berriari. Lan eta bizi baldintza duinak eraikitzean ezinbestekotzat jotzen du sindikatuak gai horietan erabakiak hartzeko ahalmen osoa edukitzea. Lan harreman propioek eta negoziazio kolektiborako euskal marko propioa ere beharrezkoak direla adierazi dute. Autogobernu lantaldearen akordioa positibotzat jo dute baina EAJrekiko mesfidati agertu dira, adostasuna zabaltzearen bidean, akordioaren oinarri den erabakitzeko eskubidea urratuko duen beldur baita LAB.