Skip to main content

Azken bideoak: Gizartea

bideoaren irudia
Ertzak | Usansolo herri bihurtzeko nahia

2015-04-30

1988ko otsailean, Galdakaoko udalbatzak aho batez onartu zuen Bizkaiko Aldundiari Usansoloren bereizketa prozesua martxan jartzeko. 2015ean oraindik ez du lortu. Udal hauteskundeen atarian herritarren parte hartzeaz aritu gara. Administrazio publikoak zuzentzen dituzten politikarien eta herritarren arteko komunikazio zuzena oraindik indartzeko dago? Hausnarketa horretan hiru adituren hitzak jaso ditugu: Natxo Cubero (Administrazio Zuzenbideko irakaslea), Monika Mena (Usansolo Herria plataformako bozeramailea) eta Elisabete Arrieta (EHUko Parte Hartuz ikerketa taldeko kidea).

bideoaren irudia
Gorka Moreno: "Ostrukaren estrategia erabili du Europak azken 20-30 urteetan"

2015-04-30

Gurean Gaur elkarrizketa saioan, Gorka Moreno Ikuspegi Immigrazioaren Behatokiko zuzendaria izan dugu. Ehunka pertsona hil dira azken asteetan mediterraneo itsasoan. Lampedusako ezbeharrei begira jarri eta Europak egin dezakeenari buruz hitz egin dugu, besteak beste.

bideoaren irudia
Pello Igeregi: "Arazoa konpondu ezean grebara berriz deitzeko aukera handiak daude"

2015-04-29

Gurean Gaur elkarrizketa saioan, Pello Igeregi ELA sindikatuko osasun arloko arduraduna izan dugu. Osakidetzako grebaren eta egoeraren inguruan aritu gara. Datorren astean, bilera berri bat egingo dute sindikatuek eta Osakidetzako arduradunek.

bideoaren irudia
Gitarra eskuan hartu gaitu Unax Noga musikariak Zarautzen

2015-04-27

Gehienbat kantu ezagunen bertsioak abesten ikusi dugu sare sozialetan eta bere kontzertuetan, baina horrez gain, Unax Noga zarauztarra bere lehen diska prestatzen ari da. Honen inguruan aritu gara eta bere musikarako grina nondik datorkion azaldu digu. Gainera, proiektu berriko kanta bat ere eskaini digu.

bideoaren irudia
Gazteei kezka pizten al die euren etorkizunak?

2015-04-27

Gaur egungo egoera ekonomikoaz aritu gara Aizank! saioko atal berri honetan Axular Lizeoko gazteekin. Batxillergoa amaitzear dauden honetan, zein asmo dituzte datorren urteetarako? Kezkatzen al die egoerak? Esaterako, prest egongo al lirateke atzerrira joateko lanera? Besteak beste, galdera hauei erantzun diete gazteek.

bideoaren irudia
Ondarroako Institutuan izan gara

2015-04-27

Aizank! saioko Zr Iksi atalean Ondarroako Institutua bisitatu dugu. Instalakuntza eta baliabideak ikustearekin batera, bertako ikasle zein irakasleekin hitz egiteko aukera izan dugu, institutuaren heziketa eskaintza gertutik ezagutuz.

 
 
Premium Drupal Themes by Adaptivethemes