Skip to main content

Azken bideoak: Gizartea

bideoaren irudia
Koldo Tellitu: "LOMCEri aurre egiteko adostasuna izango dugula uste dugu"

2015-02-06

Gurean Gaur elkarrizketa saioan Koldo Tellitu Ikastolen elkarteko lehendakaria izan dugu. Euskarazko hezkuntzaren inguruko hausnarketa egin dugu. Nafarroako azken datuek kezka sortu dute. Ikastolen erronkei begira jarri gara, eta bereziki, LOMCE legearen inguruan hitz egin dugu.

bideoaren irudia
Euskarazko komunikazioari saria

2015-02-03

Urtarrilaren 28an Usurbilgo Atxega Jauregia jatetxean egindako ekitaldian banatu ziren euskarazko komunikazioaren Argia sariak. Sei sari banatu zituzten. Internet saria Ipar Euskal Herriko iazko udal bozak elkarlanean jarraitu zituzten hedabideek jaso zuten. Prentsa saria Entzun! aldizkariak eskuratu zuen, eta Irratia saria Arrosa sareko Zebrabidea saioak. Sustapen Ekintza saria Gure Esku Dago eskumenak jaso zuen, eta Ikusentzunezko saria, berriz, Hamaika Telebistako IDEMtitateak saioak.

bideoaren irudia
IDEMtitateak | Emakume zientzialarien ikusezintasuna

2015-01-29

Emakume zientzialariak gizadiaren aztarnetatik izan dira, baina ez ditugu ezagutzen, zergatik? zientziaren izaera androzentrikoak emakume zientzialariak itzalean mantendu ditu. Gaur egun, parekidetasuna al dago zientzia munduan? Horri buruz hitz egin dugu, Marta Luxan (Demografian aditua), Arantza Urkaregi (Matematikan doktorea) eta Teresa Nuño Angosekin (Kimikan doktorea).

bideoaren irudia
IDEMtitateak | Historia, festa eta emakumea

2015-01-22

Historia eta festaren arteko loturak nola baldintzatu du emakumeen parte-hartzea festetan? Donostiako Danborradan ala Irungo alardean, aurrerapausoak eman dira baina emakumeak rol jakin batzuetara ere bideratu dira. Xabier Kerexeta historialariarekin eta Inma Landa Irungo Alarde publikoko jeneralarekin gaia aztertu dugu.

bideoaren irudia
Bea Moral eta Maggie Bullen: "Oraindik ere danborrada parekidea lortzeko bidea luzea da"

2015-01-16

Donostiak duen festarik partehartzaileena da Danborrada. 25.000 herritar inguruk jo dute danborra aurtengoan. Danborraden %90 mixtoak badira ere, gizon eta emakumeen berdintasuna ez dago bermatuta. "Emeki-emeki berdintasunezko danborradarantz" izeneko liburuan ikerketa hori bildu dute hain zuzen Beatriz Moral eta Maggie Bullenek beste kide batzuekin batera. Gurean Gaur Elkarrizketa saioan izan gara haiekin eta honetaz guztiaz ez ezik, Irun eta Hondarribiako Alardeekin Danborradak izan dezaken loturaz ere hausnartu dugu.

 

 

bideoaren irudia
IDEMtitateak | Politika parekidea al da?

2015-01-15

Emakumeek politikagintzan izan dituzten eta oraindik ere bizi dituzten arazoen inguruan aritu gara bost politikarirekin. Itxaso Atutxa (EAJ), Marian Beitialarrangoitia (Ezker Abertzalea), Ainhoa Aznarez (PSN), Josune Ariztondo (EAJ) eta Uxue Barkos (Geroa Bai) elkarrizketatu ditugu. Familiak, herriko giroak eta ikasketek nola baldintzatu dieten ezagutu nahi izan dugu.

 
 
Premium Drupal Themes by Adaptivethemes