Skip to main content
bannerra

Azken bideoak: Ekonomia

bideoaren irudia
Kutxabanken aferan gezurretan aritu izana leporatu dio EH Bilduk EAJri

2014-03-24

Kutxabanken aferan gezurretan aritu izana leporatu dio EH Bilduk EAJri. Koalizioak adierazi du CANekin egindakoa errepikatu nahi dutela EAJk eta PPk, pribatizazioaren bidea jarraituz eta gizarte ekintzaren arrasto guztiak ezabatuz. Bestelako eredu ekonomiko eta sozial justuago bat eraikitzeko deia egin dute.

bideoaren irudia
Atik Zra | Gazte ekintzaileak eta enplegua

2014-03-20

Auto-enpleguan jarri dugu gure begirada. Krisia luze doa eta irtenbidea ere ez da erraza. Langabe kopurua nabarmen doa gora. Pasa den urtarrilean, 408 enpresa sortu ziren Hego Euskal Herrian, eta 269 itxi ziren. Argi pixka baten bila, gazte ekintzaileak gonbidatuko ditugu programara. Zehazki, proiektu berrien eta auto-enpleguaren bidean jarri diren gazteak. Langabezitik ateratzeko irtenbidea izan daiteke? Horri buruz aritu gara ondoko solaskideekin: Vinca Sanz (Elkarconsulting enpresa), Amaia (Euskal Valley elkartea), Gorka Maiztegi (Enpresa Junior erakundea) eta Itxaso Ruiz (BFAko Enpresak Sortuz eta Garatuz ekimena).

 

bideoaren irudia
Edesako langileek igandean bukatuko dute itxialdia

2014-03-20

Basauriko Edesa fabrikako langileek igande honetan amaituko dute azaroaren 4an hasitako itxialdia, mobilizazioak lan-gatazkari irtenbidea jartzea ahalbidetzen duen "aukera faltagatik". Otsailaren 25ean fabrikako 230 langile inguruk, gehiengoz, iraungipen lan erregulazio-txostena onartu zuten. Fagor Etxetresnak-en erosketaren ondorioz, enpresa hartzekodunen konkurtsoan sartu ostean izan zen.

bideoaren irudia
EAJk lan harreman eredu berri baten alde ezer gutxi egiten duela salatu du LABek

2014-03-18

Lan harreman eredu berri baten alde lan egiteko dei zuzena egin dio LAB sindikatuak EAJ alderdiari. LABek esan duenez, alderdiak lan erreformaren kontra dagoela esaten du baina gero praktikan ez du horren kontrako neurri politikorik hartzen. Pobrezia eta langabezia datuak altuak diren une honetan marko propio baten barruan lan harreman eredu berri baten alde ezer gutxi egiten duela leporatu dio sindikatuak EAJri.

bideoaren irudia
Incoesako langileek Eusko Jaurlaritzako enplegu sailera bideratu dituzte haien eskaerak

2014-03-17

Incoesa enpresako langileek Eusko Jaurlaritzako enplegu sailera bideratu dituzte haien aldarrikapenak. Gaur goizean egindako mobilizazioan adierazi dute enpresak aurkeztutako espedientearen kontsulta epealdia akordiorik gabe bukatu dela. Langileek borrokan jarraituko dutela iragarri dute, haien iritziz enpresa bideragarria baita.

bideoaren irudia
Orpriccek gaur egin du lehen bilera

2014-03-13

Gaur izan da Orpricceren lehen bilera. Organo honek, enpresa batek lan hitzarmenetako baldintzak betetzeari noiz uko egin ahalko dion erabakiko du. Bere sorrerak polemika sortu du. ELA sindiaktuak salatu egin du Orpricce sortu izana. Hala ere, gaurko bileran parte hartu dute sindikatuko ordezkariek. Batzarretara joatearen helburua hitzarmenen jarraipena dela azpimarratu dute ELA sindikatuko kideek. LAB sindikatuak aldiz, ez du parte hartuko bileretan.