Skip to main content

Azken bideoak: Ekonomia

bideoaren irudia
Donostiako Udalak 7 milioi euro bideratuko ditu lana suspertzera

2014-02-18

Donostiako Udalak, Donostiako Sustapena, Gipuzkoako Foru Aldundia eta Eusko Jaurlaritzarekin batera, hiriko ekonomia suspertzeko hirugarren plana aurkeztu du. Guztira 7 milioi euro bideratuko ditu 1150 lanpostu sortzeko helburuarekin. Aurtengo leloak dioen bezala, diru hori gehien behar den lekuan eta gehien behar dutenengan inbertituko da.

bideoaren irudia
Iñigo Muguruza: "Aurten ez, baina 2015ean lanpostu gehiago sortuko dira"

2014-02-18

Gurean Gaur saioaren elkarrizketa atalean, Iñigo Muguruza Gipuzkoako Merkataritza Ganberako kidea izan dugu. Gipuzkoako ekonomiaren egoeraz hitz egin dugu berarekin. Pasa den urtea baino hobea izango da 2014a, iragarri dutenez. Ordea, aurtengo aurreikuspenak zeintzuk diren jakin nahi izan dugu. Bai enpresentzat, eta bai enpleguarentzat.

bideoaren irudia
Kutxabank-en jokabide ankerra salatu dute IRPHaren kaltetuek Ada Colauen laguntzaz

2014-02-17

Ada Colau, militante ezaguna Donostian izan da IRPHa aplikatzeak kalteak eragin dizkietenei babesa erakusten. Kaleratzeak Stop plataformarekin batera, Kutxabank-en aurkako lehen epaiketaren atarian entitatearen jarrera "ankerra" salatu dute. Politika antisozial eta kriminalak aplikatzen dituela esan dute.

bideoaren irudia
Gipuzkoako udaletxeek 5,6 milioi euro itzuli beharko dituzte

2014-02-17

Gipuzkoako Foru Aldundiko arduradunek udaletako ordezkariekin bilera egin dute finantzatzeko foru funtsaren berri emateko. Lortutako akordioari esker, udalek 5,6 milioi euro itzuli beharko dituzte. Akordiorik ezean, Helena Franco Ogasun eta Finantza diputatuak adierazi du itzuli beharrekoa bikoitza litzatekela. Gainera, lau txandatan ordaindu ahal izango dute.

bideoaren irudia
Greba eguna izan dute Lanbiden 200 langileren kaleratzeak salatzeko

2014-02-17

200 langileren kaleratzeak salatzeko Bilboko kaleak hartu dituzte lanbideko langileek. Salatu dutenez  Euskal Enplegu Zerbitzuak 200 bitarteko langile kaleratzeko asmoa du geroago horietako 150 inguru aldi baterako programen bitartez ordezkatzeko. Otsaileren 6ko Arloko Mahai bileran eman zuen horren berri Administrazioak. Dokumentu horren bidez  Administrazio publikoan eman behar diren konkurentzia eta aukera berdintasun, publizitate, meritu eta gaitasun baldintzak saihestu nahi dituela salatu dute sindikatuek. Hau dela eta, proposatutako lanpostuen zerrenda bertan behera uzeteko greba burutu dute.

 

bideoaren irudia
Urtarrilean %1,5 jaitsi dira prezioak Hego Euskal Herrian

2014-02-14

Kontsumorako Prezioen Indizeak (KPI) behera egin du nabarmen urtarrilean Hego Euskal Herrian, INE Espainiako Estatistika Institutuak plazaratu dituen datuek erakusten dutenez.