Skip to main content
bannerra

Azken bideoak: Ekonomia

bideoaren irudia
Langabeziak behera egin du Hego Euskal Herrian

2014-01-23

Espainiako Estatistika Institutuak argitaratutako biztanleria aktiboaren azken emaitzen arabera, langabeziak behera egin du 2013an Hego Euskal Herrian. Zehazki, iazko urte amaieran 2012koan baino 6900 langile gutxiago zeuden lanik gabe.

bideoaren irudia
Aldaketa politikoa behartzeko helburuarekin jardungo du LABek

2014-01-23

LAB sindikatuak urteroko delegatuen batzar nazionala burutu gaur Donostiako Atano III pilotalekuan. 2014rako erronka eta iniziatibak eztabaidatu dituzte batzarrean. Mugarri berriak jartzeko lan egiteko beharra azpimarratu du Ainhoa Etxaide idazkari nagusiak. Egoera ekonomiko eta sozialean aldaketak ekarriko dituen erabakiak behartzeko jardungo dutela adierazi du.

bideoaren irudia
Eroski absolbitzeko eskatu du fiskaltzak

2014-01-22

Eroskiko ekarpenen kaltetuek salatu dute legala izanda ere, engainagarria izan zela. Hala baieztatu dute gaur Bilbon, fiskaltzak Eroskiren absoluzioa eskatu duen egun berean eta BBVari diru itzultzeko eskatu zaion egun berean.

bideoaren irudia
INCOESAko langileek era aktiboan parte hartzeko eskatu diote Jaurlaritzari

2014-01-20

Incoesako langileek 238. eguna bete dute gaur greba mugagabean, enpresak ekoizpena deslokalizatu eta langileak Soria eta Extremadurara lekualdatzeko hartu zuen erabakiaren kontra. Bai enpresari zein konkurtsoko administratzaileari Bediako lan zentroa mantentzeko exijitu die langileek, hau bideragarria dela argudiatu ondoren. Halaber, Eusko Jaurlaritzari gatazkaren konponbidearen gakoa izatera pasatzeko eskatu die

bideoaren irudia
Txema Gisasolak dimisioa eman du

2014-01-17

Batzorde Iraunkorrean eman du Txema Gisasolak, Mondragon taldeko presidenteak,  dimisioa. Haren lekukoa nork hartuko duen ez dago erabakita oraindik. Taldearen buru gisa erabaki zailak hartzea egokitu zaio Gisasolari. 2013. urtean Fagorren hamaikagarren  bideragarritasun planari finantzaketa ematea ala ukatzea erabaki behar izan zuen. Gisasolak, Mondragoneko Kontseilu Orokorreko beste kideekin batera, ezezkoa eman zuen, beste ezeren aurretik taldea bera jarrita, alegia gainontzeko kooperatiben segurtasuna eta geroa lehenetsita.

bideoaren irudia
Mila eta berrehun enpresa galdu dira 2013an EAEn

2014-01-17

Azken hiru hilabeteetako joera itxaropentsua bertan behera geratu da. Confebasken datuen arabera, Araba, Bizkaia eta Gizpuzkoan 291 enpresa desagertu ziren 2013ko azken hilabetean, 2008tik izandako abendurik txarrena izan zelarik. Datuon arabera, enpresentzat baino hobea izan da abendua autonomoentzat, hauentzat ere urtea txarra izan bada ere. Bestalde, Eustatek iaz baino landun eta langabe gehiago zenbatu ditu. Biztanleria aktiboa 64 mila lagunean handitu izanak azaltzen du hori.