Skip to main content

Azken bideoak: Kultura

bideoaren irudia
Igandean azoka izango duzue Arrietan

2014-10-31

Leihotik begiratu eta ematen ez badu ere udazkenean buru belarri sartuta gaude eta badakigu garai hau azoka ospetsuen garaia dela. Arrietako San Martin azoka handia azaroaren 9an egingo dute Bizkaiko herrian baina hori heldu aurretik eta giroa berotzen joateko, asteburu honetan hileko lehenengo domeketako azoka topatuko duzue Bizkaiko herrian.

bideoaren irudia
Karmele Artetxe: "Mitoa da euskal ekoizpen zientifikoak balio ez duela; ikusgarritasuna da arazoa"

2014-10-31

Inguma Euskal Komunitatea Zientifikoaren datu basea berritu dute, 14 urteko ibilbidearen ostean, baina, zein da Euskal Komunitate Zientifikoaren benetako egoera? Karmele Artetxe historialariarekin, euskarazko produkzioaren argilunak aztertu ditugu.

 

bideoaren irudia
Gizarte modernoaren psikosi sozial neurrigabea

2014-10-30

"Arkimedesen Printzipioa" antzezlanak, benetekoa edo asmatua izan daitekeen gertakari bat hartu du oinarri. Dana ondo dago, neskato batek, haur taldeko entrenatzaileak mutiko bati ezpainetan musu bat ematen ikusi duela esaten duen arte. Hor hasiko dira arazoak. Hala ere lanak ez du pedofiliaren gaia landuko eta gure jendartean nagusi dan psikosi sozial neurrigabean jarriko du fokoa. Besteak beste, lortutako segurtasun maila galtzeko dugun beldurrraz hitz egingo digu lanak. Orain Arriaga Antzokira bai gazteleraz zein euskaraz heldu dan lanak arrakasta izugarria lortu du dagoeneko Mexiko, Argentina, Kolonbia edota Errusia bezalako herrialdeetan. Lan arrakastatsuaren protagonistekin izan gara.

bideoaren irudia
Skapa | Azpeitian antzerkia eta Ondarroan literatura protagonista

2014-10-30

Lehen atalean, ondokoak nabarmendu ditugu: Arriaga antzokian "Arkimedesen Printzipioa" antzezlana ikusteko aukera izango dugu. Gizarte modernoaren psikosi sozial neurrigabea oholtzara eramango du lanak. Ondoren, zinema estreinaldiei begira jarri gara. Asteburuko proposamenei dagokienez hauxe gure eskaintza:  "Literatur Amuak" egitasmoa egingo dute Ondarroan, Azpeitian berriz euskal antzerkia izango da nagusi, BECen BIME jaialdia ospatuko da, Guggenheim museoa bere 17. urteurrena ospatzen ari da egun hauetan, Bergaran eta Elorrion 7. artea izango da nagusi eta azken egunetan kaleratu diren disko berrien errepasoa egin dugu.

bideoaren irudia
Langabezia, euskara ikasteko aukera aproposa

2014-10-30

Donostiako Udalak 38.000 euroko diru-laguntza eman die euskaltegiei langabetuentzako euskara ikastaroak antolatzeko. Honi esker 150 langabe inguru ari dira denbora aprobetxatu eta euskara ikasten. Ilazki euskaltegia eta Antiguako AEK dira besteak beste ikastaroak eskaintzen dituztenak. Bertan izan gara irakasle zein ikasleekin.

bideoaren irudia
Skasti taldearen emanaldia, Elkar Estudioa Sesioak programan!

2014-10-28

Ostiral honetan, urriak 31, Zarauzko Skasti taldearen zuzeneko emanaldi berezia izango dugu Elkar Estudioa Sesioak programan. Bigarren denboraldiko aurreneko kontzertua izango da. Gipuzkoarrek beraien NewSkaDance proposamena eskainiko digute. 

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ