Skip to main content
bannerra

Azken bideoak: Herri mugimendua

bideoa prestatzen
Okupazioa zilegi dela aldarrikatu eta larunbateko manifestazioa babestu dute Gasteizko hamarnaka eragilek

2018-10-04
p>60 eragilek baino gehiagok “zentsura” gisa hartu dute larunbat honetarako antolatutako Okupatu Gasteiz Egunari Gasteizko Udalak trabak jarri izana, eta egun horretarako antolatutako manifestazioan parte hartzeko deia egin dute. Zehazki, hausnarketa hori jasotzen duen manifestua sinatu dute.

Okupatu Gasteiz Egunean, hiriko lau eragileren urteurrena ospatuko dute: Hala Bedi irratiak 35 urte bete ditu aurten, Gasteizko Gaztetxeak 30, Auzolana pilotalekuak 10 eta Errekaleorrek 5. Gasteizko Udalak, ordea, espazio publikoa okupatzeko baimena ukatu die. Horretarako, besteak beste, argudiatu du ekinbidearen izena ekintza ilegaletarako dei gisa uler daitekeela.

Ba babesa adierazteko hamarnaka eragilek egindako agerraldian, argi utzi dute beren aldarrikapenak plazaratzeko okupatzen dutela espazio publikoa eta horren bidez bultzatzen dutela eraldaketa soziala. Hain justu, ideologia edozein dela ere, okupazio hori zilegi dela aldarrikatu dute. <7p>

Hori dela eta, salatu egin dute Gasteizko Udalak espazio publikoaren erabilpena debekatu izana, eta alderdikeriaz jokatzea leporatu diote. Manifestuaren sinatzaileek Okupatu Gasteiz Eguneko manifestaziora joateko eskatu diete herritarrei. Larunbat eguerdirako jarri dute zita, eta manifestaziora batuko diren lau zutabe aterako dira hiriko hainbat gunetatik.

bideoa prestatzen
Urriak 6an ospatuko da Soietxeko kuartela militarraren aurkako XXIX. martxa

2018-10-04
Urriak 6an burutuko dute Soietxeko kuartela militarraren aurkako 29 garren martxa, Bota kuartela eta erein porrrue lemapean. Aurtengo gastu militarra ia 34.000 miloi eurotakoa izan dela, eta horren ondorioz murrizketa sozialak eta pobreziaren hazkundea eragiten duela azpimarratu dute. Martxarekin kuartel honen benetako rola segurtasuna zaintzea ez dela , baizik eta prekarietatea bultzatzen eta pentsio duinak ukatzen duten sistemaren interesak defendatzea duela helburu salatu nahi dute.
bideoa prestatzen
Urriak 1: Urtebete beranduago, Katalunia eta Euskal Herrira begira, erronkak eta zailtasunak mahai gainean

2018-10-01
Urtebete igaro da Kataluniak independentziaren inguruko herri galdeketa egin zuenetik. Orduan bizitakoak, espainiako segurtasun indarrek erabilitako bortizkeria barne, gogoan izan ditugu Ekhiñe Atorrasagasti, Egoitz Askasibar eta Eider Uriberen parte hartzearekin. 2017ko urriaren 1ean gertutakoak, ondoren etorritakoak, errepresioa eta egungo egoera izan ditugu hizpide, Kataluniatik Euskal Herrira bidai eginez. Horrekin batera, Garako Iraia Oiarzabal, Deiako Imanol Fradua eta Berriako Enekoitz Esnaolaren parte hartzea izan dugu.
bideoa prestatzen
Jendetza bildu zen Gure Esku Dago-k Gernika-Lumon egindako ekitaldian

2018-09-28
Jendetza bildu zen Gure Esku Dago-k Gernika-Lumon egindako ekitaldian. Kataluniako erreferendumaren urteurrenean, Astrako aparkalekuan egindako lana izan da elkartasun ekitaldiaren ardatza. Kataluniako ordezkari ugarik parte hartu zuten ekitaldian. Baina parte hartzerik garrantzitsuena Carles Puigdemont Generalitateko presidente erbesteratuarena izan zen, bideo baten bitartez berretsi zuen orain arte egindako bidea eta eskertu zuen Euskal herritik jasotako babes guztia. Asteburuko Gernikako elkartasun ekitaldiaren ondoren, Kataluniako erreferendumaren urteurrenean, Carles Puigdemontekin bildu dira Waterloon GEDren bozeramaile Angel Oiarbide eta Jone Amonarriz. Duela urtebete, urriaren 1ean, Katalunian izan zen Gure Esku Dago.
bideoa prestatzen
Urriaren 1eko urtemugaren atarian, independentisten aurkako auzien salaketak indartu dira

2018-09-28
CDR Errepublikaren Defentsarako Batzordeetako kideei ezarritako zigorren aurka Kataluniako Auzitegi Gorenean kateatutako herritarrak mossoek kanporatu zituzten ostegunean. Larunbatean,berriz, polizien JUSAPOL sindikatuak du manifestazioa, soldata igoera eskatzeko Kataluniako Generalitateari.
bideoa prestatzen
Puigdemontek bideoz parte hartuko du GEDen Gernikako ekitaldian

2018-09-27

Iazko urriaren 1eko Kataluniako erreferendumaren urtemugaren harira antolatu dute ekitaldia, larunbaterako, Gernikan. Besteak beste, Carles Puigdemont Generalitateko presidente kargugabetuak hartuko du hitza, erbestetik, bideo konferentziaz. Angel Oiarbideren hitzetan, Euskal Herriaren eta Kataluniaren artean lotura berezia dagoelako.

Euskal Herrian, berriz, garai ederra bizi dugula uste du Oiarbidek, etorkizunean izan nahi dugunaz erabakitzeko, eztabaida abian dagoelako hainbat eremutan.