Skip to main content
bannerra

Azken bideoak: Manifestazioak

bideoa prestatzen
Espainiako batasunaren aldeko manifestazioa Bartzelonan, Hispanitatearen egunean

2018-10-12
65.000 lagun inguruk aldarrikatu dute Espainiaren Batasuna urriaren 12an Bartzelonan egindako manifestazioan. Horrez gain, espetxean dauden ordezkari independentista katalanen zigorrak luzatzeko ere eskatu duteUnes 65.000 persones es manifesten per la unitat d'Espanya a Barcelona i els organitzadors demanen llargues condemnes per als presos eta eskuin muturreko taldeek esteladak erre dituzte.
bideoa prestatzen
Mobilizazio masiboa Bilbon pentsio duinak aldarrikatzeko

2018-10-01
Nazioarteko adineko pertsonen aguna baliatuz, Bilboko kaleak bete dituzte Hego Euskal Herriko pentsiodunek. Goizean, Magdalena Valerio Lan Ministrarekin elkartu dira eta agindutakoa ez dela nahikoa adierazi dute mobilizazioan.
bideoa prestatzen
Iazko irailaren 20a oroitu eta aldarrikatu dute milaka lagunek Bartzelonan

2018-09-21
ANC eta Omnium Culturalek deituta, 15.000 lagunek aldarrikatu dute, ostegunez, iazko irailaren 20an Kataluniako Ekonomia sailaren egoitzan egindako manfiestazioa. Protesta hartan parte hartzeagatik auzipetu eta espetxeratutako Jordi Sanchez eta Jordi Cuixart izan zituzten gogoan. Ekitaldi horien eta Quim Torra Generalitateko presidenteak egindako eskaeren berri jaso du Saioa Baleztenak.
bideoa prestatzen
Diada: Milioi bat lagunek bat egin dute Kataluniako errepublika egikaritu eta preso zein erbesteratu politikoen itzulera eskatzeko

2018-09-11
Milioi bat lagunek ANC-ek egindako deialdiarekin bat egin dute Bartzelonako Diagonal zumarkalea betez. Aurtengo Diadak ezaugarritze berezia zuen azken 12 hilabeteetan gertatutakoen ondorioz. Horiek horrela, Hamaika Telebistan saio berezia osatu dugu, Beñat Zarrabeitiaren gidaritzapean, Iker Bizkarguenaga, Ion Ansa, Itsaso Guemes eta Laura Mintegiren parte hartzearekin.
bideoa prestatzen
Miloi bat lagunek errepublika aldarrikatu dute Diadan

2018-09-11
Zazpigarren urtez jarraian, sekulako jendetza atera da Kataluniako Diadan kalera, Bartzelonako Udaltzaingoaren arabera, milioi bat izan dira. 'Fem republica catalana' lelopean, azken hilabeteetako salbuespen testuingurua salatu eta independentziaren aldeko aldarrikapen ozena egin dute.
bideoa prestatzen
Baldintza okerrenetan botoa eman ondoren, errepublika eraikitzeko gai direla sinetsita daude katalanak

2018-09-11

Zazpigarren urtez jarraian, sekulako jendetza atera da Kataluniako Diadan kalera, Bartzelonako Udaltzaingoaren arabera, milioi bat izan dira. 1714an Espainiako Erresumak Kataluniako Printzerriari lege eta erakunde propioak kendu zizkioneko data gogoan, 17:14an, olatu erraldoia egin dute Bartzelonako Diagonalean, eta independentzia oihuek hautsi dute isiltasuna.

ANCko presidente Elisenda Paluziek argi esan du orain artekoa egiteko gai izan badira, zazpi urtez kaleak betetzeko, ehunka hautetsontzi babesteko eta baldintza okerrenetan botoa emateko, gai izango direla Kataluniako errepublika eraikitzeko ere. Hain justu, horretarako modua bilatzeko eta helburu orokorrak lehenesteko eskatu dio Generalitateari.

Ezohiko Diada gisa izendatua izan da aurtengoa. Eta etengabe izan dituzte gogoan preso eta erbestean dauden politikariak, besteak beste, goizean Rafael Casanovari egindako lore eskaintzan. Han parte hartu dute zenbait euskal politikarik ere. Bertan zen, esaterako, Euskadi Buru Batzarreko presidente Andoni Ortuzar, PDeCATeko ordezkariekin. Ortuzarrek presoak eta erbesteratuak izan ditu gogoan, eta Kataluniako auzia konpontzeko aukera bakarra elkarrizketa izango dela ziurtatu du.

EH Bilduko legebiltzarkide Maddalen Iriartek, bere aldetik, aurtengo Diada salbuespenezkoa dela nabarmendu du, baita askatasuna aldarrikatzeko eguna ere, eta Kataluniako askatasunaz gain, Euskal Herriarena ere aldarrikatuko dutela.

Preso eta erbesteratuak gogoan, esan bezala. Hain justu, Lledonerseko espetxean egon da, astelehenez, Arnaldo Otegi EH Bilduko koordinatzailea, preso politiko katalanak bisitatzen. Irabazteko konbentzimenduz ikusi dituela adierazi du.