Skip to main content
bannerra

Azken bideoak: Hezkuntza

bideoa prestatzen
Segregazioa gainditzeko neurriak proposatu ditu Ikastolen Elkarteak

2018-10-19
Ikastolen elkarteak hezkuntza sisteman ematen ari den segregazioa gainditzeko plan bat proposatu du. Neurrien artean, Hezkuntza eragileek eskolatze batzordeetan parte hartzea, atzerriko jatorria duten ikasleen banaketa orekatuagoa egiteko edo egunean indarrean dauden hizkuntza ereduak gainditu eta murgiltze eredua ezartzea daude.
bideoa prestatzen
Abian da Urretxu-Zumarragako ikastola diruz laguntzeko kanpaina

2018-10-08
Euriagatik igandeko Kilometroak jaira bertaratu ez zirenek diru ekarpena egin diezaiokete Urretxu eta Zumarragako ikastolari. Zarauzko Salbatore Mitxelenak hartu du jaiaren lekukoa eta 2019koa izango da molde horretako azken festa.
bideoa prestatzen
Ikastetxe publiko eta itunpekoak parean, eta D eredua buruan dela hasi da ikasturtea EAEn

2018-09-07

Cristina Uriarte Eusko Jaurlaritzako Hezkuntza sailburuak hasiera ofiziala eman dio 2018-2019 ikasturteari, Donostiako Ikasbide Ikastolara egin duen bisitarekin. Guztira, 374.957 ikasle hasi dira dagoeneko ikasgeletara joaten Euskadiko unibertsitatez kanpoko ikasketa mailetan. Iaztik %0,03ko hazi da datua, baina beherakada egon da Haur Hezkuntzako zikloetan.

Araba, Bizkai eta Gipuzkoako herritarrek hautatzen duten hezkuntza sistemari dagokionez, orekatuta daude publikoaren eta itunpekoaren arteko datuak: Ikasleen %50,6k sare publikoan ikasten dute, eta gainerako %49,4k itunpekoan. Hizkuntza ereduei begiratuta, berriz, D eredua da ikasleek gehien eskatzen dutena.

Aurkezpenean, sailburuak hizpide izan ditu unibertsitatez besteko ikasleak eskolatzeko bekak, eta diru-laguntza horietarako Hezkuntza Sailak aurten bideratuko duen diru-kopurua: 55 milioi eurokoa izango da.

Hezkuntza Sailak ikasturte honetan burutuko dituen ekimen guztien artean, batzuetan ipini du arreta Uriartek. Batetik, Hezkuntza Saila atzerriko jatorria duten ikasleen eskolatzeaz osatzen ari den azterketa hartu du hizpide. Bestetik, ikasturte honetan abian jarriko dute Gaitasun Handiko ikasleez arduratuko den Plan bat ere.

Horrez gain, Lanbide Heziketan, ikasle kopuruak izan duen %1,38ko hazkundearekin hasi da ikasturtea, baina baita Lanbide Heziketako Euskal Lege berria estreinatuz ere, joan zen ekainean onartu baitzuen Eusko Legebiltzarrak. Horrekin, garai berrietara egokitzeko egin behar diren eraldaketei egokiago helduko dietela azaldu du Uriartek eta datozen hilabeteetan Lanbide Heziketako V. Euskal Plana onartuko dutela gogorarazi du.

Azkenik, Hezkuntzako Lan Eskaintza Publikoaren auziari ere heldu dio Uriartek, eta esan du urte amaieran ikusiko dutela datorren urterako zenbat irakaslerentzako eskaintza aterako duten.

bideoa prestatzen
Seaskarekin negoziatzeko konpromisoa hartu du Paueko ikuskaritza akademiak

2018-08-31
Seaskako irakasleek Paueko Akademia ikuskaritza hartu dute protestan, haietako lau ikuskaritzako ordezkaritza batekin bildu dira, gainontzekoak kanpoaldean protestan ari ziren bitartean. Irakasle gehiago eskatzeko eraman dute protesta Pauera.
bideoaren irudia
FSB2018: Bilboko Ingeneritza Eskolako auto berria Ingalaterran eta Katalunian lehiatuko da

2018-07-10

Bilboko, Ingeniaritza Eskola hamargarren aldiz lehiatuko da Silverstone nazioarteko lehiaketan. Munduko beste hainbat unibertsitaterekin batera, berrikuntza eta talentua sustatzen dituen ekimen baten barruan.

Silverstone  lehiaketari begira, helburua da, batetik, lehenengohogei sailkatuen artean sailkatzea eta, bestetik, Bussiness Case proban lortu zen lehenengo postuari eustea. Berau,  ikasleek garatu duten eta proiekzio komertzial handiena duen auto prototipoa izango delako.

Bartzelonako Montmelon, aldiz  helburua Estatu mailako talderik onena izatea da. 2014, 2015 eta 2016an espainiar Estatu mailako lehenengo taldearen saria jaso zuten Bilboko Ingenieritza Eskolak, baita ibilgailurik efizienteenarena saria ere. 


Autoa uztailaren 11tik 15era Inglaterrako Silverstonen eta abuztuaren 23tik 26ra  Kataluniako Montmelon munduko hainbat unibertsitatek egindako beste auto askorekin lehiatuko da.
 

bideoaren irudia
Euskal Eskola Publikoaren jaia ospatu da Lekeition

2018-06-04

Euskal Eskola Publikoaren jaiak bere 27. edizioa ospatu du Lekeition, "zapran gagoz" lelopean. Guztiontzako eskola euskalduna, kalitatezkoa eta inkusiboa aldarrikatu dute adin guztietako milaka pertsonak bildu dituen jaian.