Skip to main content
bannerra

Azken bideoak: Emakumea

bideoa prestatzen
Emakumeon mundu martxaren XI. nazioarteko topaketak ospatuko dira Bilbon

2018-10-16
2017an emakumeen mundu martxaren karabana Euskal Herritik pasatu ondoren, aurten hamaikagarren nazioarteko topaketak ospatuko dira Bilbon, eta honen aitzakiapean antolatuko dute feministon herria eguna, urriak 27an Bilboko Areatza plazan Urriak 22tik 28ra, ospatuko diren Emakumeen mundu martxaren XI. nazioarteko topaketetan 42 herrialdetako emakumeak egongo dira bilera itxiak egiten, baina Euskal herriko emakumeen mundu martxak egitarau paraleloa antolatua du, kasu honetan irekia izango da.
bideoa prestatzen
"Engainatuta", argazkiak biluzik atera zizkielako, epaitegietan salatu dute hamar emakumek Haritz Varela

2018-10-10

Hamar emakumek auzitara jotzeko erabakia hartu dute, salatu dutenez, Haritz Varelak «engainuz» argazkiak biluzik atera zizkielako. Iazko uztailean atera zen kasuaren berria. Sortuk jakinarazi zuen Donostiako «militante ezagun bat» bota egin zuela, bere postua baliatuta neska gazteei argazkiak biluzik egin zizkiela eta. Donostiako Piraten mugimenduko partaide ere bazen Varela eta handik ere bota zuten. Argazkiak egin zizkien emakume horietako batzuek salaketa ipini dute orain, eta martxan da prozedura: jakinarazi dute deklaratzera deitu dutela akusatua. Hamar emakumek jo dute epaitegira, baina azaldu dute askoz gehiago direla eraso horiek jasan zituztenak: 40 neska inguru.

Varela kanporatu zuela jakinarazi zuenean, Sortuk salatu zuen ezker abertzalean zeukan «erreferentzialtasuna» erabili zuela neskengana hurbiltzeko eta «engainua» egiteko. Hori berretsi dute salatzaileek ere, erasotzaileak baliatu egin zuela emakume horiek harekiko zuten konfiantza. Argi dute, ordea, egoera salatu eta horri aurre egiteagatik ez dutela ezer txarrik egin eta salaketarako pausoa eman nahi duten gainerako erasotuei ere beren babesa adierazi diete.

Salaketa jarri eta epaitegietara jotzeko bidea ez dela erraza izan ere salatu dute, bide batez, epaitegien izaera matxista eta eraso sexistei ematen dieten trataera desegokia ere jarri dituzte jopuntuan. Horrez gain, erasoa salatu ondoren, egoera deserosoei ere egin behar izan diete aurre: haien hitza zalantzan jarri dutela sentitu dute, asko bakarrik sentitu dira, berriz ere biktimizatu dituztela sentitu dute edota administrazio arloko oztopoekin topo egin dute.

Orain, ordea, aurrera begira jartzeko asmo irmoa erakutsi dute. Jakitun dira eraso matxistak jasateko arriskua izango dutela aurrerantzean ere, gertuko espazioetan eta gizartekoetan, oro har. Baina orain arteko bidea elkarrekin egin izanak indartu ditu eta horri eutsiko diete.

bideoa prestatzen
Emakundek antolatutako Berdintasunerako Guneak 15. urte betetzen ditu

2018-10-09
Emakundek antolatutako Berdintasunerako Guneak 15. urte betetzen ditu aurten. Gune honek, 86 entitate ezberdinek antolatutako 146 jarduera eskeiniko ditu, Urriaren 2tik abenduaren 15era arte. Aurten ere, aurreko urteetako esperientzia ikusita, gune ibiltari bat erabiliko da mezuak hainbat lekutara helarazteko. Gune ibiltariak ekintza desberdinak jasoko ditu ere, eta ekintzarik programatuta ez dauden orduetan eskoletako taldeekin eta bestelako taldeekin sentsibilizazio ikasgelak egingo dira; une oro berdintasunean adituak diren bi teknikari egongo dira gune ibiltarian.
bideoa prestatzen
Hilketa matxistatzat jo dute Bilbon topatutako emakumearen kasua

2018-09-25

Emakume baten gorpua topatu du Ertzaintzak Bilbon, indarkeria zantzuekin eta ikerketa zabalik dagoen arren, hilketa matxistarena da hipotesi nagusia. Beraz, aurten, indarkeria matxistagatik hildako zazpigarren emakumea litzateke Euskal Herrian.

Ollerietagoiena kaleko etxebizitza batean topatu dute gorpua ertzainek, bizilagun baten deia jasota joan dira hara. Berri agentziek zabaldu dutenez, 25 urte zituen emakumeak eta bi haur.

Hilketa salatzeko lehen deialdiak ere zabaldu dira jada: Bilboko Udalak asteazken goizean egingo du elkarretaratzea, udaletxeko eskaileretan, 10:30ean. Euskal Herriko Emakumeen Mundu Martxak, berriz, 20:00etarako egin du manifestazio deialdia, Atxuriko Enkarnazio plazatik abiatuta.

bideoa prestatzen
Indarkeria matxistaren biktimei eskaintzen dien arreta hobetuko du Nafarroako Gobernuak

2018-09-18
Indarkeria matxistaren biktimei eskaintzen dien arreta hobetzeko Nafarroako Gobernuak laguntzak eta baliabideak handitu eta giza salerosketaren biktimei aterpea emateko zerbitzua ezarriko dutela jakinarazi du Ana Ollo kontseilariak. Izan ere, azken urteetan aurrera urratsak egin dituztela onartuta ere, laguntza "eraginkorragoak" eta "genero perspektiba handiagoa" beharko direla adierazi du.
bideoa prestatzen
Joera atzerakoiari aurre egiteko eskatu die Jaizkibelek erakunde publikoei

2018-09-10

Erakunde publikoei eskaera egin die Hondarribiko Jaizkibel konpainiak: larunbateko alardean ikusi zen joera atzerakoiaren aurrean zerbait egin dezatela. Zehazki, botere eta hauteskunde lehiak alde batera utzi eta egoera konponbidean jartzeko eskatu die instituzioei Jaizkibelek, eta haiek egin ditu gaizki kudeatutako egeraren erantzule ere.

Izan ere, azken urteetako gogorrena izan zen Jaizkibel konpainiak larunbatean jasandako jazarpena. Txistuka, oihu artean eta plastiko beltzekin hartu zituzten alarde parekidearen aurkakoe Jaizkibelgoak Kale Nagusian, eta bizi izandakoa salatzeko oharra atera du goizean konpainiak. Larunbatean jazotakoa "urte askotako utzikeriaren ondorio" izan dela adierazi du.

Jaizkibel konapiniako kideen ustez, larunbatean Hondarribiko Kale Nagusian pairatu zutenak ez du bat egiten berdintasunaren alde dagoen gizartearen gehiengoarekin. Hargatik, arduraz jokatzeko eskatu diote Hondarribiko Udalari. Larunbatean bertan ere, Oihana Etxebarrieta Jaizkibel konpainiako kapitainak erakundeengan jarri zuen erantzukizuna. Ba bertako alkate Txomin Sagarzazuk Euskadi Irratian esan duenez, jakitun dira larunbatekoa atzerapausoa izan zela, baina konponbidea ez dago udalaren esku soilik.

Hondarribiko Udalaz gain, Eusko Jaurlaritzako Segurtasun sailaren jarrera ere salatu du Jaizkibelek, eta Iñigo Urkullu buru duen erakundeari emandako baimenak ez betearaztea egotzi dio. Hargatik, erantzukizunez jokatzeko eskatu diete Hondarribiko Udalari, Gipuzkoako Foru Aldundiari eta Eusko Jaurlaritzari.