Skip to main content
bannerra

Azken bideoak: Langileak

bideoa prestatzen
Garbialdiko langileek mobilizazio berri bat egin dute Foru Aldundiaren aurrean

2018-10-16
Asteartero bezala, mobilizazio berri bat aurrera eraman dute Garbialdiko langileek Foru Aldundiaren aurrean. Enpresa eta aldundiarekin negoziazioak izan ostean, eguneko 14 zentimoko igoera eskaini diete, orotara hilabetean 3 euroko igoera. Azkeneko negoziazioa maila maiatzean ospatu zuten, grebara joan eta bi egun lehenago. Greba eta udako mobilizazioen ondoren, negoziazio mahai berri bat osatu zuten orain dela bi aste. Hala ere, enpresaren eskaintza uda aurretik egindako berbera izan zen, %0,3ko soldataren igoera. 2010etik 2017ra soldata izoztuak izan ziren eta datozen urteetarako igotzeko borondaterik ez du erakutsi Garbialdik. Enpresari urratsak eskatu ez ezik, Garbialdiko langile eta ordezkari sindikalek Aldundiari erantzukizuna ere eskatu diote.
bideoa prestatzen
Bilbon eta Laudion amiantoaren ondorioz hildako langileak gogoan izan dituzte

2018-10-04
Amiantoaren ondorioz 2016ko abuztuan hildako langilearen epaiketaren atarian Asviamiek, Amiantoaren Biktimen Euskal Elkarteak, elkarretaratzea deitu du Bilboko epaitegien aurrean. Bertan, elkarteak eta biktimaren senideek gogorarazi dute amiantoak hiltzen duela. Amiantoaren azken biktima, berriz, Laudioko lagun bat da, urriaren 2an zendu zen Guardias Laudio enpresako langile ohi bat eztarriko eta birikietako minbiziak jota. Arabako herri horretan ere elkarretaratzea egin dute azken biktima honen eta beste guztien omenez.
bideoa prestatzen
Bilbon eta Laudion amiantoaren ondorioz hildako langileak gogoan izan dituzte

2018-10-04
Amiantoaren ondorioz 2016ko abuztuan hildako langilearen epaiketaren atarian Asviamiek, Amiantoaren Biktimen Euskal Elkarteak, elkarretaratzea deitu du Bilboko epaitegien aurrean. Bertan, elkarteak eta biktimaren senideek gogorarazi dute amiantoak hiltzen duela. Amiantoaren azken biktima, berriz, Laudioko lagun bat da, urriaren 2an zendu zen Guardias Laudio enpresako langile ohi bat eztarriko eta birikietako minbiziak jota. Arabako herri horretan ere elkarretaratzea egin dute azken biktima honen eta beste guztien omenez.
bideoa prestatzen
EH Bildu La Naval-eko enpresa batzordeko langileekin bildu da

2018-10-03
EH Bilduko delegaritza, Arnaldo Otegi koordinatzaile nagusia buru, La Naval-eko enpresa batzordeko kideekin bildu da Sestaon. Bertan, ontziolak pairatzen duen egoera larriaren aurrean, erakundeei eta bereziki Eusko Jaurlaritzari neurriak hartzeko eskatu diote. Hortaz gain, hilaren 10an langileek Sestaon deitu duten mobilizazioan parte hartzeko gonbitea luzatu du koalizioak.
bideoa prestatzen
La Naval-eko langileek bilera egin dute Arantxa Tapia Industria sailburuarekin

2018-09-27
Sestaoko La Naval-eko langileen enpresa batzordeak bilkura egin du Arantxa Tapia Industria sailburuarekin. Topaketa tonu onean joan dela azpimarratu du bi aldeek baina egoeraren larritasuna nabarmena da. Tapiak azaldu duenez, La Naval erosteko interesa duten inbertsoreak azaldu dira baina oraindik ere ez dago inolako eskaintza irmorik.
bideoa prestatzen
Gipuzkoako adinekoen egoitzetako hitzarmen duina eskatzeko mobilizatuko da LAB

2018-09-12

Azaroan urtea beteko da Gipuzkoako helduen egoitzetako lan hitzarmen berria negoziaziatzeko mahaiak azken bilera egin zuenetik, eta LAB sindikatuak salatu du ordutik ez dutela inolako harremanik izan.

Herrialdeko hitzarmenaren beharrean daudenak 5.000 langile inguru dira. Sindikatuak salatu duenez, 2012ko soldata taula eta lan baldintzekin jarraitzen dute, eta kasu batzutan lan baldintza okerragoak dituzte. Leire Ormazabalen hitzetan, gainera, hitzarmenik ezak eragin zuzena du egoiliarrek jasotzen duten zerbitzuaren kalitatean ere.

LABeko ordezkariak zehazu du sindikatuak egin dituela ahaleginak negoziazioa berreskuratzeko, baina ez dutela erantzunik jaso. Gipuzkoako zahar egoitza eta eguneko zentroetako zerbitzua izanik, egoeraren erantzule nagusia aldundia da Ormazabalen ustez, baina sektoreko patronalak ere utzikeriaz jokatzen ari dira. Hargatik, mobilizazio kanpainari ekin diote aldundi aurreko elkarretaratzearekin eta eskualdeetara hedatuko dute dinamika datozen hilabeteetan.