Skip to main content

Azken bideoak: Musika

bideoaren irudia
“Emarock”: Euskal Herriko emakume musikariak oholtza gainean

2015-01-23

Euskal Herrian emakumeek soilik osatutako zenbat musika talde ezagutzen dituzue? Zenbat emakume bakarlari edo musikari ezagutzen dituzue? Zergatik musika eskolak neskez gainezka badaude gero oholtza gainean ikusten ditugun emakumeak horren gutxi dira? Galdera hauetan oinarrituta eta helburu argi batekin sortu zan Emarock proiektua; Euskal Herrian musikan aritzen diren emakumeei protagonismoa eta espazioa ematea. Guarko dokuteka saioan Emarock proiektua apur bat hobeto ezagutzeko aukera izango dugu.

Dokumentala: http://youtu.be/EqlwsujtFiU

bideoaren irudia
Gontzal Mendibilekin "Nire bihotzak zure begiak ditu" lanaren inguruan aritu gara

2015-01-15

Gontzal Mendibil bizkaitar kantariak 11 kantu berriz osatutako diskoa kaleratu du. Kantariak berak esan duenez inoizko gustokoen egin duen lana du oraingo hau. Musika eta hitzen aldetik unean uneari egokitua. Bereak dira 8 kanturen hitzak. "Nire bihotzak zure begiak ditu" da lan pertsonal honen izena.

bideoaren irudia
Kepa Junkera eta Sorginak, trikitixaren historia txiki bat

2015-01-08

2014. urteko azken egunetan aurkeztu zuen Kepa Junkerak bere azken disko-liburua Sorginak taldearekin batera. "Trikitixaren historio txikia" da lan honen izena eta bertan trikitilariak musikaren munduan daramatzan 35 urteak bildu nahi izan ditu lan aberasgarri eta oso bat eskainiz. Diskoan hamazazpi kanta aurki ditzakegu, tradizionalak batzuk eta Kepak sortutakoak besteak. Liburuan berriz, Igortz Ziarretaren argazkiak, Joxean Agirreren testuak, artxiboko irudiak eta testigantzak tartekatzen dira.

bideoaren irudia
Larregi taldeak irabazi du Banden Lehia lehiaketa

2014-12-04

Larregi taldeak irabazi du aurtengo Banden Lehia lehiaketa. Azkue Fundazioak antolatuta, euskara bultzatzea helburu duen lehiaketa honek, euskal musika taldeei bultzada ematen die, topaleku ere badela azpimarratu baitute finalista guztiek. Hamaika Telebista eurekin izan da.

bideoaren irudia
"Adarraren Ahotsa": Adarrots taldearen 10 urteko ibilbidea

2014-11-28

10 urteko ibilbidean mila aldiz jausi eta beste horrenbeste aldiz altzatu direla esan dute Adarrots taldeko kideek. Eta hori da hain zuzen ere, 10 urte, Adarrots taldea eszenatoki gainean daraman denbora. Ibilbide hori ospatzeko DVD eta Diskoa atera dute, Adarraren hotsa du izena lan berriak. Kanta berriekin batera DVDan mila historio, abentura, desbentura, negar, irrifarre, momentu on, oso on, txar, oso txar, desesperanteak, hunkigarriak batu dituzte. Gaurko dokuteka saioan Adarrots taldearen ibilbidea batzen duen lana ikusteko aukera izango dugu.

bideoaren irudia
22m2, Naroa Gaintzaren proiektu berria

2014-11-27

Naroa Gaintza musikariak 22M2 (HobeitaBiMetroKoadro) proiektua arkeztu du, David Nanclaresekin batera. Guztira, 11 kantu, 11 lagun, 11 doinu, 11 erritmo, 11 istorio eta milaka sentsazio biltzen dituen diskoa deskubrituko du entzuleak, horrela azaldu du Naroak. "Karratua" lan zintzoa dela ere esan du, erraietatik idatzia, gutako bakoitzaren bihotzerantz zuzenduta.


 

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ