Hamaika Telebistak hitzarmena sinatu du AEK eta Korrikarekin. Martxoaren 19an Urepelen hasi eta 29an Bilbon bukatuko den euskararen aldeko lasterketaren jarraipen berezia egingo dugu Hamaikan. Herriz herriko bideo zein erreportajeak eskaini eta sareratzearekin batera, gauero saio berezia egingo dugu. Mertxe Mugika, Asier Amondo eta Iñaki Uriak eskaini dizkigute hitzarmenaren xehetasunak.

Gurean Gaur elkarrizketa saioan, Patxi Baztarrika Eusko Jaurlaritzako Hizkuntza Politikarako sailburuordea izan dugu. Besteak beste, euskarazko komunikabideei emandako diru-laguntzez eta kontsumitzaile zein erabiltzaileen hizkuntza eskubideei buruzko dekretuaren betetze mailaz aritu gara berarekin.

Gurean Gaur elkarrizketa saioan Asier Amondo Korrikako arduradun berria izan dugu. Korrikaren 19. ekitaldiaz eta berriki aurkeztu duten Korrika Kulturalaz hitz egin dugu berarekin.

Euskararen Nazioarteko Egunean, Mintzodromo jendetsua antolatu du Sareuska sareak Irunen. Bortzirietako, Hego Lapurdiko eta Bidasoa Txingudiko euskara ikasleei euskara modu atseginean praktikatzeko aukera ematea zen ekimenaren helburua. Ikasle, irakasle eta bolondresek hartu dute parte, eta zinez arrakastatsua izan da Mintzodromoa.

Korrika 19k, Durangoko Azoka omenduko du. Alde bietatik azaldu digute, borondatea eta auzolana dagoela, bietan, oinarrian.

Datozen lau urteetarako Euskararen Plan Orokorra partaidetza prozesu baten bidez osatuko du Donostiako Udalak. Hiru saio egingo dituzte ekarpenak egin eta denen artean erabakiak hartzeko. Lehenengo saioan Nerea Txapartegi udaleko euskara arduradunarekin izan gara.