Skip to main content

Azken bideoak: Zinema

bideoaren irudia
Dokuteka | “81 Amama”: amama-biloba harremana

2014-09-12

Oteizak esaten zuen cromlech neolitikotik berak “Quosque tandem” liburua idatzi zuen arte, amona-biloben arteko 80 belaunaldi pasatu zirela. Oteizarentzat amonak «memoria unitate tradizionalak» ziren, subjektu aktiboak transmisio lanean eta identitate berezituaren jabe. Hortik tiraka zenbait galdera sortu zitzaizkion Izaro Gonzalez Ieregiri eta hauek guztiek “81 Amama” dokumentala zuzentzera bultzatu zuten.

bideoaren irudia
Euskal zinemaren loraldi berri baten aurrean gaude?

2014-09-11

Horrela al da? Euskal Herriko zein euskarazko zinemaren ekoizpena ez da ikaragarria izan azken urteetan. Baina film berriak egin eta aurkeztu dira. Horietako askok kritika ona jaso dute. "Loreak" eta "Lasa eta Zabala" izango dira estreinatzen hurrengoak. Loraldia bizi du?

bideoaren irudia
Ertzak | Euskal zinema eta lau ikuspuntu

2014-09-11

Lehen atalean, Donostiako Zinemaldiari begira jarriko gara. Aurten, sei film luze aurkeztuko ditu Zinemira sailak. Euskarazko zinemaren historiak bide luzea egina du, baina loraldi berri baten aurrean gaudela esan daiteke? Azken urteetan urteko bi edo hiru film ekoitzi dira. Gogoan ditugu, “Bi Anai”, “80 Egun”, “Aupa Etxebeste!”, “Kutxidazu Bidea Ixabel”, “Sukalde Kontuak”, ... Edizio berrian iritsiko dira “Lasa eta Zabala” eta “Loreak” filmak. Euskal Herriko zein euskarazko zinemari argazkia ateratzeko lau aditurekin hitz egin dugu. Lau ertz. Joxe Portela Ibaia ekoizleen elkarteko lehendakaria, Maialen Beloki Zinemaldiko zuzendaritza taldeko kidea, Ines Intxausti Zinebiko idazkari nagusia eta Patxo Telleria aktorea eta zinema zuzendaria.

bideoaren irudia
Donostiako Zinemaldiak aurtengo ediziorako irudia aurkeztu du

2014-05-09

Donostiako ZInemaldiak 62. edizioa beteko du aurten, eta gaur aurkeztu dute irudi berria. Zuzendari Berriak, Horizontes Latinos, Perlak, Zabaltegi, Culinary Zinema eta Sail Ofizialerako aukeratutako kartelak aurkeztu dituzte. Aurtengo Zinemaldiaren irudia Savage Cinema eta atzera begirakoekin osatzen da. Irailaren 19tik 27ra bitarte ospatuko da Zinemaldia Donostian.

bideoaren irudia
Badator Fant Zinemaldi Fantastikoaren hogeigarren edizioa

2014-05-08

Bihar hasiko da Fant Bilboko zinemaldi Fantastikoaren  hogeigarren edizioa. Zortzi eguneko programazioaz osatutako zinemaldia izango da, maiatzaren 9 eta 16 bitartean. Justo Ezenarro, Fant-eko zuzendariak adierazi duenez, film laburrek berebiziko garrantzia izango dute aurten. Hamaika izango dira Euskal Herrian ekoiztuak.

bideoaren irudia
"Lasa eta Zabala" filmaren errodatzea aurrera doa

2014-02-05

Urtarrilaren 27an Baionan ekin zioten "Lasa eta Zabala" filma grabatzeari. 1983ko gertaerak eta ostean jazotakoak birsortuko ditu Pablo Malo zuzendariak film honetan. Atzo eta gaur Ertzaintzarekin izandako istiluak eta hilkutxak hobi komunetan sartu zituztenekoa ari dira grabatzen Tolosako hilerrian. Joxe Portela ekoizleak azaldu du, finantziaketari dagokionez, hainbat arazo izan dituztela Espainian dirua biltzeko. Aurreratutakoaren arabera, Donostiako Zinemaldian estreinatuko da.

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ