Skip to main content

Azken bideoak: Saioak

bideoaren irudia
Kataluniako salbuespenezko egoera politikoak ezaugarritu du aurtengo Sant Jordi eguna

2018-04-23

Izatez, liburuen eta larrosen Sant Jordi eguna izaten dena, 155. artikuluaren ezarpenak baldintzatu du Katalunian. Bartzelonako kaleak horren erakusle: larrosa hori-gorriak saldu baitituzte postu bat baino gehiagotan. Salbuespenezko egoera hori medio, lehen aldiz, Generalitatean ez dute urteroko ekitaldi instituzionalik egin. Hori bai, Carles Puigdemont Kataluniako Generalitateko presidente kargugabetuak eguna baliatu du Berlindik katalanei mezua bidaltzeko.

bideoaren irudia
Kanbo izango da Aieteko Adierazpenaren eta Baionako armagabetzearen hurrengo mugarria

2018-04-23

ETA erakundearen desmobilizazioaz xehetasunak emateko Bake Bideak, Foro Sozial Iraunkorrak eta Nazioarteko Harremanetarako Taldeak Baionan egin duten agerraldian,gogora ekarri dute 2011n, Aieten, "Europako azken gatazka armatuaren inguruko bake justu eta iraunkorra erdiestea" posible dela "sinetsita" zeudela. Hango bide orriari jarraiki iritsi dira maiatzaren 4ko topaketetara. Eta tartean, beste data bat jarri dute gako gisa: iazko apirila, hau da, ETAren armagabetzea.

Baionako agerraldian Ipar Euskal Herriko ordezkari ugari egon dira. Hain zuzen, Anaiz Funosasek jakinarazi du Kanboko konferentziak ere babes talde bat izango duela eta talde horretan izango direla Jean Rene Etxegarai Euskal Elkargoko lehendakaria eta Baionako auzapeza, Kotte Ezenarro Hendaiako auzapeza, Alain Iriart Hiriburuko auzapeza, Max Brisson senatari errepublikarra, Frederique Espagnac PSko senataria, eta Florence Lasserre-David naiz Vincent Bru Moderneko diputatuak.. Euskal Herriko alderdi, eragile eta gizarte zibila gonbidatu dute Kanbon egotera.

bideoaren irudia
EGUNEKOA: apirilaren 23ko albiste nagusiak

2018-04-23

Bake Bideak, Foro Sozial Iraunkorrak eta Harremanetarako Nazioarteko Taldeak, ETAren amaieraz xehetasunak emateko, Baionan egin duten agerraldia izan da gaurko arreta puntuetako bat. Horrez gain, asteburuan preso politikoen eskubideen alde egindako ekitaldiek hartu dute garrantzia, politika arloan. Larragan frankismo garaian eraildakoei egindako omenaldiari ere erreparatu diogu.

bideoaren irudia
Maiatzaren 4an Nazioarteko Bake Konferentzia egingo dute Kanbon

2018-04-23

Nazioarteko Harreman Lantaldeak, Foro Sozial Iraunkorrak eta Bake Bidean-ek agerraldia egin dute Baionan. Bertan, maiatzaren 4an Kanbon egin beharreko Nazioarteko Bake Konferentzia aurkeztu dute. 2011an Aieten izandakoaren segidatzat jo dute ETAren desmobilizazioaren atarian.

bideoaren irudia
Frankismoak hildako 47 lagunak eta herriko emakumeak omendu dituzte Larragan

2018-04-23

Erreparazioa oinarri zuen ekitaldi hunkigarria egin dute Larragan. Bertan, 200 bat bizilagun bildu ziren Gerra ostean Frankismoak hildako 47 pertsonak oroitzeko. Horrekin batera, errepresioaren ondorioz jazartuak eta ahanzturan geratu ziren emakumeak omendu dituzte baita. Ekitaldian, Gorka Urbizuk eta Fermin Balentziak Maravillas Lamberto oroitzeko egindako abestiak jo zituzten.