Skip to main content

Azken bideoak: Saioak

bideoa prestatzen
Elkarretaratzeei berrekinen diete Nafarroako pentsiodunek 1.080 euroko gutxiengo pentsioak aldarrikatzeko

2018-09-13
Nafarroako pentsiodunek, pentsio duinen aldarrikapenekin jarraituz, irailaren 17an berrekinen diete Iruñeko udaletxe aurreko bilkurei. Izan ere, Sasoia eta Pentsionistak Martxan plataformek adierazi dutenez, azkenaldian ez da pentsiodunen egoera konponduko duen neurri bakar bat ere bideratu. Egiten duten aldarrikapen nagusia gutxiengo bizitza-baldintzak bermatuko dituen 1.080 euroko gutxiengo pentsioa da. Urriaren batean, Iruñean, horren alde mobilizatzera deitu dituzte herritarrak.
bideoa prestatzen
Masters Codere finaleko jaialdiak estreinatuko du Nafarroa Arena

2018-09-13

Gizonezkoen esku pilotako lau eta erdiko txapelketa hasterako, besteak beste, zaleek Codere Masters lehiaz gozatzeko aukera izango dute. Asteazkenean aurkeztu dute Iruñeko Nafarroa Arena pilotaleku berrian, bertan jokatuko baitute finala irailaren 29an, eta hori izango da frontoia estreinatuko duen partida.

2009an hasi zituzten eraikitzeko lanak, eta zazpi urtez itxita egon eta gero egingo dute lehen finala. Jaialdia 17:45ean hasiko da eta finalaren aurreko partidan Retegi Bi eta Ruiz Peñaren eta Mariezkurrena II.aren kontra arituko dira. Jaialdiko sarrerak orain urtebete jarri zituzten salgai, eta 200 baino gutxiago geratzen dira.

Codere Masterseko finalerdiak irailaren 26an eta 27an jokatuko dituzte, Iruñeko Labrit pilotalekuan. Lau bikotek parte hartuko dute torneoan. Eskuzko Pilota Enpresen Ligako sailkapenean lehen postuetan dauden hiru atzelariek eta aurrelariek osatuko dituzte lehen hiru bikoteak. Azken bikotea osatuko duten bi pilotariak, berriz, liga horretako Kirol Batzordeak erabakiko ditu, gonbidapen bidez.

Sanmateoetako torneoa izango da Eskuzko Pilota Enpresen Ligako sailkapenean puntuak emango dituen azkena. Edonola ere, Jokin Altunak, Beñat Rezustak eta Jose Javier Zabaletak aurrez daukate ziurtatua Iruñean jokatzeko aukera. Altuna III.a da sailkapeneko buru eta Rezustarekin, lehen atzelariarekin, osatuko du bikotea.

Zabaletak itxaron egin beharko du bikotea zeinekin osatuko duen jakiteko. Aimar Olaizola da aukera gehien duen aurrelaria, baina Joseba Ezkurdia eta Danel Elezkano ere aukerekin daude. Atzelarien artean, Jon Ander Albisu, Julen Martija eta Ander Imaz dira torneoa jokatzeko faborito nagusiak. Edonola ere, esan bezala, Sanmateoetako ferian erabakiko da nork izango duen torneoa jokatzeko aukera.

bideoa prestatzen
Gorka Morenori elkarrizketa migrazioaz eta Kataluniari buruzko analisia Saioa Baleztenarekin

2018-09-12
Denboraldiko lehen saioan, Ikuspegi Inmigrazioaren Euskal Behatokiko zuzendari Gorka Morenorekin solastu gara, eta Diadaren biharamunean, Kataluniako egoera aztertu dugu Saioa Baleztenarekin.
bideoa prestatzen
Getxo Folken 34. edizioa irailaren 13tik 16ra bitartean luzatuko da

2018-09-13
Kontzertu guztiak Areetako geltokiko plazan izango dira, baina Ibaiondo kalean eta Erromoko Santa Eugenia plazan ere bestelako jarduerak izango dira, gobernuz kanpoko erakundeen salmenta postuak eta munduko terraza, hurrenez hurren.
bideoa prestatzen
Michael Woods kanadiarrak irabazi du Oiz mendiko etapa ikusgarria, milaka zaleen babesarekin eta aldarrikapenen artean; Yatesek lidertzari eutsi dio

2018-09-12
Bizkaiko etapak irudi ikusgarriak utzi dizkigu, herrialdea zeharkatu duen lasterketan, txirrindulari guztiek ahalegin handia egin dute, bereziki Oiz mendiko aldapa makurretan. Zaletuek, euren animoekin ibilbidea leundu diete eta mundu osora zabaldu dituzten aldarrikapenek ere tartea izan dute. Kirol alorrean, Michael Woods kanadiarrak irabazi du etapa, Yatesek lidertzari eusten dio eta Valverdek zein Enric Mas-ek podiumera gerturatzeko pausu handia eman dute. Euskal ziklistek aurpegia eman dute, Fraile eta Castroviejo ihesaldian sartu dira eta Euskadi-Muriaseko txirrindulariek tropeletik tiratzeko ardura hartu dute. Beñat Zarrabeitia lankidearen kronika Bizkaiko Balkoitik.
bideoa prestatzen
Biktimen eskubideak izango ditu ardatz V. Foro Sozialak

2018-09-12

Urriaren 5ean eta 6an, Bilbon eta Iruñean, hurrenez hurren, egingo dute V. Foro Soziala eta gatazkaren biktimen eskubideak izango ditu ardatz.

Foro Sozial Iraunkorreko kideek azaldu dute hausnarketa gune bat ireki nahi dutela, Euskal Herriko eta nazioarteko partaideekin, eta bertatik jasotako ondorioek bideratuko dutela Foro Sozialak aurrerantzean egingo duen lana.

Agerraldian, Aitzpea Leizaolak lagun izan du Harold Good, IRA eta ETA erakundeen armagabetzean ikuskatzaile lanetan aritutako apaiza. Besteak beste, ostegun honetan Azpeitian hitzaldi bat eskainiko duena, haren esperientziaren berri eman eta Foro Sozial Iraunkorraren lanari babesa adierazteko.