Skip to main content

ASTEKO KRONIKA: pisu turistikoen jabeen eta auzokideen kexa artean, etxebizitza turistikoen ordenantza Donostian


Donostiako Udalak pisu turistikoak erregulatuko dituen udal ordenantza onartu du, EAJ eta PSEren aldeko botoekin. Aurkakoa eman dute oposizioko alderdiek: EH Bilduk, PPk eta Irabazik. Arau berriak Donostiako eremuetan banatuko ditu alokairu turistikoak. Eneko Goia alkatearen esanetan, pisu turistikoen fenomenoari erantzun egokia emango dio, turismo iraunkor eta kalitatezkoa lortzeko bidean. Parte Zaharrean Bizi elkarteko Xabier Arberasek, eta auzokideekin adostasunak bilatu ez izana leporatu dio Donostiako Udalari.

Gai horri eta beste zenbaiti erreparatu diegu aste honetako albisteen errepasoan.


Gurean Gaur

Donostiako Udalak pisu turistikoak erregulatuko dituen ordenantza onartu du, EAJ eta PSEren aldeko botoekin. Arau berriak Donostiako eremuetan banatuko ditu alokairu turistikoak. Alde Zaharra eremu betetzat joko du. Aldiz, eskaera handiko eremu gisa izendatuko ditu Erdigunea, Gros, eta Antiguo nahiz Egia auzoko eremu batzuk. Horietan, pisu turistikoak lehen solairuetan soilik ezarri ahalko dira, eta ezingo dute 250 metro karratu baino handiagokoak izan eraikin bakoitzeko.


Gurean Gaur

Elurteak ia dena geldiarazi, ala berederen, atzeratu du gurean gaur. Onerako eta txarrerako: txanponaren bi aldeak ikusi baititugu. 65 urteko gizonezko bat hil da Galdakaon, kalean oinez zihoala, erori, eta buruaren atzeko aldearekin lurra jota. Bestalde, emakume bat hilik aurkitu dute gaur goizean Arbonan, gidatzen ari zen ibilgailuaren barruan, bihotzekoak jota. Garraioan, errepide sarean, irakaskuntza eta osasun zerbitzuan ere eragin du elurteak. Horiek eragozpenak; baina gozatu ederra ere hartu du herritar askok gaur elurrarekin.

Gurean Gaur

Mutrikuko Arrietakua jauregiak ateak zabalduko dizkie bisitariei, udatik aurrera. Jauregiko jabea den Enrike Areilza Txurruka Mutrikuko kondeak, Jose Angel Lizardi alkateak eta Denis Itxaso Gipuzkoako Kultura diputatuak sinatu dute horretarako hitzarmena. Uztaileko lehen egunean zabaldu eta abuztuaren 31n itxiko dute udako aldia. Bitarte horretan astean bi aldiz zabalduko dute aurretiaz antolatutako bisitentzat, lehenetsi dutelako ondarea zaindu eta mantentzea.


Gurean Gaur

Bea Severrekin egon gara, Chrysalis Euskal Herria erakundearen historia, egiten duten lanaz, gazte eta umeek trantsizioa egiteko izaten duten oztopoaz eta Ekairen kasuaz hitzegiteko

 
    Gurean Gaur
    Astelehenetik Ostegunera, 21:00
    Gaurkotasun elkarrizketa.
    Ekhiñe Atorrasagasti
bannerra

bannerra