Skip to main content

EGUNEKOA: apirilaren 16ko albiste nagusien laburpena


Politika albisteei dagokienez, Mikel Antza presoak Reauko espetxean jasan duen jipoiari eta euskal preso politiko ohiek apirilaren 21erako egindako Bilboko manifestazio deialdiari erreparatu diegu. Gizarte arloan, EAEko erakunde publikoek etxegabeen egoera konpontzen laguntzeko hartutako konpromisoan jarri dugu arreta, besteak beste.


Gurean Gaur

Legedi arruntaren bidea juridikoki eta politikoki egiteko konpromisoa hartu zuen EPPK-k eta dagoeneko espetxeetan txertatzen ari da. Estatu espainiarrean eraginkorra izan dadin, aldiz, «ezinbestekoa» izango da lehen graduari bukaera ematea. Hori da «lehenengo traba», eta hala eskatu dute Donostian 250 preso ohi eta iheslari inguruk, larunbateko "Bada garaia. Presoak kalera" manifestazioaren atarian.


Gurean Gaur

Dozenaka lagunek izenpetu dute Demokrazia bai manifestua, eta aurkezpenean izan dira, besteak beste, Carlos Garaikoetxea eta Juan Jose Ibarretxe Jaurlaritzako lehendakari ohiak. Baita hainbat sailburu ohi, kazetari eta irakasle ere. Oso kezkagarritzat jo dute Espainiako atzerakada prozesuak eta joera inboluzionistak Europaren aldetik duten babesa. Uste dute garaia dela oinarrizko kontzeptuak berreskuratzeko.

Gurean Gaur

Bihar izanen da Altsasuko Gurasoak eta Altsasukoak Aske plataformek deitutako manifestazioa Iruñean. “Ez da terrorismoa. Justizia” lelopean, Iruñeko kaleak jende kopuru handiak hartzea aurreikusten dute.  Golem zinemetatik abiatuko da arratsaldeko 5 t’erdietan eta Gaztelu Plazan amaitu. Gazteen epaiketaren aurreko azkeneko mobilizazioa izanen da; epaiketa astelehenean hasiko baita Madrilgo Auzitegi Nazionalean. Altsasukoak Aske plataformako Aritz Leozek prozesu osoan zehar eman diren eskubide urraketak salatu ditu. 


Gurean Gaur

Bizkaiko Txakolinaren 2017ko uzta aurkeztu dute San Mamesen. Orotara, markaren zigilupean diharduten 39 ekoizle bildu dira bertan eta denek produktuaren “kalitatea” azpimarratu dute. Horrekin batera, esportazioen igoera nabarmentzearekin batera, Bizkaiko Txakolinaren hedapena sustatzen jarraituko dutela azpimarratu dute.

 
    Gurean Gaur
    Astelehenetik Ostegunera, 21:00
    Gaurkotasun elkarrizketa.
    Ekhiñe Atorrasagasti
bannerra

bannerra