Skip to main content

Sindikatuek Itunpeko Hezkuntzan deitutako grebei jarraikortasuna emango diete


Itunpeko Hezkuntzak ekainean deitutako grebei eutsiko dietela iragarri dute. Kritsau Eskola eta IZEA-ren immobilismoa salatu dute ELA, LAB, Steilas, CCOO eta UGT sindikatuek eta, beraz, mobilizazio eta grebekin aurrera jarraitzeko beharrean daudela adierazi dute. Urriaren 9 eta 10an eta azaroaren 27, 28, 29 eta 30an greba egiteko deia luzatu dute sindikatuek emandako agerraldi bateratuan. 10.000 langile eta 100.000 ikasle baino gehiagori eragingo diete greba egunek.

Gurean Gaur

Jon Zarate errektore ordeak aurkeztutako ekitaldian, Nekane Balluerka errektoreak EHUk euskararekiko duen konpromisoa nabarmendu du, esanez graduen ia %100 euskaraz ikasteko aukera dagoela. Bingen Zupiria Eusko Jaurlaritzako Kultura eta Hizkuntza Sailburuak Unibertsitatearen papera nabarmendu du eta euskalduntze prozesuan giltzarritzat jo du entitate hori.


Herri mugimendua

Euskal Herri osoko herritar eta herri mugimenduei dei egin diete Zubietara gerturatu eta asteburu zoragarri bat pasatzeko. Egitarau oparoa prestatu dute hiru egunetarako, zortzi saiotan banatuta. Batzuk nabarmentze aldera, larunbat goizean, mugimenduen eta instituzioen arteko harremanei erreparatuko diete, baita herri mugimenduen barruko eraso matxistei ere.

Horrez gain, egunerokoan bizitzan burujabetza garatzeko alternatibak, herri mugimenduen borroka moldeak, Kataluniako prozesu independentista eta militantzia ereduak ere izango dituzte hizpide. Larunbat iluntzean eta igande eguerdian antolatutako saioetan, berriz, konspiraziotik antolaketara jo nahi dute.

Bereziki nabarmendu dute adin guztietako jendearentzako eremu erosoa eskaini nahi dutela, eta balio jakinak dituen asteburua izango dela. Hausnarketa eta eztabaidetatik harago, aisialdirako tartea ere eskainiko dute eta antolatu dituzte ekintza praktikoak ere.

Musika Zuzenean

Aste honetako saioa edukiz beterik dator. Lehen erreportajea osatzeko The Riff Truckers taldearekin egin dugu hitzordua. Hitz Bitan atalean Xabi Strubell ezagutuko dugu, urteak atzera DUT taldeko kide izandakoa, eta egun, Zura egitasmoko gidari. Bigarren erreportajea osatzeko, berriz, Bermeon izan gara Belaza Malandra Ateneo kulturala ezagutzeko. Honekin guztiarekin batera, musika albisteak.


Gurean Gaur

Estatuaren izaera plurinazionala onartu, eta Gernikako Estatutua betetzeko eskatu dio IƱigo Urkullu Eusko Jaurlaritzako lehendakariak Pedro Sanchez Espainiako Gobernuko presidenteari.

Autogobernu lantaldean adostutakoa zabaltzearen alde dago Jaurlaritzako lehendakaria, baina aurrena, onartuta dagoena bete behar dela nabarmendu du.

Akordioa nahi du Urkulluk, eta autogobernurako eskumen gehiago izatea. Espainiarekin errespetuzko aldebiko harremana izateko, berriz, "ahalik eta esparru zabalenera eramango dituen bidea" topatzeko ahalegina egin die legebiltzarreko gainerako taldeei.

Goizean, Eusko Legebiltzarrean egindako politika orokorreko saioan egin ditu hitz horiek Urkulluk. Arratsaldeko saioan, hari erantzuteko aukera baliatu dute alderdiek, eta autogobernuarena izan da, nola ez, ardatzetako bat.

PPko bozeramailea Alfonso Alonsok, esaterako, mehatxuka ari ote den galdetu dio lehendakariari. PSEren izenean, Idoia Mendiak autogobernuaren inguruan akordio zabalagoak bilatzera jotzea beharrezkoa dela esan du. Maddalen Iriarte EH Bilduko bozeramaileak, berriz, herri akordioetarako prest daudela baieztatu du, baina baita EAErako estatus berriaz jeltzalek eta koalizio abertzaleak adostutakoa herritarrentzat ona dela ere.

 
bannerra

bannerra