Skip to main content
bannerra

Amaitu da Europako hauteskunde kanpaina


Igandean izango dira hauteskundeak. Maiz izan dira agerraldiak egiten alderdietako kideak, baina datuek diote maiztasun hori ez dela herritarrengan nabaritzen. Abstentziaok gora egingo duela dirudi.


Albisteak

Langabeziaren aurkako borrokan Bizkaiko Langabeen Plataformak kalera atera dira gaur goizean. Europako parlamenturako hauteskundeekin batera mobilizazio kanpaina jarri dute abian pobrezia eta langabeziaren kontra. Egoerari aurre egiteko zeinbat neurri zehatz eskatu dituzte. Besteak beste, Bizkaiko biztanleen  %8 muturreko pobrezian bizi direla salatu dute.


Elkarrizketak

Europako hauteskundeen harira Gurean Gaur saioko elkarrizketen atalean EAJ izan dugu protagonista. Luke Uribe-Etxebarria jeltzalea izan dugu gurekin; EAJk sortu nahi duen Europa berriaz hizketan.

Kultura

Lehen atalean, ondokoak nabarmendu ditugu: Memorian galdutako oroitzapenak gogoratu nahi dituzue, Durangoko Plateruena Kafe Antzokian gauzatuko den Greatest Hits gauera joan behar duzue. Ondoren zinema estreinaldiei begira jarri gara. Asteburuko proposamenei dagokienez hauxe gure eskaintza; Olatu talkak 250 ekimen ekarriko ditu Donostiara, Bilbon Ertibil erakusketa izango duzue eta Rekalde aretoan Eskaparateatro ekimena ikusteko aukera, Beasaingo zine klubaren programazioa ere errepasatuko dugu eta gaurko saioa Benito Lertxundi zoriontzen bukatuko dugu


Euskal Egitura

Atal berri honetan, Euskal Herriko etxebizitzen lizitazioaz aritu gara albistegian, besteak beste. Datuak aztertu eta Gaindegiak egindako ikerketek diotena ezagutu dugu. Bestalde, elkarrizketaren txokoan, Baleren Bakaikoa GEZKI gizarte ekonomia behategiko zuzendaria izan dugu. Gaur egun bizi dugun krisia dela medio, gizarte ekonomiaz hitz egin dugu berarekin.

 
bannerra

bannerra