Skip to main content
bannerra

Bideoteka

Bideotekan bilatu
bideoa prestatzen
Abian da Urretxu-Zumarragako ikastola diruz laguntzeko kanpaina

2018-10-08
Euriagatik igandeko Kilometroak jaira bertaratu ez zirenek diru ekarpena egin diezaiokete Urretxu eta Zumarragako ikastolari. Zarauzko Salbatore Mitxelenak hartu du jaiaren lekukoa eta 2019koa izango da molde horretako azken festa.
bideoa prestatzen
Deustuko kanala ireki eta irla bihurtu da Deustuko Erriberako penintsula

2018-10-08
Zorrotzaurre irla bihurtzeko pausoa eman dute Deustuko kanala itxita mantentzen zuten azken 14000 metro kubiko lur kentzeari ekin baitiote. Juan Mari Aburto Bilboko alkateak auzoa eraberritzeko bidean mugarri dela adierazi du eta aukerez jositako gunea bilakatuko dela ziurtatu. Erribera Bizirik plataforma ekitaldian egon da ere proiektuaren aurka protesta egin eta gogorarazteko hori ez dela Zorrotzaurreko, Erribera baizik.
bideoa prestatzen
Juan Kruz Lakasta: “Gizartean aldaketa bat eman delako seinale da intsumisioaren aitortza”

2018-10-05
Larunbatean inauguratuko dute Iruñeko Intsumisioaren parkea, ostegunean udaleko osoko bilkuran intsumisio mugimendua aitortzen duen adierazpena onartu ondoren. Udal Gobernua sostengatzen duen laukoak babestutako ekimenak aurkakotasun urria izan zuen. Hala azaldu du Juan Kruz Lakasta kazetari eta intsumiso izandakoak. Udalak egindako aitortzarekin ziklo bat ixten dela deritzo Lakastak. Erakundeetan ez ezik gizartean ere aldaketa bat ematen ari delako seinale dela uste du.
bideoa prestatzen
Indarkeria sexista ikertu eta saihesteko nazioarteko biltzarra antolatu du Iruñeko Udalak

2018-10-08
Iruñeko Udalak antolatu du indarkeria sexistak ikertu, aurreikusi eta ezabatzeko helburua duen nazioarteko biltzarra. Indarkeria matxistak saihesterako orduan oztopo egiten duten ahulezia eta gabeziak identifikatzen saiatuko dira mahai inguru eta hausnarketa guneen bidez. Urriaren 18tik 20ra burutuko da eta hiru ardatzetan egiturako da; zuzenbidea, komunikabideak eta ikerketa edota aktibismo feminista.
bideoa prestatzen
‘Sufrimenduaren kartografia integrala’ txostena aurkeztu du V. Foro Sozialak

2018-10-05
‘Egia jakiteko eskubidea: biktima ororen aitortza eta erreparaziorako mekanismoak’ lelopean V. Foro Soziala burutu zen asteburuan. Iruñean izan zen lehenengo saioa, ostiralean, eta egiaren ikuspegi ezberdinen inguruan aritu ziren bertan parte hartutako adituak. Bigarren jardunaldian, Bilbon, ‘Sufrimenduaren kartografia integrala’ izeneko txostena aurkeztu zuten, euskal gaztakako biktima guztien sufrimendua aitortzeko helburua duena.
bideoa prestatzen
Generalitatearen "egonkortasuna" bermatu dute JxC eta ERCk

2018-10-05
Diputatu kargugabetuen boto delegazioaren tramitazioak kolokan jarri du JxCren eta ERCren arteko gobernu akordioa. Ezohiko bilera baten ondoren ados jarri dira, eta "egonkortasuna" bermatu dute. Espainiako Auzitegi Goreneko ebazpenak heldu arte, "gutxienez", Kataluniako Generalitateak batasunari eutsiko diola esan dute Quim Torra presidenteak eta Pere Aragones presidenteordeak. Ebazpenak legealdiko mugarritzat jo dituzte, baina bitartean, beren arteko koordinazioa hobetuko dela esan dute.