Skip to main content
bannerra

Bideoteka

Bideotekan bilatu
bideoa prestatzen
Zeri kantatzen diogu euskaldunok?

2018-10-09
Hitzen ahairea izenburu du Gotzon Barandiaranen azken lana eta galdera bat dakar: Zeri kantatzen diogu euskaldunak? Hortik abiatuta, euskal kantagintzaren inguruko hausnarketa plazaratu du idazleak. Hain zuzen ere, idazleen testuetatik abiatutako kantak izan ditu aztergai obran.
bideoa prestatzen
Emakundek antolatutako Berdintasunerako Guneak 15. urte betetzen ditu

2018-10-09
Emakundek antolatutako Berdintasunerako Guneak 15. urte betetzen ditu aurten. Gune honek, 86 entitate ezberdinek antolatutako 146 jarduera eskeiniko ditu, Urriaren 2tik abenduaren 15era arte. Aurten ere, aurreko urteetako esperientzia ikusita, gune ibiltari bat erabiliko da mezuak hainbat lekutara helarazteko. Gune ibiltariak ekintza desberdinak jasoko ditu ere, eta ekintzarik programatuta ez dauden orduetan eskoletako taldeekin eta bestelako taldeekin sentsibilizazio ikasgelak egingo dira; une oro berdintasunean adituak diren bi teknikari egongo dira gune ibiltarian.
bideoa prestatzen
‘Behingoz’ euskara Nafarroa osoan ofiziala izatea eskatuko du urriaren 27ko mobilizazioak

2018-10-09
Urriaren 27an Iruñean mobilizatzera deitu du Kontseiluak euskara Nafarroa osoan behingoz ofiziala izan dadin eskatzeko. Justizia, berdintasuna eta kohesioa irudikatuko dituzten hiru zutabe abiatuko dira Gaztelu plazatik, Media Luna parketik eta Iturrama auzotik eta bat egingo dute Bakearen plazan.
bideoa prestatzen
"Mandatuaren zatirik handiena" bukatutzat jo eta balantzea aurkeztuko du HNTk Euskal Herrian

2018-10-09

HNT Harremanetarako Nazioarteko Taldeak ibilbidea bukatzea erabaki du, eta datorren astean, asteartetik ostegunera bitartean, Euskal Herrian izango dira bertako hiru ordezkari: Brian Currin, Alberto Spektorowski eta Raymond Kendall, hain justu. Bisita horretan, euskal gizarteari, instituzioei eta ordezkari politikoei taldearen jardueraren azken balantzea azalduko diete. Taldeak ohar bidez jakinarazi du ibilbidearen amaiera eta zehaztu duenez, bere mandatuaren parterik handiena osatu da.

2011ko otsailaean sortu zuten Harremanetarako Nazioarteko Taldea, Euskal Herriko nomalizazio politikoa lortzeko, euskal eragile politikoen harremanak erraztu eta ahalbidetzeko hleburuarekin. ETA artean jarduera armatuaren bukaera iragarri gabe zegoen orduan, nahiz eta hilabete lehenago su-etena emanda zegoen. Zazpi urteotan, euskal gizarteari laguntza eskaini diotela adierazi dute, bakerako eta gatazkaren konponbiderako bidea egin dezan.

Askotan bisitatu dute Euskal Herria Harremanetarako Nazioarteko Taldeko ordezkariek, eta beren hitzetan, elkarrizketa eta bilkura diskretuetan parte hartu dute euskal eragile politikoekin. Horrez gain, ikusi ahal izan ditugu 2011ko urriaren 17ko Aieteko konferentzian edota aurtengo maiatzen 4ko Arnagakoan ere.

Ram Manikkalingam buru duen Nazioarteko Egiaztatzaileen Batzordeak iazko uztailean jo zuen bere ibilbidea bukatutzat, ETA armagabetu ondoren. Hura ere 2011n sortu zuten, irailean, zehazki. Guztien lanaren bidez irudikatu bake prozesuari nazioarteko ordezkariek emandako babesa. Harremanetarako Nazioarteko Taldearen funtzioa arlo politikora mugatu den bitartean, Nazioarteko Egiaztatzaileen Batzordeak armagabetzerako bidea leundu du. Bide beretik, 2005etik euskal auzian lanean ari zen Henri Dunant zentroak ere aurten bukatu du egitekoa, ETA erakundeak maiatzean desegin zela jakinarazi ostean.

bideoa prestatzen
Gobernuaren politikak "zuzendu" nahi ditu EH Bilduk, eta "erradikaldi sozialak" izan daitezela Elkarrekin Podemosek

2018-10-08
EAJ eta PSEren gobernuak ez du PPren babesik izango, eta beraz, EH Bildu edo Elkarrekin Podemosen aldeko boto bat edo abstentzio bat beharko du aurrekontu berriak onartu eta aurtengoak luzatzera jo behar ez izateko.
bideoa prestatzen
EGUNEKOA: politika eta gizarte albiste nagusien bilduma

2018-10-08
EH Bilduk eta Elkarrekin Podemosek EAEko aurrekontuak babesteko jeltzaleei jarritako baldintzei, Europako Giza Eskubideen Auzitegiak euskal presoen zigor urteen kontaketaz jakinaraziko duen epaiari eta V. Foro Sozialari erreparatu diegu arlo politikoan. Gizarte gaietan, berriz, indarkeria matxistaren ingurukoak eta Zorrotzaurreko kanalaren irekiera aipatu ditugu.