Skip to main content

Bideoteka

Bideotekan bilatu
bideoaren irudia
Onespen argirik gabeko sexu jarduna delitu izatea nahi du Madrilek

2018-07-11

Carmen Calvok aurreratu du moldaketa Suediako Parlamentuak maiatzean egin zuenaren antzekoa izango dela. Bertako legediak bortxaketatzat jotzen du emakumeen berariazko onarpenik ez duen edozein sexu jarduera. Alemanian ere egoera bera dute, 2017ko uztailean onartu baitzuten antzeko lege bat. 

2016ko sanferminetako talde bortxaketaren harira izandako polemikari heldu dio hala Espainiako Gobernuak: erasotzat ez, abusutzat hartu zuen Nafarroako Lurralde Auzitegiak. Berdintasun ministroak adierazi duenez, moldaketaren helburua da horrelakoak saihestea. 

Emakumearen autonomía, askatasuna eta haren sexualitatearekiko errespetua bermatzeko, Zigor Kodeko aldaketa proposatzeaz gain, Madril «hausnartzen» ari da epaiketetan sexu erasoen biktima diren emakumeen «defentsa nola hobetu». Oraingoz, Zigor Kodea eta Prozedura Kriminalaren Legea moldatu nahi dute, lelo feminista bat bere eginez. 

Horrez gain, Berdintasun ministroak «emakumeen segurtasuna eta askatasuna» izango ditu helburutzat. Zenbait neurri aurreikusi ditu horretarako. Jada lantzen ari dira sexu esplotaziorako emakume eta haurren salerosketaren aurkako legea. Kiroletan emakumeei ikusgarritasuna emateko neurriak ere hartuko dituzte. Kulturan eta komunikazio arloan ere eragin nahi dute: ekintza positiboko politikak abiatuko dituzte, andreen lana «orekatzeko».

bideoaren irudia
Gaviriaren bigarrena, Van Avermaet-ek lidertzan jarraitzen du eta Zakarinek denbora galdu du

2018-07-11

Frantziako Tourreko laugarren etapan, Fernando Gaviriak garaipena lortu zuen sprint-ean. Aurtengo edizioan, kolonbiarrak lortzen duen bigarrena. Greg Van Avermaet-ek lehen postuan jarraitzen du eta azken kilometroetan izandako eroriko batek Zakarin atzean utzi du. Bere egunerokoan, Egoitz Lizasok Wanty taldearen lana azpimarratu du. Analisia, Tropela Elkartearen bidez.

bideoaren irudia
Uztailak 10

2018-07-10

Emakumearen presentzia sanferminetan handitu da urteetan zehar; hala ere, askatasuna eta errespetua ez da osoa oraindik ere. Iruñerriko Mugimendu Feministak lan handia egiten du sexu erasoen aurkako borrokan eta, azken urteotan, Iruñeko Udalak kanpaina indartsua jarri du abian. Horren guztiaren inguruan herritarrek duten iritzia ezagutu nahi izan dugu.

Bestalde, sanferminen bosgarren egun honetan beste kontu batzuk ere gerturatuko dizkizuegu. Indarrak hartu ditugu hamaiketako on batekin, kalean Ugarte anaiekin topo egin dugu, Txikiliki proiektua ezagutu dugu, Iratik herri ekimenez sortutako ‘Estruendo’ ekitaldiaren berri eman digu eta bukatzeko Miren Artetxe, Maialen Akiza eta Sarai Robles bertsolariekin izan gara.

 

bideoaren irudia
Martxoaren 3ko biktimak aitortzeko eskatu dio Urtaranek Sanchezi

2018-07-10

Hain justu, asteazkenean, Martxoak 3 elkarteko Nerea Martinez eta Imanol Txasko joango dira Europako Parlamentuko Eskarien Batzordera, eta eskatuko diote dei dezatela Espainia 1976ko martxoaren 3an Gasteizen izandako gertakarien egia, justizia eta ordaina bermatzera. Horrez gain, hura berriz ez gertatzeko bermeak ere eskatuko dituzte.

bideoaren irudia
EGUNEKOA: uztailaren 10eko albiste nagusiak

2018-07-10

Iktus baten ondorioz hil den Jose Maria Setien Donostiako gotzain emerituaren heriotzari eta horrek eragindako erreakzioei erreparatu diegu. Horrez gain, Kataluniako ordezkari politiko errepresaliatuekiko hartutako neurriak ere izan ditugu hizpide.

bideoaren irudia
Ama Zuriaren festatako pregoia, kirolari lotutako zortzi emakumeren eskutik

2018-07-10
Janire Fernández de Olano atleta, Olga Jiménez kazetaria, Tania Lamarca gimnasta, Irati Anda eskalatzailea, Nagore Martín pilotaria, Maria Ascaso eskrimalaria, Made Urieta saskibaloi entrenatzailea eta Maider Mendia igerilariak irakurriko dute Gasteizko jai handia hasteko pregoia.