Skip to main content

Bideoteka

Bideotekan bilatu
bideoaren irudia
Uztailaren 13an Patin-gaua ospatuko da Gasteizen

2018-07-06

GAUA Uztailaren 13an Patin-gaua ospatiko dute Gasteizko kaleetatik, aurtengoa bigarren edizioa da. Nobedade moduan 15 km-ko ibilibide zirkularra izango da Berpizkunde plazatik hasi eta bukatuko dena, zezen plazaren. 22:30etan emango diote patin-gauri, baina 20:00 hasiko dute giroa berotzen hockey eta patinen gaineko dantza erakusketa  eginez, Momentos  taldeak zuzenean musikatuz.

Antolakuntzatik azpimarratu nahi dute,  ibilbidea ez dela lasterketa pista bat, horretarako taldearen buruan borondatezko irristatzeileak abiadura ezarriko dute jendeak era lasai eta adiskidetzu batean irristatzeko.

Uztailaren 13an agian askok oporretan egongo zarete  edo ez duzue aukera gasteizera hurbiltzeko, lasai , anolakuntzakoek iragarri digute Iraila eta urrian beste bi aukera egongo direla patin-gauan parte hartzeko

bideoaren irudia
Aldamar kaleko lokal okupatua hustu dute ertzainek Donostian

2018-07-06

Bizilagunak biltzen hasi dira inguruan, eta gertatzen ari zena grabatzen hasi dira batzuk. Pertsona horiek identifikatzen hasi da polizia, tartean, Irutxuloko Hitzako kazetari bat. Alde zaharreko gazte batek ez du identifikatu nahi izan eta komisaldegira eraman dute.

Jendea errepidean eseri da atxiloketa saihesteko eta poliziak indarrez jo du haiengana. Udalak adierazi du “partikularren arazoa” dela. Lokalaren jabeak lokala berreskuratzea eskatu duela, eta polizia epailearen ebazpen bat betetzen ariko dela. Ba gazteek asanblada egiteko deialdia egin dute, 18:00etan, Aldamar kalean bertan eta 21:00etan, berriz, manifestazioa egingo dute Trinitate plazatik abiatuta.

Joan den larunbatean okupatu zuten Aldamar kaleko 32. zenbakiko lokala. Auzo lokal bihurtu nahi zuten gazteek, eta urte askoan hutsik egon den espazioa txukuntzen eta prestatzen ibili dira egunotan. Azken hilabeteetan, auzoko hainbat eraikin eta lokal “berreskuratzeko” saiakera egin dute gazteek. Esaterako, pasa den martxoaren 24an, Abuztuak 31 kaleko eraikin bat okupatu zuten, eta gazteek, orduan ere, poliziak ilegalki aterarazi zituela salatu dute asteburuan.

bideoaren irudia
Adarretatik jaialdia Zarautzen, musikaren ertzak ukitzeko

2018-07-06

Sustatzaileen hitzetan, ez da edonolako jaialdia izango, musikaren ertzak ukituko baititu. Hiru agertoki izango dira horretarako: eguerditan, Merkatu Plazan, kaleko musika edo proposamen akustikoagaoak izango dira entzungai; arratsetan, Musika Plazan, euskal musika; eta gauetan, itsas pasealekuan, Borghetto parean eskainiko dituzte kontzertuak.

Guztira, dozena bat proiektuz gozatzeko aukera izango da hiru egunetan. Besteak beste, Sara Mansilla, Juan Valls, Oso Fan, Rafa Rueda, Buffalo, DJ Tahira edota Elkano Browning Cream taldeen doinuez gozatzeko aukera eskainiko dute. Zarauzko Udaleko Kultura sailaren eta Gipuzkoako Foru Aldundiko Katapulta programaren babesa izan dute, eta aurten estreinakoz antolatuko dute egitasmoari jarraipena eman nahiko liokete datozen urteetan ere.

bideoaren irudia
Ikurriñaren ordez, masta hutsa aurtengo sanferminetako txupinazoan

2018-07-05

Iruñeko Udaleko balkoian ez dute ikurriñarik jarriko sanferminetako txupinazoan, "mehatxu juridikoagatik". Baina masta hutsaren bidez irudikatuko dute debekatutako identitateak daudela. Edonola ere, Asironek argi utzi du txupinazoan beti egon dela presente ikurriña, udal plazan, eta aurten ere hala izango dela.

bideoaren irudia
EGUNEKOA: uztailaren 5eko albiste nagusiak

2018-07-05

Aurtengo sanferminetako txupinazoan, Iruñeko udaletxeko balkoian ikurriñarik egongo ez denaren berriari erreparatu diogu. Horrez gain, hainbat lan gatazkari ere eskaini diegu arreta.

bideoaren irudia
Erakunde publikoen jarrera "aktiboagoa" eskatu du Ongi Etorri Errefuxiatuak-ek

2018-07-05

Azken egunetan, 70 migrate eta errefuxiatu iritsi dira Bilbora. Egoera honek, pertsona hauen oinarrizko eskubideak bermatzea exijitzen duela aldarrikatu du Ongi Etorri Errefuxiatuak plataformak. Ekinbide horretan, herritarren inplikazioa nabarmendu eta instituzioen jarrera salatu dute, bereziki Bilboko udalarena.