Skip to main content
bannerra

Bideoteka

Bideotekan bilatu
bideoa prestatzen
Gaur hasi da Boro kazetariaren aurkako epaiketa Auzitegi Nazionalean

2018-10-03
Gaur hasi da Boro Lahaineko kazetariaren aurkako epaiketa Madrilgo Auzitegi Nazionalean. Agintaritzaren aurkako atentatua eta bi poliziari lesioak egotzita epaituko dute. Aurretik urte eta erdiko espetxe zigorra eskatzen zioten terrorismoaren gorazarrea leporatuta. Guztira, beraz, 7 urte eta erdiko espetxe zigorra jaso lezake kazetari lana egiteagatik.
bideoa prestatzen
Adierazpen askatasuna, kolokan

2018-10-02
Pentsiodunek mobilizazioei ekin diete pentsio duin eta publikoak eskatzeko. Bestetik, adierazpen askatasunaren urraketaren inguruan, Lahaine.org-eko Boro eta Ahotsa.info-ko Pitu kazetariekin izan gara. Kultura arloan, Nafarroako Komikiaren IX. Azokako irudiak bildu ditugu.
bideoa prestatzen
K-1eko Euskal Selekzioak urriaren 4tik 7ra ospatuko den Letoniako mundialean egongo da

2018-10-03
K-1eko Euskal Selekzioak urriaren 4tik 7ra ospatuko den Letoniako mundialean egoteko gonbitea jaso du. Euskal federaziotik mundialean ofizialki egotearen garrantzia eta euskera eta euskal herriaren aldeko keinu nabarmena dela azpimarratu dute. Ikurriñaren ordezkaritzan Aratz Garmendia, Alexander Timoth, Lander Ripodas eta Sebastian Lopez izango dira Rigako Mundialean. Bestalde, , larunbatean azken hamarkadako borrokarik garrantsitzuenetarikoa edo behintzat mediatikoena ospatuko da. UFC Ultimate Fighting Championship ligako pisu arineko gerrikoa dago jokoan, eta aski ezaguna de Connor Mc Gregor-ek Khabib Nurmaqomedoveri koroa kentzen saiatuko da.
bideoa prestatzen
Euskal Zine Bileraren 40+1 edizioa ospatuko da Lekeition Urriaren 6tik 12ra

2018-10-03
Lekeitioko Zine Bileraren 40+1. Edizioa ospatuko da urriaren 6tik 12ra. Era horretan izendatu dute aurten jaialdia 40 urteko ibilbidea ahaztu gabe, aro berri baten hasiera irudikatzeko, Aitor Gametxo koordinatzaile berriak adierazi duenez. Berritasunen artean, hiru atal berri: Branka, Ganbera eta Zerumuga; euskarazko zinemaren oraina, iragan eta geroa jorratuko dituzten atalak.
bideoa prestatzen
#ZButaka "Bihar dok amairu", Zineuskadi eta Sebastian sariak, Zinemaldiaren azken txanpan

2018-10-01
Anabel Arraiza lankidearen eskutik, "Bihar dok amaitu" dokumentaleko ekoizle Aitor Bereziartua eta Ander Iriarte izan ditugu. Horrekin batera, urritik aurrera zinema euskaraz ikusteko aukera izango dugu hainbat aretotan eta proiektu honen inguruan Jara Ayucar Zineuskadiko komunikazio arduradunarekin aritu gara. Hortaz gain, Joseba Errekalde, GEHITU-ko kideak, Sebastian sarien berri eman digu. Gorka Bereziartua eta Gontzal Agote kazetariekin mintzatu gara, Urtzi Urkizuk umorerako tartea ireki du eta Gaizka Izagirrek kritikarena.
bideoa prestatzen
Sanchezekin batera agertu da Urkullu ETAren aurkako "garaipen" argazkian

2018-10-02

Ez genuen Baionako armagabetze egunean ikusi, ezta Kanbon ere, Arnaga etxean Aieten hasitako bideari amaiera eman zitzaionean, goizez. Egun horretan, une historikoaz hitz egiteko, arratsaldez egin zuen agerraldia Uxue Barkos Nafarroako Gobernuko lehendakariarekin. Baina Madrilen bai, Madrilen, Felipe Gonzalez Espainiako presidente ohiaren ondoan gorde zioten aulkian esertzeko erabakia hartu du Iñigo Urkullu Eusko Jaurlaritzako lehendakariak.

Izan ere, Frantziako eta Espainiako gobernuek ETA «garaitu» izana irudikatu dute Madrilen eginiko ekitaldi batean, astelehen arratsean. Biktimen memoria gordetzeko beharra azpimarratu dute Pedro Sanchez Espainiako Gobernuko presidentea, eta Edouard Philippe Frantziako lehen ministroak.

Hasieran, Urkullu ez zen ekitaldira joatekoa, joan den ostiralean jaso zuelako gonbidapena eta agenda okupatua zuela adierazi zuen orduan. Baina Madrilgo ekitaldian egotea erabaki zuen azkenean. Ekitaldiaren ondoren, sare sozialetan zabaldu zuen bere balorazioa. Haren hitzetan, ETAren aldia bukatuta, biktimen aitortzan eta erreparazioan berresteko garaia da.

Izatez, ETA erakundeak aurtengo maiatzaren 3an eman zuen bere ibilbidearen amaierari buruzko erabakiaren berri, eta Espainiako eta Frantziako gobernuek beste bost hilabete behar izan dituzte ETAren bukaera ofizialtzeko. Madrilek eta Parisek ekitaldi bat antolatu zuten Moncloan, Borroka Antiterroristarako Lankidetza Espainiar-Frantziarraren Ekitaldia izenburupean, Parisek Madrilen esku uzteko ETAren 8.000 bat dokumentu eta material, eta, entrega horren bidez, erakunde armatua zenaren amaierari estatuen zigilua jartzeko.

Ekitaldia jarraitzen zeuden Jose Luis Rodriguez Zapatero eta Felipe Gonzalez Espainiako gobernuburu ohiak, Patxi Lopez Eusko Jaurlaritzako lehendakari ohia, Jesus Loza Espainiako Gobernuak Araban, Bizkaian eta Gipuzkoan duen ordezkaria eta biktima elkarte batzuetako ordezkariak. PPko inor ez. Urkullu aretoan sartzen azkenetakoa izan zen; justu Philippe eta Sanchez heldu baino segundo batzuk lehenago eseri zen Urkullu, Gonzalezen aldamenean. Nafarroako Gobernuko ordezkaritzarik ez zen egon.