Skip to main content
bannerra

Bideoteka

Bideotekan bilatu
bideoaren irudia
Migrazio politikak hizpide Naiara Gutierrez (CEAR Euskadi) eta Ana Elena Altunarekin (Ongi Etorri Errefuxiatuak) solasaldian

2018-06-21

Inmigrazioari buruzko eztabaida pil-pilean dago Europan, “Aquarius” ontziaren bueltan sortutako krisia eta gatazka diplomatikoaren ondoren. Mediterraneo osoan gertatzen ari denaren tanta bat baino ez da: ur tanta bat itsasoan. Auzia izan dugu hizpide, luze eta zabal.

bideoaren irudia
Beren musika lanen jabe izan nahi dutenak batu ditu Erro zigiluak

2018-06-21

2018ko neguan hasi zen ideia sortzen. Aurretik hainbat modutara diskoak kaleratu zituzten hiru taldeek, eta hurrengoetarako autoekoizpenera jotzeko asmoa zuten. Nor bere lanen jabe %100 izateko. Horrek, ordea, gehienetan bakarka aritzea dakar, eta horrek besteen esku uzten ez den lana norberak egin behar izatea. Lan horiek elkarrekin egiteko asmoak elkartu ditu, beraz.

Zigilu kide diren taldeek badute musika estiloan antzekotasunik, AEBetako soinuetarako joera. Eta horrek ematen dio zigiluari estilo uniformetasun bat. Baina aurrera begira beste estilo batzuetako taldeei ateak zabalik utzi dizkiete. Gasteizen sustraitu da diskoetxea, eta, printzipioz, bertan eta bertatik ariko da.

Esan bezala, hasieran hiru taldek osatzen dute zigilua, eta hiru taldeon lanak kaleratuko ditu 2018an. Lehenengo erreferentzia, eta dagoeneko plataforma digitaletan aurki daitekeena, Joseba B. Lenoirren singlea da. 

Diskorako talde berria ere osatu du, formatu berezikoa: bi bateria, bi gitarra, bi ahots, teklatua eta baxua. Uda honetan hainbat kontzertu emango ditu eta, oraingoz, kontzertu hauetan besterik ezin izango da erosi lan hau.

Horrez gain, Izaki Gardenak eta Montauk taldeek udazkenean kaleratuko dituzte euren diskoak, biak ala biak datorren astean sartuko baitira grabaketa estudioan.

bideoaren irudia
Ahal duguk udal hauteskunde primarioen emaitzak aurkeztu ditu

2018-06-21

Ahal dugu bere udal hauteskunde primarioen emaitzak aurkeztu ditu gaur goizean Bilboko egoitzan. Gazteleraz eskeinitako agerraldian 24 udaleko idazkari nagusi berrien izenak eman dit Yahcov Ruiz Ahal duguko antolakuntza idazkariak.

78pertsona aurkeztu dira 24 karguetarako eta bozkatzea deituta zeudenen %12,6ak hartu du par, hau da, 1479 pertsona.

bideoaren irudia
Joseba Asiron: “Une honetan, zezenik gabeko sanferminak ezin dira ulertu, baina debatea gizartean dago”

2018-06-21

Sanferminak zezenik gabe gaur egun ezin direla ulertu berretsi du Joseba Asiron Iruñeko Udalak. Era berean, horren inguruko eztabaida egon behar dela esan du; izan ere, debatea dagoeneko gizartean existitzen dela adierazi du alkateak eta hori ona dela gaineratu du. Zentzu horretan, eztabaida hori gizarteak, eta ez instituzioek, bideratu behar dutela azaldu du.

 

bideoaren irudia
Autogobernuaz, bizikidetzaz eta enpleguaz hitz egin nahi du Urkulluk Sanchezekin

2018-06-21

Iñigo Urkullu Eusko Jaurlaritzako lehendakaria eta Pedro Sanchez Espainiako Gobernuko presidentea ekainaren 25ean bilduko dira, Moncloan. Quim Torra Generalitateko presidentearekin, berriz, uztailaren 9an bilduko da Sanchez.

Sanchezek estatu espainiarreko autonomia erkidegoetako presidenteekin egingo duen bilera errondako lehen bilkura izango da Espainiako gobernuburuaren eta Urkulluren artekoa. Bilera datorren astelehenean izango da, 12:00etan. Eusko Jaurlaritzako bozeramaile Josu Erkorekak aurreratu zuenez, Urkulluk espetxe politika moldatzeko aukerez hitz egingo du, besteak beste, Espainiako presidentearekin.

Urkulluk berak ere aipatu du bizikidetza izango dela Sanchezekin egingo duen bilkurara eramango duen gaietako bat. Horrez gain, EAEko autogobernuaren bermeez eta enplegua sustatzeaz ere hitz egin nahi du Eusko Jaurlaritzako lehendakariak Espainiako Gobernuko presidentearekin.

Urkulluren ondoren, Torrarekin emango dio segida Sanchezek bilera errondari. Uztailaren 9an hartuko du Kataluniako presidentea Madrilen. Aste honetan jakin da Kataluniako presidenteak Espainiako erregeari biltzeko eskaria egin diola, hark Tarragonara egingo duen bisitaren harira.

Errege Etxeko buruak eskutiz bidez jakinarazi dio Espainiako Gobernuari Torraren gonbidapena jaso duela, Espainiako konstituzioaren arabera, gobernuak oniritzia eman behar baitie erregearen ekitaldiei. Espainiako Gobernuak ez du baimendu Torraren eta Felipe Borboikoaren arteko bilera. Azaldu duenez, erregeak ezin du Torraren mintzakide izan gai politikoak jorratzeko, eta uztailaren 9an Sanchezekin izango duen bilerara bideratu du.