Skip to main content

Bideoteka

Bideotekan bilatu
bideoa prestatzen
Biktimen arteko bereizketarik eza eta kontaketen bizikidetza aldarrikatu ditu Harold Goodek Azpeitian

2018-09-14
Biktimen eskubideak izango dira urriaren 5ean eta 6an Iruñean eta Bilbon egingo duten V. Foro Sozialaren ardatza. Euskal Herriko eta nazioarteko ordezkariek parte hartuko dute topaketan. Egunotan, topaketa horri babesa adierazten izan da Harold Good apaiz protestantea, IRA Irlandako Armada Errepublikanoaren eta ETA erakundearen armagabetzean ikuskatzaile lanetan aritutakoa. Besteak beste, Azpeitiko San Agustin kulturgunean hitzaldia eskaini du. Eta IRAren armagabetzetik jasotako esperientziarekin, gatazketako biktimen artean bereizketarik ez egitearen garrantzia nabarmendu du. Horrez gain, gatazka gainditzeko, Goodi ezinbestekoa iruditzen zaio kontaketa guztiak kabitzeko moduko memoria inklusiboa sustatzea.
bideoa prestatzen
LAB sindikatuak lan arautegian eta babes sozial gaietan eskuduntza guztiak bereganatzea eskatzen dio Estatus berriari

2018-09-14
LAB sindikatuak lan arautegian eta babes sozial gaietan eskuduntza guztiak bereganatzea eskatzen dio Estatus berriari. Lan eta bizi baldintza duinak eraikitzean ezinbestekotzat jotzen du sindikatuak gai horietan erabakiak hartzeko ahalmen osoa edukitzea. Lan harreman propioek eta negoziazio kolektiborako euskal marko propioa ere beharrezkoak direla adierazi dute. Autogobernu lantaldearen akordioa positibotzat jo dute baina EAJrekiko mesfidati agertu dira, adostasuna zabaltzearen bidean, akordioaren oinarri den erabakitzeko eskubidea urratuko duen beldur baita LAB.
bideoa prestatzen
Madril-ek Marta Igarriz eta Kepa Arronategi euskal presoak lekualdatuko ditu

2018-09-14
Logroño eta Zuerako espetxeetara lekualdatuko dituzte hurrenez hurren. Espetxe Zuzendaritzak eman zuen jakitera Etxerat elkarteak agerraldia egin zuen egun berean, Gobernua “kea saltzen” zegoela zalatzeko. Presoen senideen elkarteak, berria jasotzean, lekualdatzea ez zela nahikoa eta ez dagoela arrazoirik euskal presoak Zaballara ez ekartzeko.
bideoa prestatzen
Navarra LAN Party, teknologiaren ezagutzen topagunea

2018-09-14
Navarra LAN Party teknologiaren inguruko topagunea inauguratu dute gaur Nafarroako Unibertsitate Publikoan. 72 orduz jarraian informazioa eta komunikazioaren teknologien inguruan arituko dira 500 parte hartzailetik gora. Bideojokoekin batera, hitzaldiak, eta bestelako jarduerak izanen dira teknologiarekin lotuta.
bideoa prestatzen
Asteburuan Donostia Festibala ospatuko da Donostiako Hipodromoan, musika urbanoa ardatz

2018-09-14
Urbanoen artean urbanoena. Irailaren 14 eta 15ean Donostiako Hipodromoan Donostia festibala ospatuko da. Kalean bizirik dagoen musika izango da nagusi, rap, Hip Hop, trap eta euskal bandak nagusi direla. Berri txarrak edo Kase o bezalako entzute handiko artistekin batera, momentuan olatuaren goikaldean dauden zurriolako hondartza surfeatuko duten beste talde batzuk izango dira: Naty peluso, C Tangana, El niño de elche, The young wait, Pet Fennec, Pussy Riot, Riot propaganda, La Moda eta Señor No, beste batzuen artean.
bideoa prestatzen
Ijito komunitatearen inklusio soziala sustatzeko Nafarroako Gobernuaren plana

2018-09-14
Balorazio ona egin du Gaz Kalo Nafarroako Elkarte Ijitoen Federazioko koordinatzaileak ijito komunitatearen garapena bultzatzeko Nafarroako Gobernuak aurkeztutako planaren inguruan. Hala ere, neurri zehatzak beharrezkoak direla deritzo, gizarte osoarentzat onurak ekar ditzakeelako horrelako estrategia batek. Adierazi duenez, oraindik asko dira ijito komunitateak pairatzen dituen diskriminazio egoerak, ijitoen inguruko aurreiritzi eta estereotipoek gaur egun ere gizartean indarrean jarraitzen dutela salatu du Hernandezek.