Skip to main content

Bideoteka

bideoaren irudia
Enkarterri, Meatzalde eta Ezkerraldeko aberastasuna doan bisitatzeko aukera asteburuan

2015-04-21

Enkarterri, Ezkerralde eta Meatzaldeko baliabide turistikoak doan bisitatzeko aukera izango dugu asteburuan ekimen berri bati esker. Bizkaiko zonalde horretan turismoa sustatzea du helburu ekimen berriak eta esan bezala iguru honetako 24 baliabide turistiko doan bisitzako aukera emango du. Besteak beste, Pozalagua kobazuloak, Loizaga Dorretxea, Balmasedako Boinas la Encartada Museoa edota Meatzaritzaren Euskal Museoa bertatik-bertara ikusteko aukera emango digu ekimenak.

bideoaren irudia
Zulora hurbildu da Eibar

2015-04-21

Eibar 0 - Celta 1. Ipuruan galdu ondoren, zulora begira jarri da talde armagina. Mailari eusteko lana gogotik egin beharko dute Garitanoren mutilek. Partiduaren eta egoeraren analisi laburra egin dugu.

bideoaren irudia
Europako ateari joka jarri da Athletic

2015-04-21

Athletic 4 - Getafe 0. Zurigorriek neurketa ona egin eta aise menderatu zuten Madrilgo taldea San Mames Barrian. Partiduaren analisia egin eta Europan sartzeko aukerez aritu gara Beñat Zarrabeitia eta Jose Luis Artetxe kazetariekin.

bideoaren irudia
Hezkuntza ereduen garrantzia gizartearen eraikuntzan (1. zatia)

2015-04-20

Donostiako San Telmo museoan Hezkuntza ereduen garrantzia gizartearen eraikuntzan izeneko jardunaldiak egin zituzten martxoa bukaeran. Hemen duzue lehendabiziko mahai-ingurua, politikariekin. Solaskideak: Maria Luisa Garcia Gurrutxaga (PSE), Jone Berriozabal (EAJ) eta Juanjo Agirrezabala (EH Bildu). Moderatzailea: Mikel Garcia (Argia).

bideoaren irudia
Joxerra Senar: "CANekin gertatutakoan Espainiako Bankuak duen ardura handia da"

2015-04-20

Gurean Gaur elkarrizketa saioan, Joxerra Senar Berria egunkariko kazetaria izan dugu. CAN: eta hemen ez da ezer gertatu liburua argitaratu du duela gutxi. Bertan emandako zehaztasunak aztertu nahi izan ditugu kazetariarekin, eta hala aurrezki kutxei begira jarri gara. Besteak beste, nabarmendu du ez dela baikorra Espainiako Auzitegi Nazionalak gai honetan esku hartzearekin.

bideoaren irudia
Aizank! | Droga kontsumoa eta Nagore Arozena pilotaria

2015-04-20

Aizank! saioaren atal berri honetan Bizkaialdera hurbildu eta Amorebietako Urritxe institutuan izan gara. Droga eta alkohol kontsumoaz eztabaidatu dugu bertako gazteekin. Bestalde, Anoetan, Nagore Arozena pilotariarekin egon gara eta emakumeak pilotan duen presentziaz galdetu diogu besteak beste. Eta astero bezala, Amaia Vazquez sexologoaren aholkuak izan ditugu. Oraingo honetan arrisku praktiken berri eman digu.

 
 
Premium Drupal Themes by Adaptivethemes